Su membru operativu de sa Regione est bistadu brassallu de unu cummentu vulgare meda supra de Facebook, chi naraiat chi su rolu sou de assessora no esserat zustu e chi si fit teppida dedicare a faghere atteras cosas, indittande su numene de unu famadu attore de film po zente manna.

Custu attaccu fattu a paraulas at creadu medas contierras e sa reatzione forte de sa mattessi assessora. In d’unu post supra de Facebook, Manca si est dimandada si chiet at iscrittu custu cummentu enzat feminas in sa famiglia sua e si fettat cun issas puru sos mattessi cummentos chentza rispettu. At puru nadu chi at dezisu de si faghere cunsizzare dae sos avvocados suos po leare una detzisione.

Sas paraulas de offesa in su cunfruntu de Manca, ant intzitadu accottu meda in sos cunfruntos suos, arrivadu dae tottu sos politicos, puru cussos chi sunt a s’oppossione. Fausto Piga, cunsizzeri Regionale de Fratelli D’Italia, at espressadu accottu a Manca, cundennande sos arrochizzos chi faghent riferimentu a su sessu commente cosas chi non si podent atzettare e chi sunt birgonzosos. At postu in evidentzia chi cando su disaccordiu, cando est prenu de odiu e fogosu, deppet essere semper cundennadu e no podet essere mai giustifigadu.

Commente s’assunta est bessida a pizzu, Piga e sos cumpanzos suos ant cherfidu espressare a sa lestra s’accottu insoro a s’Assessora Manca, nande chi sos cuntrastos politicos deppent essere accomettados cun rispettu e chentz usare allolojos e pedulias.Custa cosa at torradu a azzendere sa dibatta supra de s’odiu in sa retza e sos attaccos sessistas, evidentziande un’attera borta su bisonzu de unu trazu rispettosu e tzivile, siat po sa feminas e siat in generale supra de sa dibatta pubbrica.

In medas ant espressadu pessamentu po s’affraccada chi est creschinde in sos cunfruntos de sas feminas in sa politica, evidentziande s’apprettu de intervennere in manera reale po cumbattare su noscu po sas feminas e favoressere sa cultura de su rispettu. S’accottu po Manca, est arrivadu puru dae sos cumpanzos suos de su partidu, chi ant espressadu indignassione e cundenna po s’affraccada, isperande chi cosas commente custas non si ripitant pius. Medas membros de sa politica ant ammentadu cantu siat importante mantennere una dibatta politica chi siat fundadu supra de argumentos e no supra de affraccados personales.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

S’Italia si approntat a un’atzocchiu dae s’Articu chi at a battire una minimada de sas temperaduras, bentu forte e cundissiones de su tempus contrarias supra una parte manna de s’Italia, icluidinde abba troccosa e puru niadas.

Una massa de aria fritta de issida artica chi arrivat dae su Polo Nord, at attraessare s’Europa prima de arrivare a su Mediterraneu, ingendrande unu mumujone chi at a influentzare su tempus italianu in sas dies chi ant a bennere, accansande sa Sardigna.

Secundu sos calculos, fintzas a su fine chida bi ant essere condissiones de istabbilidade, cun abba in tottue supra sas regiones de su tzentru e de su mesudie, in manera particulare dae sa parte de su Mare Adriaticu e su Mesudie de s’Italia. Giovia at essere sa die in sa cale at a proere de pius, cun s’abba chi si at a podere revertire in nie supra sos 900-1.200 metros in sos Appenninos e supra atteros montes. In su mattessi tempus, bentu pius frittu dae su Nord e dae sa parte nord orientale at a faghere minimare sa temperadura in su Nord de s’Italia.

Sappadu 7 de Nadale s’aria fritta at a arrivare a sas Alpes, bintrande in su Mediterraneu siat dae s’adde de su Rodanu chi dae sa janna de sa Bora. Custu movimentu at a intzidare unu pejoru de su tempus, cun nie supra sas Alpes,Prealpes e su notte, fintzas supra sas campuras de Piemonte, Lombardia, Veneto e Friuli.

Dominiga 8 de Nadale at a sinzare sa chima de sa temporada. S’aria fritta at a bintrare in su Mediterraneu, iscadenande bentos fortes de Maistrale e bentu africanu, cun corfos de bentu de pius de 90 km/h. Marettadas in sas costas de su Mare Tirrenu, in manera particulare Liguria, Toscana, Lazio, Campania e Sardigna.

Sas regiones de su tzentru e de su mesudie ant a essere corpadas dae abba cadria e temporadas, e sas temperaduras pius bassas ant a battire su nie supra so Appenninos, chi ant a divennere biancos supra sos 1.000 metros. Sa Sardigna at a biere issa puru nivadas in proradas, unu abbenimentu chi non si biede a s’ispissu chi in custu tempus de s’annu.

Sas prenettas narant chi su clima at a divennere semper pius arritzonidu cun s’incumintzu de sa chida chi intrat. S’aria dae s’Articu at a sighire a creare istabbilidade mescamente in su Mesudie e supra sa Sardigna, cun su nie chi at a podere arrivare giai dae sos 600-800 metros. Sas cundissione de s’iberru posca ant a podere torrare un’attera borta a su Nord, abberinde unu periodu de frittu forte supra totta s’iscrocca natzionale.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22