Francesca Secci, con s’ispiritu rude sou e sa grista sua chi non tenet cunfrontu, cumproat sa mattessi essentzia de s’animu e de sa pesseverantzia. Sas prodesas suas de campionessa italiana chi at binchidu medas premios, cun duas intzididas a sas Paralimpiades e medas medallas binchidas, sunt su reflessu chi si podet toccare de s’istravanada determina e talentu suos.

Francesca est meda pius de una atleta simple: est unu faru de ispirassione chi lughizat su camminu de tottu cussos chi tenent sa fortuna de la connoschere. Su ligonzu de Francesca cun s’elementu abba est fungudu e eternu, tantu chi deffinit sa sua mattessi esistentzia. Chi si trattet de una piscina o de s’immensidade de s’Oceanu, Francesca at semper respundidu a sa giamada de cussu elementu licuidu cun d’una passione e dedissione chi non tenet cunfrontu. Po issa, sa cumpetissione est solu s’urtimu capitulu de un’istoria longa una vida, una istoria de porfias affrontadas cun coraggiu e de triunfos meritados.

E gai, chentza dudas, Francesca si preparat a s’accabussai in s’emossionante Campionadu Italianu Master FINP, chi si at a tennere in s’archida piscina Zero9 de Roma su 12 de Maju 2024. Accumpanzada dae sa cumpanza de iscuadra, Silvia Quarantiello,Francesca affrontat custa porfia noa cun sa mattessi determina e crista chi l’ant semper annoditada.

S’annu passadu, Francesca at binchidu medas medallas de oro a su Campionadu Italianu Master 30, dominande sas proas de sos 100 dossu e 100 bellagasu cun tempos desamplados. Cust’annu puru, si preparat a partetzipare a sas mattessi garas cun su sognu de si divertire e de godire donzi momentu de custa istravanada esperientzia. “Cherzo vivere donzi momentu a su massimu”, narat Francesca, “pro itte partetzipare a unu abbenimentu commente custu est unu mandu chi non cherzo suttavaludare. Gratzias a sa preparatzione cun s’allenadore meu Alessandro Medda, so pronta a dare su menzus de mene e dassare su signu”.

Francesca Secci est meda de pius de una simple campionessa: est un’ispirassione viva, un’esempiu de determina e passione chi sighit a lughizare su camminu de tottu cussos chi si agattant a attraessare sas abbas suas, siat intro chi in fora de sa piscina.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22