In s’isfida supra de Rai 3 po su titulu de “Burgu de sos Burgos” de s’annu 2024, giutta sempere dae Camilla Raznovich, at bidu bennere a pizzu unu logu galanosu chi at acciappadu s’attentzione e su coro de sos ispettadores: Peccioli, una prenda ingastada in sa provintza de Pisa.

Affundadu in mesu de binzas chi si perdent in s’orizonte, custa biddichedda distintiva, bantat tesoros de architettura commente sa maestosa Pieve de San Verano e su misteriosu Palattu chen’ e Tempu, chi si pesant commente custodes de una istoria de pius de milli annos.

Ma no est solu sa bellesa sua istorica chi lu rendet unicu: Peccioli est connoschidu puru po sas attrividas suas istallassiones de arte de sas dies de oe, chi si ammisturant cun su tempus antigu de su Burgu, creande un’ammistura chi affadat de su passadu cun su presente.

Secundu est arrivadu Badolato, unu burgu affadadu chi est supra de su mare Jonio, in sa provintza de Catanzaro, inghiriadu dae una bista chi che bogat s’alenu, Badolato mustrat una bista ispettaculare chi andat dae sos bruncos de sos Appenninos fintzas a sas abbas cristallinas de su Mediterraneu. Sa posissione sua amparada, a pagos chilometros dae sa costa, la rendet un’umiadroxiu disizadu po cussos chi chircant una cumbinada perfetta intre sa natura innida e sa cultura bera.

Terzu est arrivadu Grazie, una prenda cuada in sa provintza de Milano, chi incantat sos visitadores cun sa bista de campagna e sos canales favulosos. Inghiriadu dae campos de laurantza, Grazie est unu consolu de calma inue sa vida iscurret pasida in mesu de sas antigas carrelas sticcadas. Sa frora e sos animales sunt amparados dae sa Comunidade Europea, preservande in custa manera unu pretziosu patrimoniu de sa natura chi ammaigad e ispirat tottu sos chi lu visitant.

Ma sa cumpetissione non si firmat innoghe: dae Nara a Isula dei Liri, passande po Castelvetro di Modena, Arbatax, Maratea,Leporano e Montesano sulla Marcellana, donzi burgu si est distintu po sa bellesa sua unica e su riccu patrimoniu culturale. Su Burgu de sos Burgos est meda de pius de una simple cumpetissione; est unu viazzu affadadu in mesu a sas terras de s’Italia, po iscoperrere comunidades bragosas de sas raighinas insoro e disizzosas de cundividere s’istoria insoro cun su mundu.

Sos amministradores de Tortulè, paris cun sa comunidade, ant fattu de tottu po faghere binchere su Burgu de mare de Arbatax. Essere arrivados ottavos e in sa finale de Rai3, est bistadu po tottus motivu de braga e de allegria. Dominiga sero in medas ant sighidu su programma e isperadu chi Arbatax poderet,gratzias a sas bellesas suas, arrivare in sas primas tres.

E gai, in su mentres chi sa trasmissione si est serrada supra de custa edissione epica, podimos solu ispettare cun attruddulu su pius accurtzu capitulu de custa carraffale abbentura, prontos po essere giuttos un’attera borta in sos logos incantados e in sas istorias ammaghiantes de sos nostros ispantosos burgos italianos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22