Sas feminas in laurantza si sunt ammustrande commente una fortza chi tragat su campu, cun casi 7.800 dittas de laurantza conduidas dae feminas solu in Sardigna. Custu elementu si insertat in d’unu cuntestu natzionale pius mannu, cun casi 200.000 feminas chi conduini, chi ant seperadu su campu de sa laurantza commente tribagliu, binchinde travessas e oriolos e battinde una balentia noa in cussu campu.

Comente mustrat una cherta counduida dae Donne Coldiretti, supra sos datos de su Registru Imprese, pubbricada po sa festa de sas feminas de s’8 de martu, in Italia, casi una ditta supra battoro oe, est conduida dae feminas. Custa presentzia de sas feminas, est revolussionande sa manera de tribagliare in sos campiles, abbratzande medas attividades chi andana dae sa pesada a sa manizzada, dae sos fiores a sas fattorias, dae su cambiamentu de sos prodottos a sa bendida diretta.

Sas feminas chi conduene in laurantza, non solu si dedicana a sas attividades de sa tradissione, ma sunt puru su motore de initziativas sotziales commente sas fattorias de imparonzu e sos asilos de campagna, addìa de s’impignu po s’incluisione de sas feminas chi sunt in daesegus de sas atteras, vittimas de violentzia e malusantzias.

Maria Francesca Serra, responsabbile de Donne Coldiretti, ponet in evidentzia chi sa presentzia de sas feminas in sa laurantza est un’isfida sotziale de importu, pro itte medas feminas desizant de binchere sas travessas de sa cultura e de zenìa, po si fachere in su campu de sa laurantza.

Bell’e gai, bi sunt tambene medas difficultades, mescamente po sas feminas pius zovanas, commente sa paga tutela cando sunt raidas. In Sardigna, sa presentzia de sas feminas in su campu de sa laurantza est creschinde die po die, cun sas feminas chi sunt sempere de pius interessadas in su cambiu de innovassione e ingendru. Custu si reflettidi in sos datos chi indittant su 25% de sas feminas in laurantza chi sunt graduadas e su 60% chi faghent attividades birdes commente sa laurantza biologica.

Sas feminas in laurantza faghent medas attividades, partinde dae s’educatzione po su chi si mandigat e po s’ambiente a sa conduida de sas fattorias in sas cales s’imparant sos disignos cun sas iscolas. Medas de custas feminas sunt zovanas, cun casi 13.000 dittas conduidas dae feminas chi non tenent 35 annos, e chi puntana a sa tecnologia.

In pius, medas sunt cualifficadas meda, una donzi battoro est graduada, medas bortas in materias chi non sunt de laurantza. Medas seperant sa laurantza pustis de aere fattu esperientzias in atteros campos, chircande una vida noa.

In pius de sa pesada e de sos fiores, pius de su 50% de sas feminas in sa laurantza faghent pius de una attividade, mescamente bendida diretta, agriturismu e cambiamentu de sos produttos. Medas sunt interessadas in sa produtzione biologica oppuru biodinamica e in sa filera de calidade, bistande attentas meda a sa sostenibilidade e sa tutela de s’ambiente.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sa Dinamo Bancu de Sardigna patit sa secunda derrotta una fattu de s’attera in sa fase duos de sa Europe Cup, perdinde 76-83 cun sos frantzesos de Le Portel, in d’una partida giogada e pattada po casi tottu su tempus, ma chi est bistada detzisa in sos urtimos minutos .

Po sos tattaresos un’attera occasione perdida pustis de su passu falsu contra Bilbao, ma sas isperantzias de si qualifficcare addurant bivas. S’isquadra de coach Markovic si est presentada in Le Portel cun determina, mustrande dae sos primos minutos de podere cumpetere in manera chitta cun sos frantzesos.

Sa gara est bistada bilantzada in sas primas tres partes, cun sas duas isquadras chi sunt bistadas a su cumandu una fattu de s’attera chentza mai si che andare a daenanti. Sa terza parte si est serrada cun sos merese de domo a daenanti solu de unu puntu(61- 60), dassande suspentare una parte finale intzerta e chertadora.

In s’urtima parte, peròe, sun bessidas a pizzu sas difficultades de sos tattaresos, mescamente in s’attaccu. Mentres Le Portel at pottidu contare supra sas prestassiones istravanadas de Konate, Diawara e Nunge, sos tattaresos ant fatigadu a acciappare continuidade. A battoro minutos dae sa fine, sos frantzesos ant approffittadu de carchi sbeliu de sa deffensa de sa Dinamo po allonghiare.

Bell’ e chi custu, sa Dinamo no at mai molladu. Sos tiros de tres puntos de Veronesi e Fobbs, su menzus marcadore tattaresu cun 12 puntos, ant torradu a azzendere sas isperantzias de sos istranzos, chi sunt arrivados a -4 puntos. A donzi manera, in sos momentoz detzisivos, Le Portel at mustradu una frittesa e fortesa pius mannas, serrande sa gara cun su risurtadu de 83-76 conchistande duos puntos pretziosos in sa cursa po si qualifficare.

Mancari eppat perdidu, sa Dinamo at mustradu signales de corazzu. S’isquadra at gherradu a sa chitta contra unu cuntrariu de livellu artu, evidentziande tramas de giogu bonas e impignu mannu, ma est mancada, in sos momentos pius importantes, una cosa supra sa cale coach Markovic at a teppere tribagliare. Sa fase de s’attaccu in s’urtima parte de sa gara, in manera particulare, at evidentziadu una mancantzia de lutidade, mentres in sa defensa si sunt bidas mancantzias chi ant permittidu a sos frantzesos de approffittare de situassiones de favore.

Cun duas derrottas in duas garas, sa Dinamo est como in d’una posissione cumplicada , ma su caminu po passare sa muda benidora no est cumpromissu. Ant essere de fundamentu sos impignos pius accurtzos.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22