Su Tenente Colonellu Daniele Credidio, est bistadu retzidu in manera arroddida a su cumandu provintzale Carabinneris de Casteddu, inube at leadu s’incarrigu de cumandante de sa setzione operadiva, in logu de su Generale Micheli Tamponi, chi si est sempere occupadu cun cumpetentzia manna puru de trattare cun s’istampa sarda.

Arrivadu dae un’esperientzia importante meda in su cumandu Generale de s’Arma, in sa cale si est annodditadu po sas cumpetentzias suas in s’esaminu de sa Criminalidade Organizzada e puru in su compudu detzisivu de s’impittu de su personale militare in s’amministrassione, su Tenente Colonnellu Credidio, torrat commo a sas setziones de s’iscrocca.

Sa ghirada sua est bistada isettada pustis de s’andada de su 2015 a sa cumpanzia Carabinneris de Palermo in Plata Verdi, inue est bistadu po casi deghe annos. Su caminu sou proffessionale est incuminzadu in su 2005, cun su cumandu de su fundamentu operativu de Napoli, e at sighidu cun sa responsabilidade de su Cumandu Cumpanzia Carabinneris de Sanremo, dae su 2007 a su 2011, po sighire in sa tzittade siciliana.

Accansadu su diploma in s’accademia militare de Modena e accansadu puru su gradu de uffitziale in su 2001, Su Tenente Colonellu Credidio at devuccadu sa formazione sua cun d’una Laurea in Dirittu. Pustis at sighidu a si mezorare in Iscentzia de sa Securesa cun d’unu dislindadu devuccamentu crimenologicu.

Galu at isboddiadu unu rolu detzisivu commente Cunsizzeri Legale de sas Fortzas Armadas, dande su contribbudu signifficativu po faghere rispettare su dirittu internassionale caridadosu.

Sa tzerimonia de sa colada de su testimonzu est bistada fatta lunis passadu, cando su Generale de Troppa Migheli Tamponi at tzedidu in manera uffitziale su cumandu de sa Setzione Provinciale de Casteddu, pustis de annos de servitziu perfettu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22