Accò sos risurtados de sos primos sundaggios po sas elessiones Regionales de sa Sardigna, chi sunt bistados fattos supra casi 1000 pessonas dae su 31 de su mese de bennarzu a su 1 de frearzu. Innantis chi sas urtimas duas chidas de campagna po sas elessiones proibbant sa pubbricassione de sas intentas de votu, Bidimedia at esaminadu sos elementos dispostos.

Su candidadu de su tzentru dresta, Paulu Truzzu, est in daenanti de pagu supra sa candidada de su tzentru manca,Alessandra Todde, cun su 46% de sos cunsensos contra su 41,9%. Renato Soru e s’unione sua sunt a su 11,1%, mentres Lughia Chessa de Sardigna R-esiste est a s’1%. Su sundaggiu de Bidimedia ,frunidi atteros elementos, incluinde su giudissiu supra su chi at fattu sa Giunta de Solinas: su 57% de sos elettores de su tzentru dresta, narant chi at fattu bene, mentres solu su 3% de sos elettores de su tzentru manca est de accordu.

In tottu, solu su 21% de sos elettores zudigada in manera positiva s’urtima legisladura. Alessandra Todde est sa candidada chi tenet sa cunfianza pius manna de sos elettores, cun su 35% de sa suma. Truzzu e Soru tenent ambos su 31% de cunfiantza, ma Truzzu lampada cun su 16% de sos chi ant respundidu, chi li dant cunfiantza meda, in cunfruntu a su 15% de Soru. Lughia Chessa tenet sa cunfiantza de su 16%.

Sos elettores part chi siant po prenettare sa binchida de Paulu Truzzu cun su tzentru dresta: su 41% creet chi s’unione tragada dae sos Frades de Italia at a binchere sas elessiones, mentres su 30% creet chi su tzentru manca ghiadu dae Alessandra Todde potat binchere.

Po sos partidos, Frades de Italia si cunfirmat su primu partidu cun su 23,1% de sos chi ant respundidu, sighidu dae su PD cun su 15,6%, sas 5 Isteddas-Innantis cun su 10%, Fortza Italia, sa Lega e su Psdaz cun su 6,4%, 5,4% e 4,1%. Sas listas chi agguantana Soru-Azione-+Europa e Disignu Sardigna pigant su 3,7% e su 3,5%, mentres Unidos pro Alessandra Todde e Alliantzia Birdes Manca aguantat su 3,4%.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22