In mesu de s’iscuridade de su bisestu de s’Olocausto, una figura prena de corazzu e de bonu coro, sa monza Zuseppina Demuru, ada dae pagu retzidu su titulu onorevole meda de “Zusta in mesu de sas Nassiones” dae su Yad Vashem, s’organismu de Israele chi premiada cussos chi ana arriscadu sa vida insoro po sarvare sos zudeos, in su tempus pius iscuru de s’istoria de sos omines.

Sa nova de custu ondrosu riconnoschimentu est arrivada a sos nepotes de sa monza Zuseppina, cun d’una littera chi est arrivada dae Gerusalemme, su 14 de Nadale de su 2023. Sa littera, non solu abbisaiada chi li aiana assegnadu su titulu, ma finzasa chi su numene sou, l’aiana iscrittu po semper in su muru de sos zustos de Gerusalemme, unu riconnoschimentu chi ada addurare po sempere, po su sacrifitziu nobbili sou.

Sa tzerimonia de reconnoschida l’ana a faghere in sos meses pius accurzos in s’imbassada de Israele in Roma, inue sos nepotes ana a retzire una medallia e unu attestadu in onore de sa famada tia insoro.

Sa monza Zuseppina Demuru est diventada sa sesta femina sarda a retzire custu riconnoschimentu, poninde in evidentzia su corazzu e su bonu coro chi ada mustradu cando bi fini bistadasa sas pessecussiones cuntra sa zenia e sa Resistentzia. S’istoria sua si est connoschida gratzias a su contributu de Tonino Loddo, chi ada iscrittu unu libru pubblicadu in su 2017, supra Istudios Ozzastrinos.

Naschida in Lanusè, su duos de su mese de Sant’Andria de su 1902, sa monza Zuseppina si fidi unida a sa Cungregatzione de sas Fizzas de sa Caridade, cando teniada solu deghennoe annos. S’impignu sou po sos atteros si est bogadu a campu in manera garroffali, cando in su 1942 fidi diventada sa cumandante de su bratzu femininu de sa presone le Nuove de Torino, cando bi fidi s’occubassione de sos nazifascistas. In cussu tempus, creschiada sa pessecussione cuntra sa zenia, e sa Monza Zuseppina,si fidi annodditada pro itte aiada diffendidu e cuadu deghinas de ebreos e partigianos in sa presone, faghinde diventare pagu sigura fintzas sa vida sua, po nde sarbare medas atteras.

Sa morte sua in su 1965 no ada iscantzelladu s’eroismu sou dae sa memoria de tottus. Su comunu de Torino, ada onoradu sa memoria sua, cun d’una accorrada de su cunsizzu comunale e ada dedicadu una iscola Materna in sa bia Lessona, a custa femina garroffala chi ada cumproadu abbastu chene cunfrontu in sos momentos pius buggios de s’istoria.

A dies de oe, gratzias a su riconnoschimentu chi li ada dadu su Yad Vashem, sa monza Zuseppina Demuru, benidi ammentada, no solu in Torino, ma fintzas in paritzas tzittades de sa Sardigna. Manifestatziones po sa Die de sa Memoria, organizzadas dae sa sotziedade Oleaster, si ana a faghere in sos comunes de Bari Sardu, Baunei, Turtulia. Tonino Loddo e sas chi dirigini sas bibliotecas, ana a partetzipare po accasazzare custa femina sarda, chi ada incarnadu s’ispiritu beru de umanidade in sos tempos pius buggios de s’istoria. S’istoria sua ada addurare una lughe de isperantzia po sas ingendras chi ana a sighire.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Partit sa retza natzionale po sa meighina de pretzisione.

Naschent in manera uffitziale sas buttegas po sa meighina de pretzisione cun su Programma pilotu po sa retza de sos Tzentros digitales de meighina de pretzisione de sa Fundatzione Healt Italia naschida in Palermo gratzias a unu disugnu de chirca chi at acciappidu s’accottu in su PNRR in su 2022.

Sas Buttegas po sa meighina de pretzisione sunt unu programma de accradiada chi puntat a che giughere su rennoamentu tennologicu in sa pratiga clinica po mesu de unu sistema aunidu de servitzios chi mustrat s’intrada a sa sanidade de su tempus benidore supra totta s’iscrocca natzionale. S’intentu insoro est de accottare sos ispidales italianos in sos assentos de cura personalizzada e accrariare sos protzessos de clinicas de  prevensione e trattamentu passande dae sa meighina simile po tottus a sa meighina pensada po donzi pessona in sa cale sas detzisiones si regulant supra sa connoschentzia funguda de su proffilu biologicu de su malaidu gratzias a s’aunione de sos datos geneticos clinicos ambientales e digitales.

Sa fundassione at fattu partire 11 programmas pilota cun s’intentu de progettare modellos novos de servitzios sanidarios avantzados, chi andant dae sa diagnostica de pretzisione a sa genomica attuada passande po sa solingiania pagu ficchida e servitzios de meighina interna po sas maladias raras, sa maladia de casta e sa cura personalizzada de su diabete e de sas maladias metabolicas.

S’arranzu de sas curas benit disizzada commente unu de sos pilottos de su cambiamentu culturale de sa sanidade addìa de unu sistema capatze de reconnoschere sas differentzias,anticipare sos bisonzos e accumpanzare donzi pessona cun caminos cufformados. Sas Buttegas po sa meighina de pretzisione sunt impiantos natzionales aunidos e digitales chi accottant universidade, ispidales, tzentros de chirca e tzentros clinicos in su coladorzu intre unu modellu sanidariu personalizzadu chi antizipat e d’est basadu supra sos datos.

In sos urtimos tres annos una de sas printzipales zuras de tribagliu est bistada s’oncologia, ma sunt arrivados resurtados meda importantes fintzas in su campu de sas maladias cardiometabolicas comente su diabete. Sa porfia como est de andare addìa de su PNRR e fraigare unu sistema  durosu chi si potat affortigare in su tempus sa meighina personalizzada in Italia.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22