Marcello Fois paris cun s’assotziatzione Isula de sas istorias de Gavoi, ana comunicadu de aere serradu sa longa e fruttosa collaboratzione insoro.

Pustis de deghesette annos dedicados paris, a su Festival, periudu in su cale custu abbenimentu ada conchistadu fama meda e grandesa in tottu su mundu, s’iscrittore sardu Marcello Fois, ada fattu connoschere sa volontade sua de accabbare cun custa esperientzia de sa vida sua, pro itte est istraccu e po resones personales.

Mancari custa detzisione fetat cumprendere su sentidu naturale de perdida, chi accumpanzada unu istaccu commente custu, tottus impare ana dimustradu rispettru e reconnoschentzia po s’impignu e sa passione chi ana fattu in manera chi su Festival diventerada unu addobiu culturale de importantzia, connischidu in tottu su mundu. Sa comunicatzione uffitziale evidentziada su rolu, importante meda chi ada tentu Marcello Fois in calidade de
cherbeddu de su Festival in sos annos passados. Gratzias a s’opera sua, a sa visione e s’abilidade, presentande istorias e zente unica in Gavoi, s’Isula de sas istorias est diventada unu fentomu in sa litteradura e sa cultura de s’Italia intrea, balanzande fintzas attunbentzia in tottu su mundu.

Sa comunicatzione ponet in evidentzia:”Marcello, ada ghiadu su Festival cun coro e dedissione, cambiandelu in d’unu addobiu culturale de fama internatzionale.” Su nuntzu de addiu est prenu de ingraenzu in su cunfruntu de Marcello Fois, po su rolu fundamentale chi ada tentu po fraicare s’identidade chi ada distintu in tottu custos annos su Festival.

Mancari custa collaboratzione siada finida, S’assotziatzione abbaidada a su tempus benidore cun cunfianza, sciente chi custu isseperu, diventada unu capitulu nou po su Festival, chi ada a sighire a mandare a daenanti sas initziativas a sas cales tottus semus affezionados. Cun su determinu de preservare s’eredidade fraicada paris cun Marcello Fois, s’assotziatzione leada s’impignu de affianzare sa frorentzia de s’Isula de sas Istorias, po sa cuntentesa de tottus sos chi amana sa cultura e sa litteradura.

Sunu bistadas fintzas comunicadas sas dies de su prossimu Festival s’Isula de sas istorias: dae su 4 a su 7 de triulas 2024. Mancari s’isfida, ligada a sa congruida de una collaboratzione gai longa, sa galabera po su benturu de custu eventu si biede a ogros serrados, cun sa promissa de tzelebrare istorias noas in sa plata de Gavoi.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Sunt 18 sos films italianos, candidados po contu de s’Italia in sa classe International Feature Film Award a sa 97a edissione de sos Academy Awards chi si at a fagfhere su 2 de martu 2025 in Los Angeles. Su 24 de cabudanni 2024, sa Commissione at a dezidire cale opera ad a tennere s’onore de cuncurrere po s’Italia in una de sas cumpetissiones de su tzinema pius de archida de su mundu.

In mesu de sos films chi partetzipant bi sunt fintzas operas de autores affirmados e promissas zovanas de su tzinema italianu, ispartidas intra su 1° de sant’Andria de su 2023 e su 30 de cabudanni 2024. Sos titulos offerrint paritzas castas e temas, poninde in evidentzia s’estremadìa e sa variedade de su tzinema italianu de oe.

In mesu a sos films de contassia si acciappant operas commente Accattaroma, affiladu dae Daniele Costantini, chi pintat unu retrattu prenu de sa vida de sa cabbale italiana, e Campu de Battalla de Gianni Amelio, unu dramma intimu e cadriu chi iscumbattat sos appitzigos umanos. Antonio Albanese presentat Chentu Dominigas, una cummedia drammatiga chi meledat supra s’andamentu de sa vida de sas biddas pitticcas, mentres Daniele Lucchetti est partetzipande cun Confidenza , unu film chi iscumbattat su tema de sa cunfiantza e sa traittoria de sos amigos. Fintzas su documentariu giogat unu rolu importante meda in custa selesssione. Food for profit, de Giulia Innocenzi e Pablo D’Ambrosi, iscumbattat sos cumplessos apparitzos de s’industria alimentare de su mundu, mentres sos Pitzinnos de Gaza- Supra sas undas de sa libertade, affiladu dae Loris Lai, contat cun emossione sa gherra e s’isperantzia de sos zovanos de Gaza.

Non ammancant atteras produssiones importantes, comente Gloria! De Margherita Vicario, una cummedia lughente supra sas famiglias, e Il Mio Posto E’ Qui de Daniela Porto e Cristiano Bortone, chi meledat supra sos temas de s’identidade e de s’appartennentzia. Il Tempo Che Ci Vuole de Francesca Comencini est imbetze un’opera chi iscrodignat su valore de su tempus in sos appitzigos personales, mentres L’Altra Via de Saverio Cappiello accommettat su tema de sos seperos diffitziles e de sas secundas possibilidades in sa vida.

S’Italia, chi tenet unu connottu longu e gloriosu de sutzessos in sos Oscar, cun operas figurativas comente La Vita è bella e Nuovo Cinema Paradiso, isperat de azzunghere unu sutzessu novu a cust’istoria.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22