S’artista tortoliesu Giorgio Ladu at donadu un’òpera de arte imponente meda a s’Autoridade de su sistema portuale de su Mare de Sardigna: unu velieru in granitu artu 2,20 metros chi pesat unos  50 cuintales. S’òpera est istada inchingiada in sa Cala Genovesi durante una pitica tzerimònia acanta ant partetzipadu diversas autoridades locales, comente Massimo Deiana, presidente de s’Autoridade, su cumandante de sa Circomare Mattia Caniglia, su sìndigu de Tortolì Marcello Ladu e una delegatzione de su diretivu de su Club Diportisti Arbatax.

Su Velieru in granitu est unu donu a sa traditzione marinara de s’Ogiastra e ammentat unu passadu cando in Arbatassa si disegnaiant in sos muros sas imbarcatziones a vela a sas naves de càrrigu chi carraiant su linnàmene pro s’ex Cartiera. Custa òpera de arte, realizada dae Ladu, rafigurat unu bastimentu a vela, unende elementos de sas de naes de crusiera chi dae unos cantos annos  atracant in su portu e un’amentu de su passadu familiare de s’artista, cun su nùmeru de matrìcula postu in s’iscafu assignadu a su babbu Antonio durante sa Segunda Gherra Mundiale.

S’artista at evidentziadu chi custa lassa rapresentat unu primu passu pro torrare a apresiare s’iscalu de Arbatassa a sa comunidade de Tortolì, essende una ventana subra  su mare e unu importante volanu econòmicu e culturale. Custu obietivu est cumpartzidu fintzas dae s’Autoridade, chi dae su cabudanni 2021 at aviadu una faina importante pro torrare a avalorare sa ghenna de s’Ogiastra, insertende infrastruturas modernas in su cuntestu paisagìsticu.

Massimo Deiana, presidente de s’Autoridade, at acollidu cun pràghere sa lassa, sutaliniende chi su Velieru s’ìntegrat in manera perfeta in su cuntestu marìtimu e traditzionale de Arbatassa. Custa òpera de arte rapresentat unu primu passu artìsticu in unu percursu de ricualificatzione e afortigamentu graduale de sas infrastruturas de s’iscalu ogiastrinu, aviadu dae s’ente in su 2021.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22