In Roma, bia de Frattina, in su tzentru istòricu de sa tzitade, pagu a pustis de sas 12 unu cane de ratza rottweiler nd’at rutu dae un’artia de tres pianos a pitzus de una una fèmina gràida chi fiat colende, a a presu de su tzìvicu 102. Una situatzione de non crèere, chi in deretura at ispantadu totu sos tzitadinos, sos turistas e sos traballadores presentes a su fatu.

Pro s’animale non b’at istadu nudda de fàghere,s’ est mortu comente est lòmpidu a terra.  Unos testimòngios ant mutidu sos sucursos e su personale de su 118, sa politzia locale de Roma capitale e sos carabineris de San Lorenzo in Lucina sunt lòmpidos deretu.

Sa fèmina, de 28 annos, est istada leada a s’ospidale Umberto I e istat male meda, sende chi su  rottweiler l’at pitzigada a conca, ma pro fortuna no est in perìgulu de fida, e nimancu su fedu. Sos militares sunt chirchende de cumprèndere comente mai su cane siat rùidu dae su terratzu de cuddu apartamentu e si sos meres esserent in domo. C

ando sunt arribbados ue est capitadu s’intzidente ant agatadu petzi sa propietària de su rottweiler in caminu. Pagu a pustis est arribbadu fintzas un’òmine. Si pensat chi s’animale si siat fuidu a sa fidada.

Meda sos passantes e sos residentes chi ant  lassadu decraratziones a sos giornalistas e a sos carabineris: “A su cumintzu amus intesu unu sonu forte comente chi si trataret de un’iscopetada. – At naradu una cummissa de una buteca chi est a unos cantos metros dae su logu ue est sutzèdidu su fatu- Sa gente at cumentzadu a si fuire e nois nos semus acuados suta de unu corridàriu, cumbintos chi si trataret de un’atentadu. Posca amus cumpresu ite fiat acontèssidu”.

Sa fèmina est istada corpida dae su cane chi pesaiat unos 60kg, e su corpu l’at betada a terra. Calleddu puru est rutu a terra mortu, sende chi dae cussa artia fiat belle impossibile a si sarbare.  Sa pitzoca de 28 annos, ditza sua, no est in perìgulu de vida, e at a curare in unas cantas dies, ma podiat andare meda peus pro issa e pro sa fida chi leat in brente.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa Sardigna de su rennu: unu tempus de autonomia e podere locale in s’ìsula medievale.

S’istòria medievale de sa Sardigna est sinzalada dae unu tempus ùnicu, cussu de sos zuigados, rennos autònomos chi ant caraterizadu s’ìsula intre s’XI e su XIV sèculos. Custos istados pitticcos, nàschidos a pustis de s’abbasciamentu de gadimentu de su podere bizantinu e de sas incurtziones àrabas, rapresentant unu capìtulu de fundamentu pro cumprèndere s’identidade istòrica e polìtica de sa Sardigna.

A pustis de sa fine de su poderiu bizantinu, s’ìsula s’est ispartida in rennos autònomos guvernados dae zùighes, friguras chi auniant funtziones polìticas, militares e zudiziàrias. Sos zudicados fiant ghìados dae famìllias nòbiles locales e si fundaiant subra unu assentu amministrativu e zurìdicu avanzadu pro cussu tempus. A su cumintzu si nche contaiant bator printzipales: su Zudicadu de Casteddu, su Zudicadu de Arbarèe, su Zudicadu de Torres (o Logudoro) e su Zudicadu de Gaddura.

Donzi zudicadu teniat capitale, esèrtzitu, leges suas e una istrutura amministrativa autònoma, chi permitiat de guvernare un’ iscrocca ispartida comente cussa sarda. Su podere de sos zùighes non fiat assoludu: s’azzudaiant cun unu cunsìziu de nòbiles e funtzionàrios locales chi los azuaiant a leare detzisiones.

Sa leze iscrita, connota comente Carta de Logu, mescamente in su Zudicadu de Arbarèe, regulaiat sa vida polìtica, econòmica e sotziale, istabilinde reglas tziviles e penales e amparande sos diritos de sos tzitadinos. Custu còdighe legale fiat un’istrumentu avanzadu pro cussu tempus e at influentzadu sa legisladura sarda in sos sèculos a pustis.

Sos zudicados, puru essende indipendentes, non ant bìvidu mai isulados: sas bèndidas issoro fiant ligadas a s’istrinta  a sas potèntzias de su Mediterràneu, comente Pisa, Gènova, Aragona e su Papadu. A mesu de alliantzas, cojas e gherras, ant chircadu de deffèndere s’autonomia insoro e de affortigare su podere locale.

Intre totus, su Zudicadu de Arbarèe s’est distìntu pro sa resistèntzia a sas dominatziones istranzas, in particulare in su mentres de sa luta contra de sos aragonesos in su  sèculu XIV.

S’abbasciamentu  lentu  de sos zudicados at cumintzadu cun s’abbattigu de fora e cun sas lutas intro de issos. A sa fine de su sèculu XIV, s’Aragona est resurtada a cunchistare sa parte pius manna de s’ìsula, annetende sos territòrios de sos zudicados e revertinde sa Sardigna in una regione suta su controllu aragonesu. Comente si siat, sa memòria de sos zudicados e de sas lezes insoro est abarrada biva in sa cultura e in s’istòria locale.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”