Su mundu de s’isport est a s’ispissu teatru de gestos etzetzionales, ma pagos sunt gasi istraordinàrios e ispantos comente cuddu acumpridu dae Tommaso Cabiddu, unu giòvanu calciadore de 17 annos, durante una partida de fùbbalu chi at ispantadu a totus pro sa curretesa.

Su fatu est acontèssidu  in sa partida intre s’iscuadra de sa Cos e su Baunei, in s’àmbitu de sa categoria Junior. Tommaso Cabiddu, unu defensore bonu meda de su Cos, at acumpridu unu gestu chi at iscasidadu ammiratzione e respetu dae banda de totu sos ispetadores. Durante sa partida, Tommaso est resèssidu a marcare unu gol, unu momentu de grandu satisfatzione pro cale si siat calciadore. Su gol est istadu cunvalidadu dae s’àrbitru sena esitatziones, e pariat chi totu andaret bene.

Nointames, est istadu su chi est sutzèdidu  a pustis de su gol a distìnghere Tommaso comente unu beru campione non petzi in su fùbbalu, ma in sa vida de totu sas dies. Mentras festaiat su gol, Tommaso s’est rèndidu contu de una situatzione irregulare capitada a in antis chi sa botza intraret in sa rete. In antis de su tiru suo, su portieri aversàriu aiat subidu una farta in essida. A diferèntzia de medas àteros, chi diant àere pòdidu disconnòschere s’irregularidade, Tommaso at seberadu s’onestade.

Sena esitatziones at pedidu chi sa rete esseret annuddada. Custu gestu balentiosu e leale at dimustradu una profunda cumprensione de sas règulas de su giogu, ma fintzas sentidu mannu de respetu cara a s’aversàriu e s’ispìritu isportivu. Est unu cumportamentu chi diat dèvere èssere un’esèmpiu pro totu sos atletas, giòvanos e mannos, e chi nos ammentat sos valores beros de s’isport, comente  su respetu, sa curretesa e sa lealidade.

S’isportividade dimustrada dae Tommaso Cabiddu est istada annodiada dae totus, retzende ampros bàntidos e complimentos dae banda de sos ispetadores, dae sos cumpàngios suos de iscuadra e de sa comunidade isportiva in generale. Custu giòvanu calciadore at dimustradu chi su beru ispìritu de su giogu non si lìmitat a sa vitòria a ogna còstitu, ma includet fintzas sa capatzidade de reconnòschere cando b’est istada un’ingiustìtzia e de agire de cunsighèntzia.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Su decretu Energia a unu passu dae su emmo  allisat sa carrela a s’imbestida de su bentu; Sardigna chentza amparu.

Su decretu Energia est accanta a s’approazione deffinitiva. Pustis de su via libera de su Senadu, su provvidimentu at arribare in pagu tempus a
sa Camera po s’urtimu passazzu de su parlamentu chi at a cussentire s’approazione. Unu camminu chi est faghinde preoccupare meda sa Sardigna
inube creschet sa timoria de un’accreschimentu chentza controllu de sos impiantos de su sole e de su bentu, chentza chi bi siant tutellas po s’iscrocca.

Su decretu, naschidu po apprettare sa colada energetica e minimare sa dipedentzia dae su fossile benit bidu commente un’istrumentu chi minimat su rolu de sas Regiones e de sos entes locales favoressinde Operadores Energeticos mannos natzionales e internatzionales. Sa Sardigna, gratzias a sas calidades de s’ambiente e de su tempus benit cussiderada una de sas iscroccas prus disizzadas po imbestimentos novos e propriu po custu arriscat de tennere sos problemas prus mannos.

Sas regulas novas prevedint protzeduras prus fatziles po s’autorissasione e una minimada de sos controllos locales. Custu diat podere cussentire sa fraigada de impiantos fintzas in logos cun balore mannu de sa bista de sa laurantza cun effettos devastantes supra s’iscrocca e sas comunidades.

In custu cuntestu si affortigat s’impignu de comitados tzivicos, amministradores locales e assotzios chi dimandant istrumentos de amparu prus balidos. A su tzentru de sa dibatta bi est sa proposta de una lezze regionale Pratobello chi puntat a introduire lacanas craras e criterios chi istringhent de prus po fraigare impiantos po su sole e su bentu in s’Isula.

In sas dies imbenientes cun s’accostiare de su votu a sa Camera si prevedint initziativas novas e protestas pubbricas. Su cunfrontu si giogat intre s’esigentzia natzionale de apprettare sa transizione energetica e sa dimanda de prevedire unu disignu chi tenzat contu de sa particularidade de sa Sardigna e de sa tutella de su patrimoniu naturale e culturale suo.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22