S’arribu de sas cunsignas cun drones in Itàlia est s’inghitzu de un’era noa in su mundu de sas cunsignas. Amazon, su gigante de su cummèrtziu in lìnia fundadu dae Jeff Bezos, at annuntziadu chi intro su 2024 s’Itàlia s’at a unire a sa Britànnia Manna, sighende sos Istados Unidos, in s’inghitzu de s’isperimentatzione de su servìtziu rivolutzionàriu suo de cunsigna cun drones mutidu “Prime Air.” Custa noa rapresentat una bortada significativa e promitet de trasformare in manera radicale su setore de sas cunsignas, giughende benefìtzios meda pro sa lestresa e s’efitzèntzia de su servìtziu de bèndida.

Pro realizare custu progetu, Amazon at a impreare drones MK30, prus ligeros, cumpatos e silentziosos cunfrontu a sos modellos impreados in fase de proa in sos Istados Unidos. Custos drones ant a pòdere cunsignare pachetes intro un’ora dae s’òrdine e rapresentant una modalidade noa pro mìgias de artìculos chi non superant sos duos chilos de pesu. Su MK30 est istadu progetadu pro operare in diversas cunditziones meteorològicas, finas cando est proene, un’aspetu fundamentale pro garantire sa continuidade de su servìtziu. Sos pachetes ant a èssere allogiados a s’internu de su drone durante su bolu, assegurende sa seguridade e s’integridade de sos càbidos.

Sas primas cunsignas cun drones sunt istadas aviadas a sa fine de s’annu passadu in Texas e Califòrnia, cunsentende de lòmpere a clientes seletzionados intro unu raju de ses chilòmetros dae sos tzentros logìsticos. Custa initziativa at rèndidu possìbile sa cunsigna intro 60 minutos de s’òrdine, donende un’antada de innovatzione e comodidade in su setore de sas cunsignas. Dae pagu Amazon at introduidu unu modellu de drone nou prus forte, seguru e chi lompet prus a largu. In prus, s’azienda at cunfirmadu s’obietivu de cunsignare 500 milliones de produtos in totu su mundu a traessu de su servìtziu de cunsigna cun drones intro deghe annos. Pro rèndere custu servìtziu semper prus atzessìbile, Amazon est mapende tptu su territòriu, cunsentende a sos clientes de averguare si s’àrea issoro est coberta dae su servìtziu, chi a comintzu at a èssere de badas.

S’introduida de sas cunsignas cun drones finas in Itàlia rapresentat una pedra de mìgias in s’evolutzione de sas cunsignas e marcat su cumintzu de un’era noa. Custu sistema at a megiorare sa lestresa de sas cunsignas e at a rapresentare unu passu a in antis in s’àmbitu de s’innovatzione tecnològica. In prus, si previdet chi at a tènnere un’impatu significativu subra  s’indùstria de sa logìstica, creende oportunidades ocupatzionales noas acapiadas a su fràbicu e a sa manutentzione de sos aparèchios.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Casteddu, si ponet in lughe commente unu faru de abbonidade in sa Sardigna de oe. S’urtimu esamene de sos elementos chi at frunidu su Dipartimentu de sas finantzias de su Mef, contat chi custa cittade incantadora est supra de sa lista po redditu mesanu,annodditandesi commente s’unica in sa regione chi tenet unu redditu mesanu pius
fungudu de sa media natzionale. Bell’e gai, custa realtade luminosa est accumpanzada dae umbras de differentzias de accolomia, commente evidentziadu dae sa situassione de Carbonia, sa cale, a su contrariu, est sa cittade pius male posta po su redditu.

In su cuadru de s’accolomia chi b’est in sas dichiaras de sos redditos de su 2023 chi faghent riferimentu a sos redditos de su 2022, bessint a pizzu differentzias importantes in s’accolomia de sa Sardigna e de tottu s’Italia.
Bell’e chi una creschida bassa de s’accolomia, su redditu mesanu supra su cale si pagant sas tassas in Sardigna, est de 19.411,35 euros, registrande unu creschimentu de su 4,4% supra de s’annu passadu. Bell’e chi custu creschimentu est sutta de sa media natzionale, chi marcat unu pius fungudu 7,4%, e est attesu meda dae sos datos de sa Lombardia, chi est sa prima po redditu mesanu in pius, po donzunu, cun d’unu +10,8%.

In d’unu cunfruntu a livellu natzionale, sa Sardigna si ponet a metade de sa lista po redditu mesanu, ma cando si cunfruntat cun sa Lombardia, sa distanzia est pius evidente: su redditu mesanu de sa Sardigna est solu su 72% de cussu de sa Lombardia. Custa differentzia, mancari non siat unu ispantu, po Mauro Carta, presidente de sas Acli regionales de sa Sardigna, est una porfia de s’accolomia totta de affrontare.

Sos meccanismos regionales non sunt solos, ma si reflettent in su cunfruntu natzionale. Mentres sa Calabria est a sos urtimos postos de sa lista po redditu mesanu, regiones commente sa Provintzia autonoma de Bolzano, su Lazio,s’Emilia Romagna e su Piemnote, sunt a sos primos postos cun redditos po donzunu pius artos de 24.000 euros.

Bell’e chi sos isforzos po sa creschida de s’accolomia, sa creschida de su redditu mesanu in Sardigna est de sos pius modestos, cun solu sa Liguria e s’Umbria chi tenent una creschida pius bassa cun su (+3,9%). Sas regiones
cun sa creschida pius arta sunt sa Lombardia, su Lazio e sa Valle d’Aosta, mancari custa creschida siat bistada giai mandigada dae su creschimentu de sos pretzios.

In pius, sos istudios supra su redditu dispostu de sas famiglias chi consumant, evidentziant una realidade meda pius cumplessa. Sa Sardigna est a su postu 14 supra de 20 regiones, cun d’unu redditu disponibile po donzunu chi est solu s’84,9% de cussu de s’italianu mediu. Custu cheret narrere chi mentres un’italianu mediu tenet apparitzadu 100 euros po sas ispesas, unu sardu mediu nde tenet solu 84,9.

Custos datos non solu mustrant unu retrattu de s’accolomia de sa Sardigna, ma pesant puru chistiones de sa sociedade e de s’accolomia importantes meda, chi dimandant una particulare attentzione dae parte de su Guvernu e de sa sotziedade tzivile. Sa frorentzia de Casteddu est de certu unu faru luminosu, ma est puru un’invitu po considerare e affrontare sas porfias de s’accolomia chi tambene trumentant medas atteras zuras de sa Regione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22