S’òpera de arena realizada dae Nicola Urru in sa marina de Platamona est unu tributu emotzionante e significativu a sas fèminas chi ant lutadu pro sa libertade issoro e agualidade de gènere in su cursu de sos sèculos. Custa iscultura ùnica collit su significadu profundu de s’agualidade de gènere e sa netzessidade de betare a terra sas barrieras chi ant limitadu sas fèminas in su cursu de s’istòria.

Nicola Urru, s’artista chi est a palas de  custa creatzione meravigiosa, at cumpartzidu su pensamentu suo e su significadu chi b’est a palas de s’òpera. S’iscultura rapresentat unu donu a sas “fèminas rivolutzionàrias” chi ant gherradu pro sa libertade issoro de no èssere “ùtiles iscraas”. Est unu tributu a totu sas fèminas chi ant chircadu de rivendicare s’agualidade issoro cun sos òmines, lutende contra una istòria longa de annestru chi las at cunsideradas inferiores. Custu annestru a s’ispissu at animadu sas fèminas a isvilupare sa sensibilidade esteriore a iscàpitu de s’abbistesa issoro.

S’òpera de Urru ponet a nostu su fatu chi sa polìtica de còmodu at sutapostu pro meda tempus sas fèminas a sèberos obrigados, cunfinende·las a s’ispissu a ruolos de iscravidade voluntària. Custu passadu iscuru at impedidu a sas fèminas de atzèdere a sa libertade de cultura e a s’istrutzione, limitende gasi su progressu de sa connoschèntzia e de sa virtude. S’artista sutalìniat chi sa beridade devet èssere cumpartzida dae totus o s’impatu suo subra de sa vida umana at a èssere limitadu.

S’òpera torrat a cramare fintzas s’atentzione subra de su fatu chi mentras sos òmines lutaiant pro sa libertade issoro e sa possibilidade de detzìdere de sa cuntentesa pròpia, fiat ingiustu sighire a tènnere sas fèminas in unu livellu prus bassu de sa vida sotziale.

In su passadu, sos òmines beniant istudiados e preparasos pro una professione, mentras sas fèminas fiant a s’ispissu deviant pensare a  unu matrimòniu vantagiosu comente  ùnicu percursu conca a s’indipendèntzia. Sas fèminas beniant animadas a si cuntzentrare subra de chistiones chi intzitaiant sentidos e sentimentos prusaprestu chi a isvilupare su pensamentu crìticu issoro.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Nora, sa tzittade supra de su mare chi contat sas issidas de sa Sardigna.

Intre sos logos archeologicos prus ammaghiantes de s’isula,sa zura archeologica de Nora est una de sas testimonias prus importantes de s’istoria antiga de sa Sardigna. Posta in sa costa sud-occidentale , in s’iscrocca de Pula, Nora est unu logu inube su tempus passadu ispuntat a pagos passos dae su mare, intre ruinas chi contant seculos de tzivilidade e barattos in su Mediterraneu.

Fundada cun meda probabilidade dae sos Fenicios intre su IX e s’VIII seculu A.C.,Nora est cussiderada una de sas tzittades prus antigas de s’isula. Pustis est divennida unu tzentru punicu importante meda e, prus a tardu,romanu, leande unu rolu istrategicu dae su puntu de bista de sos negossios chi de s’amministrassione. Sa posissione sua,supra de una penisula accarada supra su mare, l’at fatta divennere unu portu naturale e unu puntu de collegamentu de fundamentu intre sa Sardigna e sos atteros caminos de su Mediterraneu.

Passizzande intre sos restos de sa tzittade si podent biere in manera crara sas fases istoricas divressas chi sunt furriadas in su tempus.Intre sos elementos prus de ammaghiu bi est su teatru romanu, una de sas conas de su situ, chi fintzas oe benit impittadu in su mentres de s’istiu pro abbenimentos culturales e ispettaculos. Accanta a su teatru bi sunt sos istabilimentos termales, cun logos dedicados a su relax e sa vida sotziale, e parizzas domos decoradas cun musaigos chi testimonzant su livellu de isviluppu apperricadu dae sa tzittade in su tempus de sos romanos.

Sos caminos sticcados,sos restos de sas cresias e sas istrutturas de su portu contant de una tzittade biva e ordiminzada, inube si intrintzaiant attividades de barattu,religiosas e de donzi die.Interessante meda est su cuartieri punicu, chi custoid sas andalas de sa fase prus antiga de su logu. Unu de sos trattos pius ammaghiantes de Nora est s’appitzicu suo cun su mare. Parte de sa tzittade antiga s’isterriat in sa costa e oe carchi istruttura si agattat sutta de su livellu de s’abba, e si biet solu in carchi occasione.

Custu elementu dat unu contribbudu a faghere divennere su situ unigu, inube archeologia e bista naturale si fundent in d’unu ecchilibriu ammaghiante.Sos iscavos, chi sunt ancora faghinde, sighint a torrare materiales e informatziones novas, arricchinde sa connoschentzia de unu logu chi no at ancora iscoviadu sos segretos suos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22