In unu mundu in ue  a s’ispissu sa vida animale benit cunsiderada petzi unu bene de consumu, nde essint a foras  istòrias chi caentant su coro e nos ammentant s’importu de sa compassione pro totu sas creaturas. Una de custas istòrias est acontèssida in Sardigna, ue una turista isvìtzera at acumpridu unu gestu istraordinàriu de garbu in sos cunfrontos de una protagonista marina: un’aligusta de mare.

S’iscena est capitada  dae in antis de su ristorante “Gente di Mare” in Figari, una localidade costera sarda cun abbas cristallinas e unu ricu patrimòniu gastronòmicu a base de frutos de mare. Sa turista isvìtzera, mentras s’agataiat a chena in su ristorante, at notadu una bartza cun unas cantas aligustas prontas a las còghere.

Imbetzes de ordinare una de custas aligustas de mare pro la tastare segundu sas traditziones culinàrias locales, sa fèmina at fatu una mòvida istramba. Trista pro more chi custos èsseres esserent sacrificados pro pro pràndere sos clientes de su ristorante, at detzìdidu de pigare una detzisione carignosa. At mutidu su mere de su ristorante e l’at naradu chi cheriat acuistare una de sas aligustas, non pro la papare, ma pro la torrare a mare.

Sa sua recherta at iscasidadu ispantu e ammiratzione intre sos presentes e su personale de su ristorante. A pustis de àere seberadu s’animale prus mannu, sa turista at cunfirmadu s’intentzione sua de la liberare in sas abbas de su portu, torrende·la a sa libertade chi li fiat istada negada. Sos titulares de su ristorante ant acollidu cun grandu garbu e respetu sa recherta de sa cliente, cun probabilidade cumprendende chi su gestu chi fiat acumprerene fiat fatu cun su coru.

Sa noa de custu atu de cumpassione s’est difùndida a sa lestra in sas retes sotziales, devenende virale e atirende s’atentzione de persones de totu su mundu. S’istòria de custa turista isvìtzera at dimustradu comente unu gestu chi podet pàrrere piticu potzat tenet un’impatu significativu subra de sa gente e donat un’inditu pro su rispetu de sos animales.

 “Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Esterzili, unu burgu sardu pitticcu, si istantariat bragosu in s’urtima sua opera de arte murale, frimmada dae s’artista Mauro Patta. Cust’opera no est solu un’ onore a sos chentenarjos chi ant surcadu sa terra de custa comunidade, ma est un’ affirmassione de cunfiantza in su tempus benidore chi devet ancora ocrire.

In d’una simana inue su passadu paret essere s’unica ghia, custa opera imbidat a abbaidare addia, a abbrazzare su crasa cun isperantzia e determinu.

Su betzu, retrattu cun sa mirada a s’adde chi si isterret in daenanti a issu, no est un’ommine agganciadu a su passadu, ma unu custode de su tempus benidore. Sa mirada sua bragosa non si perdet in sos ammentos, ma si imbolat assa parte de sas ingendras noas, cun s’isperantzia de una menzus vida po s’amada bidda sua. Intro de issu s’incarnant sos valores trasmittidos in sos seculos, ma puru sa voluntade de los trasmittere a sas ingendras de su tempus benidore, in manera chi potant fraigare unu tempus benidore frorente supra sa base de unu passadu riccu de sabidoria e usantzias.

“Crasa”, gai s’intitulat custa pintura a friscu de 35 metros quadrados, testimonza de un’epoca chi abbaidat a daenanti, chentza ismentigare sas raighinas suas. Esterzili, in su 2024, si faghet interprete de una contassia chi andat addia de su presente, abbratzande su crasa cun cunfiantza e isperantzia. Cut’opera no est solu un’innu a sos chentenarjos chi l’ant precedida, ma est unu cumbidu a tottu sas ingendras chi ant a bennere, po contivizare su giardinu insoro de isperantzias e ambitziones, in manera chi su tempus benidore potat essere a s’artesa de su passadu gloriosu de custa comunidade.

In d’unu mundu semper pius globbalizzadu e incastradu, est de fundamentu contare a pedras lebadas e de su presente, sa vida longa sarda, chi at fattu divennere famada custa regione in tottu su mundu.

Po mesu de s’arte de oe e de sa tecnologia, podimos trasmittire a su mundu intreu, sa bellesa e sa ricchesa de sa cultura de una comunidade chi at sappidu resistire a sas proas de su tempus. Sos chentenarjos de Esterzili non sunt solu testimonzos de su passadu,, ma sunt puru luminosas ghias po su tempus benidore, mustrande chi sa sa vida longa no est solu una chistione de annos, ma de fortza, sapidoria e amore po sa terra insoro.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22