S’intìtulat “Sardinia” s’album  de s’artista americana chi at a essire su 15 de cabudanni. Registradu in Mòguru su 29 de santandria 2018 pro su Culturas Fèstival, Corea e s’Orchestra de Càmera de sa Sardigna fiant istados dirìgidos dae Simone Pittau.

    “Su acàpiu tra mene e Chick Corea fiat naschidu meses a in antis de cussa die de non ismentigare – ammentat Pittau, fundadore in su 2004 de s’Orchestra de Càmera de sa Sardigna e in su 2008 de su Culturas Fèstival – Nos alleghiamus a su telèfonu pro organizare su cuntzertu ma sas tzarradas nostras andaiant prus addae, trasformende·si pro mene in insegnamentos de vida. Posca fiat arribbadu sa die de s’esibitzione: fiat istadu una resessida manna e Corea aiat apretziadu meda sa professionalidade de s’orchestra e sos ligàmines umanos chi si fiant creados in cudda ocasione”.

 Su programa de sa manifestatzione previdiat s’esecutzione de su Cuntzertu pro pianoforte n. 24 de Wolfgang Amadeus Mozart e sa Rhapsody in blue de George Gershwin. Comente bis fiat istadu propostu unu de sos petzos istòricos de Corea, Spain: su tema derivat dae su segundu movimentu de su Concierto de Aranjuez pro chiterra e Orchestra de su composidore famadu ispagnolu Joaquìn Rodrigo. Corea nd’aiat improvisadu una versione arrangiada in su momentu chi aiat interessadu unos cantos solistas de s’orchestra e su pùblicu, mutidu dae issu in manera brullana “su coro de Mòguru”.

    “S’intreu cuntzertu fiat istadu registradu e m’aiant fatu ischire chi si trataiat de materiale òtimu – agiunghet Pittau – Mai dia àere imaginadu però chi nde diat èssere essidu in unu progetu discogràficu. Fintzas ca Corea, mancari teniat in mente de traballare ancora paris cun mie, sie fiat mortu e cun issu fintzas sos progetos suos”. Imbetzes, cudda esperièntzia fiat intrada aici meda in su coro de su jazzista chi in antis de mòrrere aiat lassadu naradu a s’iscuadra suo de la trasformare in unu discu, de cale a tìtulu Sardinia.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Cun s’arrivu de s’ istagione turistica noa, s’attentzione est posta supra su comune de Tortolì, chi at annunziadu cun galabera meda sa torrada de msos viazos de su Trenu Birde istoricu de sa Sardigna in s’ispantosu camminu Arbatax-Tortolì-Lanusei.

Custa initziativa est un’occasione unica in sa zenia sua, po iscumbattare sas bellesas de sa Regione in manera ammaghiante. Su Trenu Birde est unu bera e propia prenda, una gianna po unu viazu in su tempus passande in mesu a bistas chi che bogant s’alenu e testimonzas istoricas chi ammaghiant e incantant.

Partinde dae su 14 de lampadas, su trenu ad a torrare a pigare sos viazos, apparande a tottus sa possibilidade de bivere sa maghia de custa esperientzia. Ma sas novidades non finint inoghe: cust’annu, in pius de sas cursas regulares in su fine de sa chida, sa chenapura e sa dominica, si sunt baludande atteros isseberos de viaos a nolu.

Custa moddesa at a permittere de assulenare sas esigentzias de sos bisitadores e de arricchire de pius s’esperientzia totale de sos turistas chi disizzant de iscumbattare sa Regione nostra in manera pius personale e istuvuccada.

Su sutzessu de custa initziativa est su risurtadu de un’impignu leadu dae tottus e de una bisione cumone. Su Comune de Tortolì espressat unu ringratziamentu sincheru a tottu cussos chi ant permittidu custu servitziu: dae su direttore generale de s’ARST, Carlo Poledrini, a su Presidente de sa Fundatzione Elso Rei, a sos sindicos de s’iscrocca e a sos membros de sa matessi Fundatzione. Est bistadu gratzias a s’impignu custante insoro e a s’attentzione insoro a sas esigentzias de sa comunidade e de sos chi tribagliant in su campu de su turismu, chi semus capatzes de apparare custa istravanada occasione de viazu.

Un’atteru afficcu de nodare est sa nomina dae pagu tempus de Segretariu de sa Fundatzione Trenu Birde istoricu de sa Sardigna, de su sindicu de Tortolì, Marcello Ladu. Custu riconnoschimentu evidentziat s’impignu de sa tzittade po favoressere e preservare custu patrimoniu culturale unicu, garantinde sa continuidade e s’isviluppu benidore.

Imbidamos tottu sos appassionados de viazos e de sa bellesa naturale a iscoperrere sas meravizzas de su percursu de su Trenu Birde. Custu viazu, promit de essere un’esperientzia chi non si podet ismenticare, permittinde a tottus de si affundare in sa bellesa e in s’istoria de sa Sardigna, in manera unica e ispantosa. Addurade prontos a bos faghere incantare dae sas bistas claras chi che bogant s’alenu e dae sas emossiones chi solu unu viazu cun su Trenu Birde podet donare.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22