Sa Pastorale de su Turismu est pro torrare cun sa de noe editziones suas in sa provìntzia de Oglastra, interessende artistas, istràngios de importu e su pùblicu in un’esperièntzia culturale e artìstica arrichida dae fotografias, mùsica de autore e riflessiones ispirituales. Sos ispàtzios a s’abertu de s’Anfiteatru Caritas de Tortolì e de s’Àrea Fraterna a Sa Caletta de Thiniscole ant a acasagiare sos eventos dae su 3 de austu a su 17 de cabudanni.

Su programa artìsticu previdet sa partetzipatzione de istràngios de cabbale, comente Pupi Avati, Salvatore Mereu, Giovanni Scifoni, Neri Marcorè e Domenico Mariorenzi, Don Gino Rigoldi, Simone Cristicchi, don Luigi Verdi, Mariangela Pira, Lucia Capuzzi, Elvira Serra, Carla Frogheri, don Fortunato Di Noto, Chiara Griffini, Nello Scavo, David Puente, sos Istentales, Paolo Benanti, Antonella Viola, Marco Bersanelli, Gianfranco Zola, Andrea Lucchetta, Niccolò Fabi e Giacomo Poretti.

Durante sa cunferèntzia de imprenta de su 7 de trìulas in sa Biblioteca Satta de Nùgoro, sunt istados presentados su programa artìsticu e sas fainas collaterales de s’eventu. Su pìscamu de Nùgoro e Lanusè, Antonello Mura, at sutaliniadu su significadu eclesiale de s’initziativa e su tema de ocannu, “Ammàliu de sa duda, disìgiu de tzertesas”, chi afrontat sas esperièntzias umanas prenas duritos e su disìgiu de agatare rispostas e tzertesas. Sa Pastorale de su Turismu si proponet de èssere unu progetu eclesiale e culturale, segugende ideas, temas e orizontes chi contribuant a riflètere e ofèrrere contenutos rilevantes pro sa vida fitiana. Su giornalista e iscritore Giacomo Mameli at sutaliniadu s’importu de s’eventu, chi in sos annos at achiridu una risonàntzia natzionale, oferende un’oportunidade de diàlogu e de cunfrontu subra de temas atuales chi atzinnicant su mundu cuntemporàneu.

Sas seradas de sa Pastorale s’ant a abèrrere cun sos filmados de su progetu “Camineras”, curadu dae su vìdeu maker Vincenzo Ligios, chi esplorat temàticas ligadas a su mundu agropastorale, a sos sartos e a sas biddas  abbandonada de sa Sardigna cuntemporànea. Custos filmados oferint un’ograda subra de s’istòria e subra de su passadu de sa regione, cunsentende una riflessione tzinematogràfica e documentarìstica. Sa Pastorale de su Turismu si cunfirmat comente una prataforma pro tzineastas emergentes chi disìgiant contare sa Sardigna a foras dae sos cliché televisivos e folclorìsticos.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Tzinema sardu, arribat su film”Bandidos e Balentes de Fabio Manuel Mulas

Si sunt faghinde sas represas de su film “Bandidos e Balentes”, su disignu tzinematografficu novu de su regista sardu Fabio Manuel Mulas, chi at a bessire intre pagu tempus. Su film contat un’istoria ambientada in sa Sardigna de su passadu e s’ispirat a sos contos e mudas ligadas a su fenomenu de sos bandidos in s’isula.

Mulas est unu regista e autore sardu chi dae annos tribagliat in su mundu de su tzinema indipendente. In sos tribaglios suos dat attentzione particulare a s’istoria, a sa cultura e su connottu de sa Sardigna. Sa tiza battit supra s’ischermu unu mundu fattu de connottu, gherras e vida in sas zuras internas de sa Sardigna.

Sas mudas sunt ambientadas in sos annos Chimbanta e mustrant comente sa vida de sas pessonas esseret signada dae vindittas e cunfrontos diffitziles intre familias e bandidos. A su tzentru de s’istoria bi sunt pessonas divressas sas vidas de sas cales cambiant propriu pro more de custu clima de tesone e violentzia.

Su film cheret contare non solu su bandizadu ma fintzas sa cultura e sas bistas de s’isula. Sos montes de intro, sas biddas e sas campagnas de sa Sardigna faghent de irfundu a sas mudas de sos attores e mustrant una terra antiga e forte, ligada in manera funguda a su connottu suo.

In su “cast” medas piccioccos sardos, calicunu a sa prima esperientzia, ma fintzas s’attora sarda Caterina Murino, nodida a livellu internatzionale pro sos rolos suos in su tzinema e sa televisione. Sa partetzipassione sua est unu balore in prus po su disignu e at a dare unu contribbudu e faghere biere de prus su film. Sar represas sunt appassionande paritzos logos de s’isula e sunt attirande s’attentzione de appassionados de tzinema e curiosos.

S’intentu de su regista est de contare una pagina de s’istoria sarda pro mesu de unu limbazu tzinematografficu capatze de aunire assione, dramma e connottu. Cun s’essida chi si prevedit in sos meses imbenientes,”Bandidos e balentes” puntat a che leare supra de s’ischermu mannu un’istoria ligada a sa Sardigna in manera funguda, balorizzande s’iscrocca e sas raighinas culturales suas. Su film est fintzas un’occasione pro faghere connoschere a su pubbricu una parte importante de sa memoria istorica de s’isula pro mesu de su tzinema.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22