S’iscuadra de Casteddu at presentadu sa màllia noa cosa sua, mutida “Mama Terra”, chi tzèlebrat sa cultura millenària de sa Sardigna cun unu tocu de feminilidade in sa campagna promotzionale. Sa màllia tenet su designu clàssicu de bator rossoblù cun retro e mànigas furriadas, ma si distinghet pro su modernu disegnu istilizadu de fronte, ispiradu a sa Dea Mama de Turriga, una statuina a forma de rughe chi torrat de su de IV millènnios a.C. cunsiderada una de sas prus bellas rapresentatziones de sa sacralidade feminile in su Mediterràneu. Oe, custa figura icònica est esposta a su Museu Archeològicu de Casteddu.

Su cumpletu ammentat  sas orìgines de su Cagliari Calcio e su ligàmine istrintu cun sa tzitade e cun totu s’ìsula. Su collete a polo presentat s’iscrita “Casteddu”  a palas, in una versione noa creada dae EYE Isport, chi s’agatat fintzas in sas produtos  cummertziales ufitziales de s’iscuadra pro s’istajone 2023/2024. In su fronte de sa màllia, s’istemma de su Casteddu e su logo EYE Sport sunt realizados cun unu silicone innovativu ribassadu chi favorit s’elastitzidade de sa màllia, s’aderèntzia a s’aplicatzione subra de su tessutu e sa ligeresa de su produtu finidu. Sos cartzoneddos acrobados sunt de colore biaitu cun una finidura laterale ruja chi si sighit fintzas in sos mìgias biaitas.

Su tessutu de sa màllia est pro su 85% de polièstere e pro su 15% de elastan, ambos duos sunt fatos cun matèrias primas ritzicladas e ecosostenìbiles. Est istadu aplicadu unu tratamentu Wicking a su tessutu pro garantire una traspirabilidade mègius e pro coitare a s’asciugare. Su suore benit espèllidu deretu, favorende s’evaporatzione e garantende una isciugadura lestra de sa pedde. Sas mànigas, sos coddos e sos pannellos laterales sunt realizados in mesh, fintzas custos fatos cun materiales ritziclados e tratados cun Wicking pro favorire una traspirabilidade prus manna.

Comente in sos annos pretzedentes, sas màllias sunt imbastidas impreende unu  imballàgiu ecosustenìbile e sena plàstica. Sa Màllia Gara Home est disponìbile pro s’achistu in su giassu Eye Sport, in sas butegas de su Casteddu , in totu sas butegas monomarca e acanta sas butegas autorizadas EYE Isport.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22