Est sutzèdidu in sa provìntzia de Parma, ue unu dirigente iscolàsticu at istentadu su cumintzu de sa proa iscrita pro averguare de persone ite fiat sutzèdidu.

Su dirigente iscolàsticu de un’istitutu de Parma at acumpridu unu gestu insòlitu pro averguare si calicunu aeret ismentigadu s’apuntamentu pro un’esàmene. Cumbintu chi b’aeret unu candidadu mancante pro s’esàmene iscritu de tertza mèdias, s’est presentadu a domo de s’istudiante pro nde l’ischidare. Su pitzocu, chi no isciat de s’esàmene e galua letu, si fiat indormiscadu. Su dirigente iscolàsticu, in modu paternu, at segadu su sonnu de su pitzocu, sonende su campaneddu e faghende·si abèrrere. Su pitzocu fiat a pigiama, de non ischiat de s’esàmene.

Su dirigente, bidu chi s’istudiante no est unu mandrone o cun pagu gana de istudiare, lu definit “intelligente e ischidu”, ma a bias no est de su totu cuntzentradu subra de s’iscola comente prioridade assoluta.

Custu diat pòdere pàrrere un’iscusa pro giustificare una farta disciplinare e no èssere unu “modellu de istudiante”, ma in realidade est prusaprestu cumprensìbile chi unu pitzocu de sas iscolas mèdias, chi est isvilupendesi e abilodadu dae sos pensamentos de sa pitzinnia, potzat èssere pagu atentu a sos obietivos chi un’istudiante de sas mèdias diat dèvere afrontare e superare.

Su prèside at fintzas sutaliniadu chi su gestu suo, non netzessàriu e frutu de unu sèberu personale, non diat àere impedidu s’acumprimentu regulare de s’esàmene iscritu pro sos àteros istudiantes. E chi fintzas s’istudiante “iscarèschidu” diat àere tentu sa possibilidade de recuperare: “Esistent sas sessiones de recùperu pro sustentare sos esàmenes. Ma amus a fàghere etzetziones pro ausèntzias giustificadas dae  motivos sèrios”.

E cando l’est istadu pedidu unu cummentu finale de comente  esseret andada sa situatzione, su dirigente at rispòndidu: “Est finida bene. E cras, si non sutzedet nudda, m’abbarro a dormire”.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Sa birra sarda sighit a si distinghere a livellu natzionale e europeu, accuccurrande una filera de riconnoschimentos de grandesa chi ponent in lughe s’estremadia de su prodottu isolanu e sa solidesa de sa filera regionale de sa birra. Custos premios cunfirmant su sutzessu creschente de sas favricas artigianales de sa birra in Sardigna e s’effettu de signifficu supra su mercadu regionale e addia.

Dae pagu tempus, sas favricas de birra isulanas ant brilladu in medas manifestatzione importantes, incluinde abbenimentos meda connoschidos commente su Vinitaly 2024 e su Bartzellona Beer Challenge, unu de sos cuncursos de sa birra pius de grandesa de Europa, addia a su Cuncursu Internatzionale de Lione.

In mesu de sos personaggios printzipales de custa serie de sutzessos, si est annoddittada sa favrica de birra Puddu de Santa Giusta,Aristanis, chi at conchistadu tres medallas (oro,arghentu e brunzu) a su Bartzellona Beer Challenge po sas variedades Porter,Saison e Coffee Porter, binchinde puru su titulu de menzus favrica de birra zovana de sa gara. Sa favrica de birra Battor Moros de Guspini, at binchidu duos oros po sas birras Puttu 16 Helles e Puttu 9 Vienna Lager, e sa favrica Artigiana Horo de Sedilo at retzidu una medalla de oro po sa Tifo Mourinho e una de arghentu. Puru sa favrica de birra Agricola Reforte de Benetutti at binchidu una medalla de brunzu cun sa birra Su Boboti, e sa favrica de Birra Keja de Bari Sardo at conchistadu una medalla de arghentu cun sa Calmedia, un’India Pale
Lager.

A su cuncursu internatzionale de Lione, sa favrica Birrificio “Isula” de Thiesi at binchidu medas medallas de oro po medas variedades, in mesu de sas cales sa Pale Ale, sa coffee stout e sa pils, addia una medalla de arghentu cun sa Session Ipa. In pius a su Vinitaly, su premiu “silver” a su design po sa classe birras, est bistadu dadu a sa Wine Explosion – IGA Mogorese a su Semidano favrica de birra Bam de Mogoro.

Su presidente e su direttore de Coldiretti Sardigna, Battista Cualbu e Luca Saba, ant evidentziadu s’importantzia de custos riconnoschimentos, chi premiant su tribagliu tostu de sas favricas de birra artigianales de sa Sardigna in s’agguantare tottu sa filera de sa birra regionale. Coldiretti Sardigna at fattu partire unu disignu ambitziosu meda po azzuare custa filera, faghinde partetzipare sos chi produene su ranu,s’orzu,malto e luppulu, paris cun sas favricas de birra e su Consorziu de sa Birra Italiana.

Custu disignu cheret favoressere una produssione de s’isula cumpleta, dae sas materias primas a su prodottu finidu, cun s’intentu de rispondere a tottu sas esigentzias de sa filera. Gratzias a custa initziativa, sunt arrivados finatziamentos importantes meda dae sa Regione, po agguantare sas favricas de birra a sos produttores de orzu, preparande su terrinu po accomettare sas porfias de su tempus benidore cun ressignu.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22