Marco Palumbo, su babbu de su coghineri de Aristanis malàidu de Sla Amalàidu de Sla, connotu a su dae su pùblicu pro àere partetzipadu in su 2021 a su Fèstival de Sanremo cun una cantzone interpretada paris cun su cantante Achille Lauro,  at pedidu su pategiamentu e de pagare sa pensa in sos servìtzios sotziale. sotziale ùtiles, Marco Palumbo, su babbu de Paolo, su giòvanu coghineri de

E est pròpiu pro sa cantzone  sanremesa, a tìtulu “Quella notte non cadrà” chi su babbu de Paolo Palumbo est istadu portadu in tribunale cun s’acusa de plàgiu e de violatzione de sos deretos de autore. A lu àere denuntziadu est istadu Marco Mura, autore nugoresu chi s’est formadu a su Tzentru europeu de Toscolano de Mogol. Segundu s’autore nugoresu, su testu de sa cantzone fiat istada copiada dae un’òpera literària sua.

A s’istèrrida de su petzu, segundu sa procura, at collaboradu fintzas su babbu de Paolo, mancari non bi siat su nùmene suo tra sos autores. Sa prima difida a retirare su testu est lòmpida in su 2020, ma sa cantzone fiat abarradu in lìnia subra de sas prataformas digitales.

Pròpiu pro custu motivu Mura at detzisu de presentare denùntzia  formale, chi como est lòmpida a su protzessu. Oe in tribunale in Aristanis, Mura, rapresentadu dae sos abogados Andrea Cocco e Federico Cherchi, s’est costituidu ala tzivile, imbetzas su babbu de su coghineri at pedidu su pategiamentu. Sa pròssima udièntzia est istada atatzada pro su 17 de mese de argiolas 2023.

Ma Marco Palumbo tenet unu protzessu abertu  fintzas in Nùgoro pro una regorta de fundos de promòvida dae issu pro pagare curas isperimentales in Israele. Segundu sas acusas sa campagna de regorta de dinare fiat istada fata a imbrollu chi aiat cumbintu medas persones a donare summas mannas de dinari.  Pro more de custa trufa su babbu de Paolo Palumbu fiat istadu denuntziadu dae unas cantas vìtimas, chi sunt istadas risartzidas de su dannu e ant  retiradu sa cuerela.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Dae sa presone a su tzinema:s’istoria de Beniamino Zuncheddu divennit unu film.

S’istoria de Beniamino Zuncheddu, unu de sos casos prus graves de faddinu zudissiariu in Italia, at a divennere a sa lestra unu film.Un’istoria longa e prena de dolore chi at sinzadu in manera funguda sa vida de un’omine, adduradu in presone pro prus de trint’annos mancari eppat semper nadu de essere innotzente. Zuncheddu, ex pastore sardu, fuit bistadu arrestadu in su 1991 accusadu de una mattansa in Sinnai, in sa cale fuint bistadas bocchidas tres pessonas e un’attera fuit addurata ferta in manera grae.

In cussu tempus fuit pagu prus che unu piccioccu, ma fuit bistadu cundennadu a sa presone a vida pro mesu de elementos chi in su tempus si sunt iscobiados chena nissuna fidantzia. Pro prus de trint’annos at bividu in daesegus de sas travessas,perdinde sos annos prus importantes de sa vida sua,attesu dae sa famiglia, dae sos affettos e dae cale si siat possibilidade de si fraigare unu tempus benidore. Una vida suspesa, sinzada dae s’isettu e s’isperantzia de podere dimustrare
s’innocentzia sua. Solu in su 2024, pustis de una battalla legale longa, fatta de ricursos e controllos de su protzessu, est arribada s’assolutzione deffinitiva chi at reconnoschidu chi no aiat cummittidu su fattu, torrandeli sa libertade.

Una detzisione chi at atzesu s’attentzione supra s’accadessidu e supra sas responsabbilidades de unu sistema chi, in custu casu, at faddidu in manera grae.Como cust’istoria arribat a su tzinema cun d’unu film chi at a contare non solu su casu personale suo,ma fintzas su pesu umanu e sotziale de una cundenna male
fatta.Sas ripresas si prevedint in Sardigna e su disignu puntat a faghere connoschere a unu pubbricu prus mannu una muda chi at corpadu in manera funguda su pubbricu.

Su film at a contare sa sufferentzia,sa soledade e sa fortza de chie sighit a battallare fintzas cando tottu paret perdidu,poninde a su tzentru sa dignidade de una pessona chi non at mai tzessadu de si decrarare innotzente. A su mattessi tempus,at essere fintzas una manera pro meledare supra cantu siat importante su
tribagliu de sa zustissia e supra cantu siat chidrinu su compidu de atzertare sa veridade.

Cussa de Beniamino Zuncheddu est un’istoria chi andat addia de su casu singulu.Est sa dimustrassione de cantu pottant essere graes sas cusseguentzias de unu errore e de cantu siat diffitzile remediare a su tempus perdidu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22