Cando càpitat calicunu discàpitu o calicunu intzidente, a su sòlitu betamus sa curpa a sa mala fortuna o a sa sorte mala. A  bias però si narat peri ca sa curpa est de s’ogru-malu, est a nàrrere de calicuna iscomùniga o frastimu fatu  de propòsitu o a malasciagura contra de nois.

Pro parare fronte a custos imprevistos esistint medas rimèdios. Unu de custos est su cocu, naradu peri samèngia. Si tratat de  una de sas prendas sardas prus antigas, famadas e connotas, ci serbit pro tènnere bona fortuna e pro s’amparare, dae s’ogru malu, ma peri pro  si protègere dae sos animales velenosos e pro illebiare sos dolos.

Si pendat chi sa pedra niedda tzentrale de su cocu siat a tretu de sarbare dae su male, amparende su chi ddu portat. In su tempus coladu custa punga fiat tramandadu de generatzione in generatzione o regaladu mescamente in ocasione de acuntessimentos importantes comente sa nàschida de unu pipiu o sas cojas comente augùriu pro tènnere famìlia. Fidatis su coco benit donadu a sas fèminas impedidas, opuru benit postu a conca de su bartzolu de su pipiu deretu de nàschere.

Sas pedras chi benit  impreadas pro custa concordare custu ogetu, chi podimus mutire prenda, sunt prus che totu s’ònice e s’ossidiana, ma si podent impreare peri àteras pedras mescamente in logos de mare, comente su coraddu o  s’àgata.

Oe  Su Cocu benit impreadu peri comente picadillu, est a nàrrere pro bellesa. Difatis, pro more de s’elegàntzia sua, est divènnidu una prenda chi benit impreada pro allichidire bestires de moda.  Gràtzias a sas istilistas e a sos mastros de pannu, su cocu oramai est un’elementu distintivu de sa moda sarda.

In passadu però, comente amus naradu, teniat unu significadu simbòlicu importante. Fiat una donu tìpicu de sas mannais opuru de sas madrinas donaiant a sos nebodes a oa sos figiolos. Difatis si podiat bìdere apicadu in sos passeginos o in sos bartzolos de sos crios. Oe at assùmidu, semper de prus, una funtzione de ornamentu: l’agatamus in sas recàias, in sos bratzales e in sas cannacas.

“Attività realizzata col contributo della Regione Sardegna — IMPRENTAS 2022-2023. LR 22/2018, art. 22”

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22