Cladio Ollanu, nàschidu in su 1984, làureadu in Economia e cun unu percursu formativu in Trentinu e unu màster in s’istràngiu, a pustis de custa esperièntzia foras de sa Sardgina, pari cun su frade Simone e a sa famìlia sua in su 2015, in Xrexei at abertu s’istrutura agriturìstica e alberghiera mutida “Is Perdas”.

Pròpiu s’ambiente tìpicu de su Sarcidanu, cun sas pedras de calcare mannas, l’at ispiradu pro pònnere in pràtica du bisu suo: fraigare unu nuraghe de mannaria naturale.

Totu est nàschidu dae un’amore mannu pro sa terra sua e dae su ligàmine cun sas pedras. Su fràigu de nou de unu nuraghe no est coda fàtzile e nimancu de fàghere a sa sola. Pro custu Claudio at cumentzadu una collaboratzione cun s’assòtziu “Perdas Novas” e cun medas professionistas chi sunt amantiosos de istòria sarda e prus che totu de su territòriu. Est pòpiu custu territòriu chi dae semper est pràghidu a personàgios famados de sa televisione de de de tzìnema, comente a s’iscenegiadora Francesca Scanu chi at tentu s’idea de girare unu docufilm chi s’at a fàghere in s’imbeniente.

De sas pedras duncas est nàschidu unu progetu no at a interessare su territòriu de Xrexei ebbia, ma totu sa Sardigna. Difatis su progetu de fraigare unu nuraghe in iscala 1:1, torradu a fàghere comente lu faghiant sos nuràgicos prus de 3.00 annos a oe, est un’impresa chi at a donare visibilidade a totu s’ìsula dae unu puntu de vista turìsticu e peri  sientìficu-didàticu e fintzas turìsticu-culturale.

Custa marrania at otentu in deretura su benestare de sas realidades turìsticas e assotziativas de su logu, pròpiu pro  s’importu suo e pro sa possibilidade sua de fàghere publitzidade meda a sa zona. Segundu su progetu su nuraghe at a lòmpere un’artària de 11 metros. Segundu sos progetistas sos traballos ant  pòdere cumentzare in su 2023 etotu, ma pro lu acabbare de su totu nche at a serbire meda tempus.

 “Progetu finantziadu cun s’Avisu Pùblicu IMPRENTAS annualidade 2021-2022”

Pinnettos sardos, furriadorzos antigos chi contant sa vida de sos pastores.

Sos pinnettos, sunt intre sas testimonias prus beras de sa Sardigna de campagna e contant una manera de bivere ligada in manera funguda a sa pastoria e s’iscrocca. Ispartos mescamente in sas zuras de intro de s’isula, in manera particulare comente s’Ozzastra, beniant fraigados dae sos pastores comente furriadorzos in su mentres chi passaiant tempus meda in campagna imparis cun sos masones. S’istruttura insoro est simple ma zeniosa:tenent una forma tunda cun d’una base fatta cun pedras e una copertura fatta de rampos e frastamazas intritzadas, a s’ispissu de ghiniperu, impittande solu materiales naturales chi si agattaiant in cussu logu.

Intro, su logu est essentziale ma funtzionale, chi bastaiat pro si amparare dae su frittu,dae su bentu e s’abba,coghinare e costoire sos istrumentos de tribagliu,chena mai essere pensados comente domos abbarrantes ma comente puntos de accottu ligados a sa vida pastorale.

Custos fraigos naschent dae una connoschentzia funguda de s’ambiente e de sos medios suos, inube nudda capitat pro casu: su seperu de sos materiales,sa forma,s’orientamentu, tottu rispondet a esigentzias pratigas e a sa netzessidade de si adattare a cundissiones a s’ispissu diffitziles.Sos pinnettos sunt duncas non solu unu furriadorzu fisicu,ma fintzas unu esempru beru de ecchilibriu intre omine e natura, fraigados chena trastoccare sa bista ma intregandesi intre issa in manera perfetta.

Ancora oe sunt presentes in medas zuras de sa Sardigna, calicunu cusservadu bene, atteros sinzados dae su tempus, e sighint a contare un’istoria fatta de tribagliu, sacriffissiu e vida de donzi die attesu dae sas biddas.In sos urtimos annos est creschida s’attentzione a banda de sa tutela e balorizzassione insoro, cun interventos de recuberu e insertu in caminos naturalisticos e culturales, signu de unu rennoadu attuamentu de su balore insoro istoricu e de s’identidade.

Sos pinnettos non sunt solu fraigos de su passadu, ma conas de una cultura chi at ischidu resistire e si adattare in sos seculos.Costoire custa istrutturas cheret narrere de mantennere biva sa memoria de unu mundu chi at formadu s’identidade de sa Sardigna e chi fintzas oe podet indittare meda.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22