S’agatat in Luras, in su caminu printzipale de sa bidda, in una tìpica abitatzione de s’Arta Gallura, a tres pranos. Sos aposentos sunt istados torrados a cuncordare respetende s’istrutura e s’echilìbriu de sas domos gadduresas antigas.

Su museu est partzidu in tres pranos torrados a costrùere in su respetu de sos ambientes tìpicos de sa cultura locale intre s’acabbu de su Seschentos e sa prima metade de su Noighentos. Agatant assentados prus de 4000 repertos. A su pianu terra agatamus un’aposentu dedicadu a sos audiovisivos: cunsentit sa bisione de filmados e sa consultatzione informàtica e bibliogràfica. In sa sala s’agatant trastos relativos a sa viticoltura, vinificatzione e mangasinu. Dinnos de remonu sunt “sa cascietta”, cassone pro iscartzinare s’ua, “sa suppressa”, una prensa in linna de sa fine de su Seschentos primos de su Setighentos, e unu limbicu a cundensadore. In sa sala 2 e in sa corte agatamus trastos de sa massaria  e de su pastoriu. A su Primu pranu sunt espostos totu sos arredos de s’època, cun aposentu de pràndere, cun sa credentza, sa càscia pro allogare de su pane, una “piattéra” o parastàgiu, e una “banca a fogliu”, una mesa a follos chi permitiat de crèschere cun fatzilidade su pranu de apògiu. Custu fiat su logu acanta sa famìlia si reuniat. In sa ala 4 b’est sa coghina cun a su tzentru de s’aposentu una “banca ‘e subra de pane”, sa mesa pro sa panificatzione. Sala 5: càmera de letu. A su segundu pianu agatamus màchinas pro sa traballadura de sa lana e de su linu, bestimentas e tessutos. Sa sala 7 est dedicada a sas tècnicas de traballadura de s’ortigu, faina tìpica de sa zona.

Ma su museu tenet peri un’aposentu dedicadu a sa fèmina acabbadora. Difatis podimus bìdere su marteddu chi in su passadu beniat impreadu pro acabbare, (de s’ispagnolu acabàr) sas persones chi fiant in su letu de morte mori non mori.  . Si tratat de unu cambu de ogiastru  longu 40 tzentìmetros e largu 20, cun màniga chi permitet un’impugnatura segura.

 “Progetu finantziadu cun s’Avisu Pùblicu IMPRENTAS annualidade 2021-2022”

“Su Nenniri”, s’antigu connottu sardu chi abbisat sa Pasca.

Cun s’arribu de sa Pasca, in biddas meda de sa Sardigna torrat unu de sos connottos prus antigos e ammaghiantes de s’isula:”su Nenniri”. Si tratta de chimizones de ranu o atteros semenes creschidos a s’iscuru, chi affigurant sa torrada a bida e s’isperantzia, ligados a sos ritos de sa Chida Santa. S’ammanitzu incuminzat parizzas dies prima de Pasca, sos semenes benint postos a brotare in bottos pitticcos, a s’ispissu prattos o canisteddos,cuzigados e attesu dae sa lughe. In custa manera creschent fines,craros e delicados, leande unu colore giallu chisinathu tipicu meda.

Sa forma insoro chidrina e s’aera casi de “sufferentzia” crischiant comente iscromba su sacriffitziu e sa morte de Cristus. In su mentres de sa Chida Santa,”is nenniris” che benint leados in cresia e impittados pro adornare sas tumbas, sos artares pro su Giovia Santu. In carchi bidda benint postos cun contivizu particulare impare a frores,qandelas e pannos, creande bistas simples ma prenas de signifficu.Est unu zestu chi aunit fede e connottu populare, chi andat dae ingendra a ingendra.

In comunidades meda, mescamente in sas biddas prus pitticcas, s’ammaniada de sos nenniri est fintzas unu mamentu de cundivisione.A s’ispissu sunt sas feminas e sos bezzos a si nde occupare, impare cun zovanos, chi gai imparant su balore de custos ritos antigos. Custu connottu tenet raighinas attesu meda, mancari ligadas fintzas a ritos de sa laurantza prima de Cristu, chi tzelebraiant su cursu de sa natura e sa torrada a bida pustis de s’jerru.Cun su tempus, custos signifficos si sunt intritzados cun sa religione cristiana, dande vida a una cosa chi oe mustrat impare morte e torrada a bida.

“Su nenniri” non est solu unu elementu de decoradura, ma unu signu fungudu de sa cultura sarda. In d’unu mundu chi cambiat a sa lestra, custos connottos sighint a bivere gratzias a sa memoria de sas comunidades e a su disizu de no perdere sas raighinas insoro.Cun sa Pasca chi est accanta, cussos chimizones divennint gai unu nuntzu simple ma forte:pustis de donzi tempus buggiu, sa vida agatta semper sa manera de torrare a naschere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22