Saja chi biviat a pees de monte Tarè, paris cun su maridu Perdu Coita (in tzertas biddas “Perdu Palita), unu pastore de su logu unu pagu aghedu chi no ameddaiat cun nemos. Custu est su contu chi totus semus abituados a intèndere dae cando fìamus piticos, s’istòria de pubidda e pubiddu loceresos chi si fiant furriados in duas pedras. Prus pagu semus avesos a bìdere custo contu rapresentadu comente chi èsseret unu cartoneanimadu in limba sarda. Dae una pariga de dies est girende in sa retza unu vìdeu in istile Simpson fatu dae su sòtziu Fioràssiu chi contat in sardu sa vitzenda de is duos loceresos e bos invitamus a ddu bìdere e a ddu ascurtare Inoghe a suta, imbetzes, chie bolet podet lèghere s’istòria iscrita gosi comente dd’ant semper contada is betzos de Loceri.

Una die Maria, essende chi ait agabbadu su pane, ait detzìdidu de calare a ddu chircare in su bidditzolu a suta de su monte, faghende sa càmbia cun su casu de is berbeghes issoro, comente s’usaiat a fàghere, pro ite a sa data dinari non nde giraiat meda.

Bia mesudie fiat casi contoniada a su barracu cun sa cranista prena de pane in cùcuru.  Ma de suncunas dd’aiat obiada unu pipiu chi cun garbu dd’aiat pedidu carchi cosa de papare. Maria, chi teniat fama de èssere fèmina susunca e coro de cane, si fiat fata connòschere custa borta puru e non dd’ait  donadu nudda, e in prus dd’aiat naradu: “Si pròpiu tenes fàmene, colli calicuna pedra e papa·ti·nche·dda”.

Su pipiu, tristu e isconsoladu, si fiat iscioppadu in prantu e Maria, sena ddu peruna pena, ait sighidu s’àndala sua, suta su sole.

Cando dd’aiat bida arribbende, Perdu iat lassadu iss berbeghes paschende e dd’aiat obiada pro ddi dimandare si sa càmbia esseret andada bene. Issa aiat rispòndidu: “Apo agatadu su pane”.

Su maridu tando dd’aiat agiudada a nde pònnere a terra su biàgiu grae chi portaiat in conca, ma cando aiat pompiadu a intro si fiat sapidu chi sa cranista fiat prena de pedra ruja.

Fiat de sa pròpiu ratza chi is chi podimus agatare in cue acanta est capitadu su fatu, a  parte de giosso de monte Tarè, torrende a Loceri, chi ddu podent bìdere totus cussos chi colant in su caminu betzu chi dae Loceri lompet a Lanusè.

 “Progetu finantziadu cun s’Avisu Pùblicu IMPRENTAS annualidade 2021-2022”

Claudio Ranieri est bistadu nomenadu Allenadore Gentleman de sa serie B 2022/2023 in onore de Gigi Simoni, retzinde su titulu gratzias a sas prefferentzias espressadas dae sos vinti allenadores de sa serie BKT. Custu riconnoschimentu arribat pustis de aere giai binchidu su premiu duos annos faghede, pigande su testimonzu dae Stefano Pioli, chi aiat binchidu s’annu prima.

S’integru de su premiu si est tentu in Milano, inube Ranieri at retzidu sa Torretta de San Siro, simbulu de unu premiu chi tzelebrat sos balores beros de su giogu de sa botza, in mesu de su cale, su Fair Play, chi s’allenadore de su Casteddu incarnat in manera tipu.

S’ordiminzu de su Premiu Gentleman, ideadu dae Gianfranco Fasan, cun s’azzudu de sa Lega Serie B, at bidu sa presentzia de sa famiglia de Gigi Simoni, paris a amigos e gasetteris comente Luca Tronchetti e Alberto Cerruti, e de su presidente de su Coni CRL Marco Riva.

Ranieri at espressadu s’ingraenzu sou retzinde su premiu a nomene de Gigi Simoni, deffinindelu un’omine mannu e evidentziande s’importantzia de su Fair Play in su giogu de sa botza e in s’isport in generale. Su presidente de sa Lega B, Mauro Balata,at bantadu Ranieri commente una figura istravanada de su giogu de sa botza in Italia, evidentziande su rolu sou de puntu de relata po sos giogadores e allenadores zovanos,tambene comente isparghidore de sos menzus balores isportivos.

Su premiu est bistadu dadu a Ranieri non solu po su sutzessu battinde su Casteddu in Serie A, ma mescamente po sa lessione de isportividade in sa finale Play off, inube at dimandadu a sos tiffosos suos de nde la finire cun sos allolojos e de tzacullimanare sos tiffosos de su Bari, mustrande rispettu mannu po sos ribales e favoressende s’isportividade in mesu de sas duas isquadras. Custu attua at corpadu tottu sos allenadores de sa Serie B, chi l’ ant premiadu commente su chi meritaiat de piusu in s’annu 2022/2023.

Gianfranco Fasan, s’ordiminzadore de su premiu, at bantadu Ranieri, non solu po custu attu de currettesa, ma puru po s’esempiu custante de lealtade e rispettu po su ribale, balores chi dant trauda positiva a su giogu de sa botza e a s’isport.

Su premiu Allenadore Gentleman “Gigi Simoni”, marcat s’incomintzu de s’edisssione numeru 29 de su Premiu Gentleman Fair Play, chi si at a tennere in s’iscola Militare Teuliè de Milano. At a presentare Massimo Caputi paris cun Laura Barriales e Giorgia Rossi, e at essere tzelebrada giobia 16 de maju e at biere s’assignadura de medas riconnoschimentos, in mesu de sos cales sos Giocadores Gentleman de sa Serie A e su premiu Gentleman Mario Morosini, dedicadu a su giogadore chi incarnat a su menzus su Fair Play in sa Lega B.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22