Sos istudiantes de unu litzeu clàssicu de Gela ant traduidu in latinu Albachiara, sa cantzone de Vasco Rossi. S’idea est istada de sas professoras Oresti e Massaro e de sos istudiantes de su litzeu Èschilu de Gela. A pustis de àere traduidu sa cantzone, sos pitzocos l’ant cantada in ocasione de s’abertura de s’annu iscolàsticu. Cando su cantante nd’est sapidu l’at cumpartzida pregiadu  in s’Instagram cosa sua.

““Respiras lente ne rumorem facias”, gosi sonat sa versione latina de Albachiara, sa cantzone famada de Vasco Rossi.

“Albachiara est istada traduida e cantada in latinu, devenende in custa manera parte de su programa de s’annu iscolàsticu de su litzeu clàssicu Èschilu in Sitzìlia” at iscritu Vasco in sa didascalia de su post suo chi ammustrat su filmadu acanta sos istudiantes de su litzeu de Gela  cantant su petzu suo. “Sa prof. Oresti paris cun sa collega sua Concetta Massaro ant detzìdidu de traduire sa cantzone in latinu”, agiunghet Vasco, ponende posca sas paràulas de sas insegnantes a sas cales si devet custa initziativa originale meda e interessante. “Su latinu est cunsideradu una limba morta, in custu moru nois l’amus fata torrare a nàschere  fàghende cantare dae sos piseddos  una cantzone de su rocker prus mannu”, ant naradu sas professoras Oresti e Massaro.

“S’initziativa de su litzeu de Gela diat pòdere tènnere isvilupos fintzas in su modenesu. Fantàsticu! Com-plimentos!” at iscritu Vasco.

Dae cando Vasco Rossi at cumpartzidu in sas retes sotziales su vìdeu de sos istudiantes de su litzeu clàssicu de Gela, in medas ant cumentadu bregiosos.  Sos sighidores de s’artista ant agradèssidu meda custa initziativa. In medas ant agiuntu: “In sas iscolas diat tocare a pònnere  S’ora de Vasco!” e “Est una cultura de unu pòpulu… illùminat su limbàgiu e sas paràulas”.

De sighida podides bìdere su post cumpartzidu pagas dae Vasco Rossi in su profilu cosa sua de Instagram, cun su vìdeu de sos istudiantes de su litzeu clàssicu Èschilu de GEla chi cantant Albachiara in latinu.

“Progetu finantziadu cun s’Avisu Pùblicu IMPRENTAS annualidade 2021-2022”

Unu viàziu piticu intre sos Binos Sardos Prus Nodidos.

Sa Sardigna est una de sas regiones de binàrias prus ammaghiantes de Itàlia, un’ìsula dae s’istòria millenària in ube su binu nàschet dae su faveddu continu intre mare, bentu e terra. Sos binos sardos prus nodidos sunt s’issida berà de cust’iscrocca ùnica e de sas variedades suas autoctonas, meda de sas cales non esistint in àteros logos.

Su prus famadu est su Cannònanu de Sardigna, ruju sìmbolu de s’ìsula, ispartu mescamente in Barbàgia e Ozzastra, connottu pro s’istruttura sua, sos nuscos de frutos rujos maduros, ispètzias e mata mediterrànea e pro su ligàmene cun sa bezzesa de sas populatziones locales. Intre sos biancos si annodittat su Vermentinu de Gaddura DOCG, s’ùnicu binu sardu a denominatzione de orìgine controllada e garantida, friscu, sapidu e nuscadu, nàschidu in un’iscrocca granìtica e bentosa chi dd’at donadu elegàntzia e mineralidade.

In su sud-ovest de s’ìsula s’affirmat su Carignanu de su Sulcis, a bortas contipizadu subra de bìnzas antigas a arboreddu a curtzu a su mare, unu ruju cadriu e modde, cun tanninu galanosu e cun nuscos de fruta iscura e ispètzias. Meda difùndidu in su tzentru-sud est su Monica de Sardigna, unu binu traditzionale, pagu tànnicu e de buffada fàtzile, cun nuscos de cariasa e frores, ideale pro sa coghina de donzi die.

Intre sos biancos istòricos bi est su Nuragus de Casteddu, una de sas variedades de vide prus antigas de s’ìsula, forzis introdùida dae sos Fenicios, chi donat binos lèbios e friscos, ligados a su connottu de sos massajos. Prus cumpressa e delicada est sa Malvasia de Bosa, prodùida in s’adde de su Temu, unu binu aromàticu chi podet èssere siccu o durche, cun notas de frores, de mendùla e mele, figura de una produtzione artesana de balore mannu.

Unu casu ùnicu in su panorama italianu est sa Vernàccia de Aristanis, binu biancu ossidativu afinuadu suta unu velu de frementu, cadriu e fungudu, cun nuscos de fruta sica, ispètzias e mendùla ranchida. A costazu de custos nùmenes istòricos cumparint variedades comente su Bovale, o Muristellu, chi dat binos fraigados e potentes, e su Torbadu de L’Alguer, variedade rara torrada a agatare in sos ùrtimos annos, capatze de espressare biancos elegantes, friscos e minerales.

Attività realizzata con il contributo della Regione Sardegna – IMPRENTAS 2024- 2025.LR22/2018, art.22