Duas chidas a oe sos giornalistas de su programma televisivu Iene ant fatu un’iscapada a Tortolì pro intervistare a Paola Selenu, sa gatàrgia chi bivet cun 200 macitos e chi tenet bisòngiu de una tèndida de manu pro los pòdere gestire. A 15 dies dae s’arribu de s’iscudra de sa trasmissione “Le Iene” su servìtziu dedicadu a sa fèmina tortoliest est istadu mandadu  in direta in su canale televisivu de Itàlia 1. A fàghere su servìstiu est istas sa Iena Veronica Ruggeri at postu a notu cale est sa situatzione lègia meda acanta s’agatat a bìvere sa fèmina tortoliese chi cumpartzit sa domo sua cun prus de dughentos gatos. Issa, totu a ispesas suas los pòmpiat e lis donat a papare, ma non nche la faghet prus, e pro custu est pedende agiudu pro pòdere dare de mandigare a s’intrada de unu supermercadu.

Dae su servìtziu nd’est essidu a campu comente Paola est oramai dae maicantos annos chi est bivende paris cun sos 200 gatos suos. Una situatzione mala a beru, pro ite issa est sola e medas gatos sunt malàidos.  Pro fàghere càbere in domo sua sos gatos issa dormit in unu corratzu. Sos macitos la istimant e issa istimat a issos. Los connòschet unu a unu e pro issa sunt sa vida sua. Pro custu est semper chirchende fundos pro comporare su màndigu.  Custu amore pro sos felinos issa lu tenet dae cando fiat minore.

Gràtzias a su servìtziu immoe medas la cherent agiudare siat pro fàghere sa netesa in domo sua, siat pro comporare su papare pro sos gatos, sende ca 200 macitos cosa de ingùrtere nde cherent meda de a berus.

Calicunu assòtziu s’est peri ofridu de l’agiudare. Isperamus in bonu.

 “Progetu finantziadu cun s’Avisu Pùblicu IMPRENTAS annualidade 2021-2022”

Sos tres durches pius famados de sa Sardigna: unu viazu intre connottu e sapores antigos.

Sos tres durches pius famados de sa Sardigna: connottu, festa e identitade in d’unu mossu. Sa Sardigna no est solu terra de bistas chi che bogant s’alenu, mare cristallinu e connottu de mizza e mizza annos: est puru una regione in sa cale s’arte de sos durches tenet unu rolu tzentrale, ligada a filu doppiu cun sa religiosidade populare, sas festas de sas biddas e sa trasmissione de sos sapires familiares.

Sos durches sardos contant istorias antigas, a s’ispissu trasmittidas dae ingendra a ingendra, preparadas cun sustiantzias simples ma de calidade e cun d’una cura casi maniattiga. Intre sas chentinaias de saporidesas chi animant sas mesas sardas in occasione de isposonzos, battizos, Pasca, Nadale e festas populares, tres durches si signalant po fama e diffusione: sas seadas, sos marigosos e sos gueffus. Tres conas de s’isula, donzuna cun d’una istoria, unu sapore e un’anima totta sua.

Sas seadas (o sebadas) sunt fortzis su durche sardu pius connottu a fora de sas lacanas de s’isula. Si trattat de unu culurzone mannu durche, preparadu cun d’una piza de simula fine, chi arregat unu coro modde de casu friscu de erbeghe, unu pagu agrittu, a s’ispissu aromatadu cun corzolu de limone.

Sos marigosos sardos sunt un’attera cona netzessaria de sa pastisseria de s’isula. A differentzia de atteras maneras italianas, cussos sardos sunt moddes, profumados e dae sa fortesa casi modde, cun d’una corzoledda lizera in sa parte de fora. Si ammanitzant tottu s’annu, ma in manera particulare po sas festas religiosas, sos isposonzos e sas tzerimonias.

Po finire, sos gueffus, connottos comente “suspiros  sunt bucconettes de pasta de mendulas, imboligados in papilu coloradu comente chi esserent caramellas. S’aera insoro allegra e festuliana los rendet interpretes de doinzi tzerimonia sarda, in manera particulare de battizos e isposonzos. In custos tres durches si cuncentrat s’essentzia de sa Sardigna: sa semplicidade de sas sustantzias, s’intensidade de sos sapores, su ligonzu fungudu cun sa terra e cun sos ritos de sa comunidade.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22