Mattia Cristu, atleta de su Budo Clas Sardegna Tortolì/Barì, binchet totu in sos campionados natzionales de BJJ de Milanu: una satisfatzione manna pro s’Ogiastra chi pro meressimentu de su tortoliesu Mattia Cristu at otentu duas medàllias. Una vitòria manna pro sa sardigna e un’orgògliu mannu pero pro s’allenadore  Alessandro Fadda de su Budo Clan Sardegna Tortolì/Barì.

Est acabbadu oe in sa tzitade de Milanu su Campionadu Italianu de Brazilian jiu-jitsu GI (chimonu) e NoGi (sena chimonu) aparitzadu dae s’Unione Italiana Jiu-jitsu / Fijlkam. S’est tratadu de un’eventu de grandu importu, deduas dies de cumbatas sena pàsida chi ant bidu interessados maicantos partetzipantes chi ant acudidu dae totu Itàlia pro leare parte a custa manifestatzione manna meda.

Est istada un’ocasione bella pro s’Ogliastra e pro sa Sardigna pro si fàghere connòschere, gràtzias a su giòvanu Mattia Cristo, atleta de su Budo Clan Sardegna Tortolì/Barì, chi at otentu su màssimu resurtadu in in ambas disciplinas binchende sa medàllia dae oro eris in sa categoria cun chimonu  in s’adult Biaita -64kg e oe at cassadu sos aversàrios in sa categoria NoGi adult Biaita -61,5kg.

Satisfatzione manna peri pro s’allenadore, su maistru Alessandro Fadda chi at naradu comente su traballu e sos sacrifìtzios fatos in custos annos dae sos dischentes de sa palestra sua siant istados pagados e cumpensados dae custas vitòrias. Totu custu est istadu otentu sena perunu agiudu o finantziamentu pùblicu. Est mèritu de s’impinnu de sas famìlias e de sos atletas si como sa Sardigna e s’Ogiastra podent bantare custu resurtadu importante meda. “Suore, mùngia, oras meda coladas a s’allenare, infortùnios e savrifìtzis- at naradu Fadda- Custa est sa retzeta de unu resurtadu de cabbale. S’impinnu imbeniente pro sa palestra sarda at a èssere in a Siena in su torneu Warrior submission kings su 3 nadale, cun sos atletas Mattia Cristo e Nadir Petri.». S’allenadore at bòlidu concruire narende una cosa a s’amministratzione comunale: «Su BJJ no est un’isport minore e sos pitzocos chi lu pràticant mèritu de lis donare coddu e istima, sende chi cun custas garas si onorat totu s’Ogiastra e massimamente sa tzitade de Tortolì. Diat èssere istadu bellu chi sos amministradores s’esserent ammentados de issos».

“Progetu finantziadu cun s’Avisu Pùblicu IMPRENTAS annualidade 2021-2022”

In Sardigna si torrat a iscola su 15 de cabidanni : approbadu su calendariu iscolasticu 2025-2026.

Sa Regione Autonoma de Sardigna at approbadu su calendariu iscolasticu po s’annu 2025-2026. Sas lessiones ant a incumintzare in manera uffitziale lunis 15 de cabudanni 2025 in tottu sas iscolas de s’isula, de donzi vilera e gradu. S’iscola de sa pitzinnia, comente semper, at a sighire unu calendariu pius abbentadittu, cun d’una organizassione chi tenet contu de sas esigentzias dislindas de sas familias.

S’accabbada de sas attividades de educassione si prenettat po lunis 8 de lampadas 2026 po sas iscolas primarzas e secundarias, mentres po s’iscola de sa pitzinnia s’accabbu ad essere su 30 de lampadas 2026, apparande gai un’azzudu in pius a sos babbos e mamas in s’istiu. Su calendariu tenet contu de sos bisonzos de organizassione e educassione de s’assentu iscolasticu regionale, assigurande su rispettu de sos 200 dies minimos de lessione chi si prenettant a livellu natzionale.

Sas festas religiosas e tziviles ant essere nodadas in manera regulare: intre custas bi sunt sa die de sos Santos su 1° de sant’Andria, s’Immaculada s’8 de Nadale, sas ferias de Nadale chi si ant a faghere dae su 23 de Nadale a su 6 de Bennarzu, e cussas de Pasca chi ant essere cunfirmadas dae su calendariu religiosu. A custas si azzunghent su 25 de aprile, Festa de sa Liberassione, su 1° de maju, festa de sos tribagliadores, e su 2 de lampadas, festa de sa Repubblica.

Donzi iscola, rispettande s’autonomia sua, at a podere serrare s’iscola po atteras dies in pius o de recuberu, bastet chi benzat garantida sa continuidade de educassione e su numeru minimu de dies de lessione. Cun sa pubbricassione de su calendariu uffitziale, familias, mastros e istudiantes potent incumintzare a preparare s’annu iscolasticu novu. Si trattat de unu coladorzu importante meda no solu po s’organizassione de sas attividades de educassione, ma puru po s’amministrassione de sos servitzios pubbricos locales, comente su trazu iscolasticu e su rebustu.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22