In Sardigna, pro sos iscàmbios cummertziales beniant impreadas de sas mesuras diferentes dae su chilu. Custas medidas benint declinadas fratzionende sa chi benit definidu “Mou”, chi in sa literadura de su Regnu de Sardigna de metade ‘800 benit definidu fintzas comente “Starello de Casteddu”.

Custas mesuras, comente si podet lèghere in un’artìculu iscritu dae Giorgio Altieri pro su portale de su sòtziu Agugliastra, mancari siant istadas remplasadas dae s’istandadizatzione introduida cun sas mesùras mètricas, beniant impreadas in manera regulare in sos iscàmbios cummertziales de sos produtos de sa terra finas a sos annos ’70. A su presente “s’imbudu” benit galu impreadu mescamente in sa bèndida de sa castàngia e fintzas pro àteros produtos alimentares comente sa mèndula o sa figu.

Sas mesutas beniant impreadas mescamente pro “pesare” sos produtos sicos de sa terra ma difatis nde beniat cuantificada sa capia de sos cuntenidores.

Sos produtos fiant pris che totu su trigu, s’òrgiu, su trigu moriscu (cijilianu o trigusìndia), su fasolu tundu (cìjiri) e sa fava (faa).

De sighida una sìntesi de sas mesuras antigas:

 Nùmene mesura            Ecuivalente in litros        Ecuivalente in “imbudus”

 MOU    48 litros               16 imbudus / 2 carras

 CARRA 24 litros               8 imbudus

 CARTU 12 litros               4 imbudus / mesu carra

 CARTUCCIU      6 litros 2 imbudus

 IMBUDU            3 litros 1 imbudu

 LIBRA   1/3 litru               1/9 imbudu

Mentras pro cantu pertocat sa  cuantificatzione de su binu beniat espressada cun “Sa Broca” chi diferiat però dae una bidda a s’àtera. In particulare in Lanusè e Àrthana leaiat 14 litros mentras in Jersu e in Barì 12 litros.

Imbetzes sas carradas pro su binu chi beniant in manera genèrica mutidas Cupa o Cuba, in base a sa mannària, beniant mutidas in diversos modos:

Carraciolu chi leaiat 8 brocas (unos 100 litros)

Carrada chi leiat 16 brocas (unos 200 litros)

Carratellu o Carradellu leaiat100 brocas (unos 1400 litros)

In fines cun su nùmene de Cupitu s’identificaiat su tinu, est a nàrrere sa carrada in castàngiu aberta in parte arta in ue beniat fatu pasare su mustu a pustis de èssere istadu iscartzinadu.

“Progetu finantziadu cun s’Avisu Pùblicu IMPRENTAS annualidade 2021-2022”

Benito Urgu, unu de sos comigos prus connoschidos e appretziados de sa Sardigna.

Attore, cabarettista e tzelebridade televisiva, in sos annos est divennidu populare meda gratzias a sos ispettaculos ispassiosos suos e a sas friguras chi contant cun iscrombu sa vida de donzi die in s’isula. Naschidu in Aristanis, Urgu at incuminzadu sa carriera sua in su mundu de s’ispettaculu medas annos faghet. Fintzas dae s’incumintzu at leadu supra de su cataffale una comicidade simple e ispontanea, a s’ispissu ispirada a sa manera de faeddare,costumenes e situassiones tipicas de sa Sardigna.

In sos sketch suos contat cun lepiesa sa vida in sas biddas, su connottu e sas iscenas pitticcas de donzi die, iscenas in sas cales medas pessonas resessint a si reconnoschere in manera fatzile. In su mentres de sa carriera longa sua at partetzipadu a medas ispettaculos teatrales, programmas televisivos e in sa radio.

Cun sa manera sua de faghere nadurale e s’humor derettu est resessidu a conchistare su pubbricu de tottu s’isula. Meda de sas friguras suas sunt divennidas connoschidas pro itte presentant in manera chi divertit su meledu e sos comportamentos de sa zente sarda.

Sa comicidade de Benito urgu si fundat supra trempas simples e istorias chi naschent dae sa vida de donzi die. In sos ispettaculos suos faeddat a s’ispissu de sa vida in sas biddas, de su connottu e de su cambiu de sa sotziedade. In medas occasiones impittat fintzas paraulas e maneras de narrere de sa limba sarda, faghinde divennere sas mustradas suas fintzas prus accurtzas a sa cultura e realidade de s’isula.

Cun su colare de sos anno est divennidu unu puntu de relata po sa comicidade in Sardigna. Sos ispettaculos suos sighint a essere sighidos dae medas pessonas e sunt unu mamentu de divertimentu ma fintzas una manera po contare cun iscrombu sa vida e sos cambios de s’iscrocca. In prus de sa comicidade, Benito Urgu at semper mustradu attentzione meda pro sa cultura e su connottu de sa Sardigna.

Pro mesu de su tribagliu suo ad dadu unu contribbudu pro faghere connoschere e balorizzare mamentos importantes de s’identidade de s’isula, battinde supra de su cataffale istorias e situassiones chi faghent parte de sa vida e de sa memoria de sas comunidades locales.

Cun sa forma simple sua, deretta e ispontanea, Benito Urgu at fraigadu una carriera longa in su mundu de s’ispettaculu. Fintzas oe est cussideradu una de sas caras prus connoschidas de sa comicidade sarda e sighit a essere appretziadu dae pessonas de ingendras divressas.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22