Augùrios mannos dae parte de totu sa tzitade tzia Anedda, chi a 107 annos giogat a cartas, pòmpiat sos nebodes e agiudat sa famìlia sua in is cumandos de domo

At lòmpidu 107. Adele Anedda, nàschida in Casteddu su 23 de cabudanni su 1915, cojuada cun Vittorio Putzolu, mancari s’edade siua est galu biva e tiva meda e finas a unu pagu de tempus a oe impitaiat finas su computer. Ma sa passione manna sua est a coghinare, mescamente sos culurgiones. Su tempus lìberu lu colat gioghende a cartas cun sas amigas e  ocupendesi de sos duos nebodes. Pro sos 107 annos, su presidente de su cussìgiu comunale de Casteddu Edoardo Tocco est andada a l’agatare, e ultres a sos augùrios de totu s’amministratzione comunale, l’at istrinada cun una  medàllia tzelebrativa e una pergamena in regodu de custu traguardu importante meda.

Sa Sardigna duncas si cunfirmat torra terra de tzentenàrios. Sos istudiosos ant individuadu intre sas càusas de sa longevidade vàrios fatores, co,ente genètica, alimentatzione, istile de vida, ambiente.

Su segretu duncas de sa longevidade no est unu ebbia, ma una pariga de elementos. Sa Sardigna totu custos elementos si podent agatare cun fatzilidade, e est pro custu chi est  una de sas terras cun su prus artu tassu de longevidade de su mundu. Diversas persones crompent e nche isciaddent sos 100 annos. Pro custu s’ìsula nostra faghet parte de is gosi naradas Zonas Blu, est a nàrrere sas àreas de su mundu in ue si bivet bene e de prus. Su nùmene dipendet dae su colore chi su demògrafu belga Michel Poulain e s’epidemiòlogu italianu Gianni Pes marcaiant in sas mapas issoro sas zonas cun sa presèntzia prus arta de òmines e fèminas  sèneghes. Sos istùdios issoro aiant dimustradu comente in unas cantas àreas de su mundu esistiant cuntzentratziones de tzentenàrios e chi aiant una aspetativas de vida prus arta a paragone de àteros logos de su mundu.

Sa Sardigna est istada sa prima zona biaita identificada. Sa cuntzentratzione prus arta de tzentenàrios s’agatat in Ogliastra.

“Progetto finanziato con l’Avviso Pubblico IMPRENTAS annualità 2021-2022”

Masainas,disgarriga abbusiva e tribagliadores chena cuntrattu in d’una ditta de massajos: denuntziadu un’impresariu.

Una disgarriga abbusiva, tribagliadores chena cuntrattu e fura de currente. Est cantu ant iscopertu sos carabbineris in su mentres de compudos in d’una ditta de massajos de Masainas. S’operassione st bistada fatta cun s’accottu de paritzas setziones e s’azzudu de unu elicotteru de Elmas, chi at boladu supra sa zura in su
mentres de sos controllos. Controllos chi sunt bistados ordiminzados po abberguare su rispettu de sas lezez ambientales, de su tribagliu e de sa siguresa in sas dittas de s’iscrocca.

Sos controllos si sunt cuncentrados supra sos terrinos de una sotziedade de massajos de un’omine de 53 annos. In su mentres de sos controllos, sos carabbineris ant incumintzadu a controllare istrutturas, impiantos e attividades presentes in sa zura. In su mentres de sos atzertamentos est bessidu a pizu chi s’omine impittaiat sa retza elettrica chentz cuntrattu. Sa ditta fuit collegata a sa currente chena autorizzassione, impittandela chena la pagare. Pro custu motivu est partida fintzas s’accusa de furtu aggravadu de currente.

Sighinde cun sos controllos, sos carabbineris ant acciappidu fintzas unu motocoltivadore furadu, chi fuit de propriedade de un’atteru imprendidore de sa zura chi nde aiat denuntziadu su furtu. Est iscattada fintzas sa denuntzia po ricettassione. Sa zura de sa laurantza si presentaiat in cundissiones malas. Secundu canto ant cunfirmadu sos militares, una parte de sos terrinos fuit bistada revertida in d’una disgarriga manna chena autorisassione. Intro de sa zura sunt bistados acciappidos arreffudos ispetziales e cosas perigulosas po s’ambiente.

A s’omine sunt bistadas cuntestadas paritzas macchiscias: controllu illetzidu de arrefudos, disgarriga abbusiva, de aere brusiadu illetzitamente arrefudos, iscarrigos de fauda chena autorissassione e de aere fattu autodemolizione chena nde tennere s’autorissassione. In su mentres de sos controllos est bessidu a pizu fintzas un’atteru probblema, ligadu a sa defensa de sos tribagliadores. Intro de sos amparos de sa ditta sunt bistados acciappidos duos tribagliadores chena cuntrattu.

A s’accabbu de s’operassione tottu sa zura est bistada secuestrada po prevensione, imparis a sos materiales e mezzos acciappidos in su mentre de sos controllos.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22