S’istella hollywoodiana est andadu a si fàghere unu giru a Casteddu a in antis de torrare a mòvere conca a  a New York, a pustis de àere partetzipadu a sa de chimbe editziones de Filming Itàlia Sardegna festival de Pula.

A pustis de sa passigiada in tzentru, s’atore istadunidensu est andadu a pràngiu in unu ristorante casteddaju, acumpangiadu dae àteras caras connotas de su tzìnema mundiale, comente su famadu atore James Franco.

Lòmpidu a sa de chimbe editziones, ocannu su Filming Italy Sardegna Festival 2022,at tentu comente  madrina Donatella Finocchiaro, atoressa e interprete de film de resessida manna meda. Intre sos istràngios internatzionales, a banda su giai numenadu Prèmiu Oscar Cuba Gooding Jr, peri s’atore Josh Hartnett, presidente de sa giuria de sos filmados, sa pluripremida atoressa frantzesa Anne Parillaud, s’atore e modellu ispagnolu Maxi Iglesias e s’intèrprete de This is us, Justin Hartley.

“Sa Sardigna at iscumissu in una manifestatzione importante meda- at ispiegadu s’assessore de sos Entes locales, Quirico Sanna – Èssere inoghe est motivu de grandu altivesa pro nois ca fintzas a traessu de custa manifestatzione tenimus sa possibilidade de veiculare e avalorare in su mègius modu possìbile s’imàgine de un’Ìsula ùnica in su mundu. Sa Regione est cumbinta chi sa cultura siat sa crae pro promòvere sa Sardigna, s’Istòria millenària sua e sas bellesas istraordinàrias suas”.

“Sa Sardigna acasàgiat torra una manifestatzione tzinematogràfica chi a livellu internatzionale rapresentat un’ocasione manna de promotzione de s’ìsula Nostra, chi si cunfirmat torra una terra ammajadora, atrativa e cun medas potentzialidades”, at naradu su guvernadore Christian Solinas.

“Fintzas custa editzione est istada dedicada a sas fèminas. Ma sas presèntzias feminiles e s’integratzione non sunt istados sos ùnicos temas de su fèstival, ma s’est allegadu peri democratzia e de paghe, duos argumentos attuale subra de sos cales sos pitzocos chi ant presentdu sos filmados issoro sunt istados mutidos a riflètere”, at decraradu Tiziana Rocca, Generale Director Filming Italy Sardigna Fèstival.

 “Progetto finanziato con l’Avviso Pubblico IMPRENTAS annualità 2021-2022”

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22