L’at istabilidu sa Giunta Solinas, chi pro proposta de s’assessore regionale de s’Igiene e sanidade e de s’Assistèntzia sotziale, Mario Nieddu, at aprovadu in modu preliminare, durante s’ùrtima sèida, sa programatzione noa de sas risursas pro sas domos de acollièntzia e sos tzentros antiviolèntiza finas a su 2024, fundos chi  s’annu in cursu s’ìntegrant a sas risursas istatales, pagu mancu de 500 mìgia èuros.

Addòpiant, cunfrontu a su 2021, sas risursas in favore de sos tzentros antiviolèntzia e de sas domos de acollièntzia de sa Sardigna. Ammontant, difatis, a duos milliones de èuros sos fundos regionales pro sos contributos destinados, in s’annu in cursu, a s’organizatzione e a su funtzionamentu de sas istruturas de s’Ìsula chi òperant in favore de sas fèminas vìtimas de abusos, solas o cun minores, cun sa previsione de un’àteru aumentu de su 20% in sos duos annos sutzessivos (2,5 milliones  cada annu in sa programatzione pluriennale 2023-2024). L’at istabilidu sa Giunta Solinas, pro proposta de s’assessore regionale de s’Igiene e sanidade e de s’Assistèntzia sotziale, Mario Nieddu, at aprovadu in modu preliminare, durante s’ùrtima sèida, sa programatzione noa de sas risursas pro sas domos de acollièntzia e sos tzentros antiviolèntiza finas a su 2024, fundos chi  s’annu in cursu s’ìntegrant a sas risursas istatales, pagu mancu de 500 mìgia èuros.

“Unu signale de atentzione cara a unu problema sotziale chi donat pensamentu. S’impinnu nostru contra sas violèntzia de gènere sighit cun unu afortigamentu netzessàriu de s’agiudu econòmicu a sas domos de acollièntzia e a sos tzentros antiviolèntzia, chi a dolu mannu depent parare fronte a una crèschida significativa de sas rechertas de amparu e assistèntzia dae banda de sas vìtimas”, at naradu s’assessore Nieddu

Pro su 2022, gasi comente dispostu in su providimentu aprovadu, sa partitzione de sas risursas est istada istabilida in favore de sas 5 domos pro su 54,4% e in mesuras de su 45,6% pro sos 11 tzentros de acollièntzia a su presente iscritos a su registru regionale, previdende una crèschida de su contributu pro sos tzentros cun prus sedes operativas.

 “Progetto finanziato con l’Avviso Pubblico IMPRENTAS annualità 2021-2022”

Carburantes, prus controllos de sa Finantza po cansare aumentos chena zustificassione.

Pustis de s’aumentu novu de sos pretzios de s’energia, po more de sas gherras in Mediu Oriente, In Italia sunt bistados affortigados sos controllos supra sos carburantes. Sa Finantza at detzisu de affortigare sos controllos supra tottu sa retza de ispartidura de benzina e gasolio fintzas in Sardigna.

S’intentu est de controllare cun attentzione donzi mamentu de su camminu chi che leat su carburante finas a sos ispartidores. In custa manera si cheret evitare chi calincunu si approfittet de sa situassione internatzionale po accreschere sos pretzios in manera chi no est zusta. Sos controllos sunt po tottu sos carburantes e partint dae sas dittas chi important o ispartint benzina e gasolio e arribant fintzas a sos ispartidores. Sa Finantza est controllande documentos, fattura e pretzios po cumprendere sis sos accreschimentos sunt currettos.

In sos urtimos tempos su pretziu de sos carburantes est torradu a pigare po more de sa tesones internatzionales e de sos problemas de su mercadu de s’energia. Cando bi sunt crisis o gherras, difattis, su pretziu de su petroliu podet accreschere in presse meda e custu interessat sos pretzios de benzina e gasolio. Propriu pro custu motivu sas autoridades cherent evitare chi calincunu irfruttet sa situsassione po balanzare prus de su chi est netzessariu. Sos accreschimentos de sos pretzios, difattis, deppent dipendere solu dae s’andamentu de sos mercados internatzionales e non dae cumportamentos iscurrettos.

S’affortigamentu de sos controllos est bistadu detzisu dae su Ministeru de s’Accolomia e de sas Finantzias, chi sighit dae accanta sos pretzios de sos carburantes in Italia. S’intentu printzipale est de diffendere sos tzittadinos e garantire trasparentzia. In d’unu mamentu in su cale su pretziu de s’energia est meda istabbile, est importante controllare chi tottu su sistema funtzionet rispettande sas regulas. Sos controllos de sa Finantza ant a sighire in sas chidas imbenientes in totta Italia. Sos controllos ant a serbire po cumprendere si sos pretzios chi sunt faghinde sos ispartidores sunt beros o si bi sunt cosas chi no andant bene.

S’intentu finale est de garantire chi sos affinadores paghent unu pretziu zustu e chi su mercadu de sos carburantes adduret craru e controlladu, chena ispeculatziones e aumentos non zustifficados.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22