Ite si podet  bìdere in Casteddu in una o in una pariga de dies? Andamus a l’iscobèrrere paris

Casteddu est sena duda una de sas destinatziones prus dèchidas de sa Sardigna pro more de sa bellesa monumentale sua, ma fintzas pro sa galania de su mare e de sas plajas. Cun sos monumentos istòricos suos, testimòngios de sas culturas mannas de su tempus coladu, sas marinas suas cun sas abbas lìmpidas e sos panoramas ispantosos suos, su cabulogu sardu conchistat a totus  a sa prima mirada. Ma andamus a elencare ite tocat a bìdere pro fortza in Casteddu

1. SU BIGHINADU DE CASTEDDU E SU TZENTRU ISTÒRICU

Sa parte prus manna de sos monumentos prus bellos de Casteddu s’agatant in su bighinadu de Casteddu. Cun sos muros imponentes suos, sas Turres de Santu pancràtziu e de s’Elefante, su Bastione de Saint Remy, sa Porta dei Leoni, sa Catedrale de Santa Maria, sas rugas e sos antigos palatzos segnoriles, sa Biddighedda de sos Museos e sas butegas de anticuàrios e artesanos, su bighinadu medievale de Casteddu est su coro beru de Casteddu.

2. SA MARINA DE SU POETU

De non pèrdere a beru una bìsita a su Poetu, sa marina printzipale de Casteddu chi est longa belle 8 km e andat dae su promontòriu de sa Sedda de su Diàulu finas a sa marina de Cuartu Sant’Aleni.

3. SA CATEDRALE DE SANTA MARIA IN CASTEDDU

Sa Catedrale de Santa Maria est fortzis su monumentu prus importante de su bighinadu Casteddu. Pesada dae sos Pisani in su sèculu XIII subra de sas ruinas de sa crèsia de Santa Cecìlia, si presentat comente  unu misturitzu de diversos istiles artìsticos e custoit 7 sèculos de memòrias istòricas de sa tzitade.

4. SA BIDDIGHEDDA DE SOS MUSEOS

In sa zona a nord de su bighinadu de Casteddu s’agatat sa gasi narada Biddighedda de sos Museos, su polu de museos de Casteddu: Museu Archelògicu, sa Pinacoteca Natzionale, su Museu de sas cheras anatòmicas Clemente Susini, e in fines su Museu tzìvicu de arte Siamese (MAS) intituladu a su colletzionista casteddaju Stefano Cardu.

5. SU BASTIONE DE SAINT REMY

Impossìbile a no lu bìdere, su Bastione de Saint Remy, est una de sas fortalesas prus importantes de Casteddu e est una tapa obrigatòria pro chie bìsitat sa tzitade. Fraigadu subra sos muros antigos de sa tzitade a sa fine de su sèculu XIX, depet su nùmene suo a su primu vitzeré piemontesu, Filippo-Guglielmo Pallavicini, barone de Saint Remy.

6. SU BIGHINADU DE SA MARINA

Coro de sa tzitade, su bighinadu de sa Marina, pesadu totu a inghìriu a su portu de Casteddu tenet galu oe su sabore de sas biddas de mare antigas. Intre palatzos istòricos e butegheddas, si podet fàghere una in mesu a sas rugas antigas e su fragu de sas ispètzias.

7. SU PARCU DE MONTE URPINU

Monte Urpinu, a pagos passos dae su tzentru tzitade, est sena duda su parcu prus importante de Casteddu. Meta ideale pro colare una die galana cun totu sa famìlia, un’ismùrgiu e una passigiada intre sos pinos, su parcu s’agatat a unos 98 metros subra su livellu de su mare e est mannu belle 247.000 metros cuadrados.

8. SA BASÌLICA E SANTUÀRIU DE SENNORA NOSTRA DE BONÀRIA

Unu contu antigu narat chi su 25 de martzu de su 1370, una nave bènnida dae s’Ispagna, si diat èssere agatada in mesu a una temporada chi aiat obligadu sos marineris a ghetare a mare totu su càrrigu. Tra sas vàrias cosas bi fiat peri una càscia misteriosa chi sas undas de su mare aiant fatu lòmpere finas a sos pees de su montigru de Bonària. In intro bi fiat sa madonna chi totu sos sardos istimant e vènerant. A pustis de s’agatamentu sos casteddajos aiant detzisu de fraigare sa crèsia in onore suo.

9. SA TURRE DE S’ELEFANTE E SA TURRE DE SANTU PANCRÀTZIU

Sas duas turres de s’Elefante e de Santu Pancràtziu, fatas dae sos Pisanos a inghìriu a su sèculu XIV signant su profilu de s’antigu bighinadu de su Casteddu e sunt su sìmbulu de sa tzitade.

Sa turre de Santu Pancràtziu est sa prus arta tra sas duas (36 metros) e st sa prima a èssere istada fraigada (1305). Sa turre de s’Elefante (1307) cun sos 30 metros suos e su  portale mannu, imbetzes, devet su nùmene suo a s’elefante piticu isculpidu in unu fiancu suo.

10. SU PARCU DE MOLENTÀRGIUS

Su Parcu Naturale Regionale Molentàrgius-Salinas, est mannu 1600 ètaros intre sa tzitade de Casteddu e de Cuartu Sant’Aleni, e s’incarat fintzas in su caminu a costadu de su Poeu. Una bera òasi in mesu a sa tzitade cun  àndalas longas de percùrrere passigende o pedalende cun sa bitzicleta.

 “Progetto finanziato con l’Avviso Pubblico IMPRENTAS annualità 2021-2022”

Sa Coppa Gentleman Sardos, chi tzelebrat s’istoria e sa cultura de sas macchinas, at torradu a mustrare sa capatzitade sua de ponnere paris istile, presentzia, lepiesa e iscoperta culturale, donande a sos chi ant partetzipadu e a su pubbricu, momentos de intensidade e ammaju mannos.

Cust’annu puru, s’abbenimentu at animadu sas terras de s’Ozzastra,incumintzande sa sigunda zoronada cun s’ attesa meda proa de regularidade in sa zura industriale de Tortolì. Sos echipaggios, faghinde biere abbilesa de ghia e pretzisione, ant incantadus sos ispettadores cun d’unu ispettacculu ammaghiante, disaffiande s’abba e donande a su pubbricu momentos carrigos de tripisu e pretzisione. Ordiminzada dae s’assotziu Automoto de Simana Sardigna, sa Coppa Gentleman Sardos si cunfirmat puru in su 2024 un’addobiu importante meda in su calendariu
natzionale de s’A.S.I.(Automotoclub Storico Italiano).

Dae su 2022 s’abbenimentu est incluidu in mesu de sos 15 de” s’Asi Circuito Tricolore” e godit de s’artu amparu de sos Ministeros de su Turismu, de sa Cultura, de sos Servitzios, de sa Mobilidade sustenibile e de s’A.N.C.I. Sos 55 echipaggios, chi arrivaiant dae tottu s’Italia, ant esponnidu sas macchinas insoro in su viale Monsignor Virgilio, cambiande sa zura in d’unu beru e propriu museu a chelu abbertu. Dae sos classicos de sos annos ’20, commente sa Bentley de su 1925 e s’Ansaldo de su 1927, a s’Itala de su 1930 po arrivare a sas pius modernas commente sa Ferrari de su 2003, donzi macchina at contadu un’istoria unica de mastria inzegneristica e disignu chentza tempus. Custas macchinas de simana sighint a ispirare e ammaghiare sas ingendras de oe e de su tempus benidore,mustrande importantes capitulos de s’istoria de sas macchinas.

Su programma de sa die, incluidiat puru unu tuffu in s’istoria bezza meda de s’Ozzastra, cun sa visita a su logu nuragicu “s’Ortali e su “Monti”. Custu logu archeologicu, cun sas turres de pedra antigas, sas domus de Janas e sas tumbas de sos tzigantes, at permittidu a sos partetzipantes de faghere unu tuffu in su passadu, iscoperrinde sas traditziones e s’eredidade culturale de sa Sardigna, arricchinde de pius s’esperientzia de sa cumpetissione.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22