Fràigu de Ispidales e de is Domos de sa comunidade, fràigu de is Tzentrales operativas territoriales (COT), ainas de importu pro unu modellu nou de acatu de su malàidu, ma fintzas interventos istruturales e tecnològicos pro sa digitalizatzione e s’isvilupu de sa telemedicina e pro ammodernare is ispidales e is presìdios territoriales de s’Ìsula. Est canto at prevèdiu su programma de is investimentos aparitzados dae sa Regione pro sa Sanidade de sa Sardigna intra is risursas de su Pnrr (mescamente in sa Missione 6 Salude) e de su Pnc (Pranu pro is investimentos cumplementares). Prus de 270 milliones de èuros is risursas disponìbiles co-finantziadas dae sa Regione pro su fràigu de acanta de otanta istruturas sanitàrias e unu totale de prus de dughentos punnas de acabbare intro su 2026.

“Cun custu interventu, semus fadende bases sòlidas pro fraigare su benidore de sa sanidade sarda, chi bolemus siat semper de prus de calidade arta e de cumpetèntzia. Cussu chi semus fadende est unu modellu nou, modernu e efitziente, in gradu de ghiare e acumpangiare su tzitadinu in un’àndala intra ue potzat semper agatare is mègius rispostas a is bisòngios suos de curas e de assistèntzia, at nado su Presidente de sa Regione, Christian Solinas.

“A comente promìtidu, ispendemus finas a s’ùrtimu chentèsimu pro donare a is sardos servìtzios semper mègius, modernos e pro aumentare curas e assistèntzia — at nado su Presidente Solinas –. No amus a pèrdere custa oportunidade manna, chi si impignat in ònnia manera pro ispèndere in sa manera mègius custas risursas”.

Su prano previdet su fràigu de chimbanta Domos de sa comunidade in totu su territòriu, trèighi Ispidales de Comunidade, sèighi Tzentrales operativas territoriales e prus de chentu interventos pro su modernamentu tecnològicu. Duas is linias de programma pro s’innovatzione, sa primu, pro prus de 47,4 milliones de èuros, pertocat sa digitalizatzione e s’innovatzione de is noe ispidales classificados a comente DEA de primu e segundu livellu.

Sa segundu linia, pro un’investimentu de 49,5 millione de èuros e prus, pertocat is ispidales de totu su territòriu e previdet su rinnovu de su parcu tecnològicu de is machinàrios mannos (tac, atzelleradores lineares, risonàntzias magneticas, tomografos, densitometros òsseos e telecumandos pro esàmines de radiologia) cun sa punna de aumentare is istruturas cun istrumentos diagnòsticos e de cura de ùrtima generatzione.

“In s’abeto de s’istantziamentu de su Pnrr amus fatu unu pranu pro su territòriu nostru — at nado s’assessore regionale de sa Sanidade, Mario Nieddu — e amus cumpartzidu cun totus is interessados, chi amus pedidu una partetzipatzione ativa. Semus fraighende su benidore cun unu modellu de sanidade modernu e sustenibile chi ci passat su dualismu ospidale-territòriu e in ue sa tzentralidade est su tzitadinu e is netzessidades suas. Unu modellu bonu a orientare su malàidu a intro de su sistema sanitàriu nostru intra is percursos de assistèntzia mègius”.

“Un’oportunidade de importu pro su sistema sanitàriu nostru — narat s’assessore Nieddu — chi s’at a permìtere de consolidare su protzesso de modernamentu giai aviadu. Sa programmatzione est acrarada in ònnia puntu pro ònnia interventu, pro ònnia Asl e pro is aziendas ospedalieras de s’Ìsula. Is Cot, is Ispidales e is Domos de sa Comunidade inseridu in su programma de su Pnrr s’ant a pònnere impare a cussos giai prevididos in su Pranu regionale de sa sanidade territoriale e finantziados cun risursas regionales, natzionales e europeas. Cun su fràigu de is istruturas intermèdias punnamus a unu modellu chi si fàghere càrrigu a totu is livellos. Intra s’ammanniamentu de sa preventzione e sa gestione de is barrancos si podet riduet sa pressione in is ispidales, chi oe, antis de fàghere carrigu solu de is barrancos prus mannos, depent agatare rispostas a cale chi siat barrancu de salude de is pessones, cun dificultades”.

Pro torrare a fàghere funtzionare su sistema sanitàriu sa Sardigna est paris cun is àteras Regiones pro pedire a su Guvernu àteros interventos chi potzant garantire su funtzionamentu de s’assetu nou: “Bandant bene is risursas pro is istruturas noas, ma si bolimus bìnchere custu disafiu — narat s’assessore Nieddu — serbint àteras garantzias in particulare subra is coberturas finantziàrias pro ammanniare is orgànicos chi serbint a su funtzionamentu de is servìtzios noos, e serbint règulas noas, a comente sa modificatzione de is acòrdios colletivos cun is mèigos de famìllia. In prus est de importu s’ismanniamentu de sa capatzidade de formare mèigos noos, tècnicos e personale de su cumparto sanitàriu”.

 “Progetto finanziato con l’Avviso Pubblico IMPRENTAS annualità 2021-2022”

S’istoria de su Casteddu Fubbalu, s’isquadra simbulu de sa Sardigna.

Sa sotziedade fundada in su 1920 in sa tzittade de Casteddu. Dae prus de chentu annos est unu puntu de relata po s’isport sardu e po medas appassionados de fubbalu. In sos primos annos de s’istoria sua, s’iquadra giogaiat mescamente in sos campionados regionales e minores de su fubbalu italianu. In cussu tempus su Casteddu non fuit ancora intre sas isquadras prus fortes de s’Italia, ma cun su passare de su tempus est creschida e at incumintzadu a mezzorare sos risurtados suos.

Una bortada importante arribat in sos annos Sessanta,cando su Casteddu resessit a arribare in Serie A, su campionadu prus importante de su fubbalu italianu. Dae cussu mamentu s’isquadra incumintzat a si faghere connoschere semper de prus fintzas a livellu naztionale. Su mamentu prus importante de s’istoria de su club arribat in s’istajone 1969-1970. In cuss’annu su Casteddu resessit a binchere s’iscudetto, su campionadu italianu. Est unu risurtadu istoricu pro itte est s’unicu iscudetto binchidu dae un’isquadra de sa Sardigna.

In cussos annos s’isquadra fuit ghiada dae s’allenadore Manlio Scopigno e intre sos giogadores prus importantes bi fuit Gigi Riva. Riva est cussideradu unu de sos attaccantes prus mannos de s’istoria de su fubbalu italianu. Gratzias a sos goals suos est divennidu su simbulu de su Casteddu e fintzas unu de sos giogadores prus amados dae sos tiffosos sardos.

Sa binchida de s’iscudetto est bistada una festa manna po totta sa Sardigna. Fintzas oe cussu sutzessu est ammentadu cun galabera manna e d’est unu de sos mamentos prus importantes in s’istoria de s’isport italianu. Pustis de cussos annos su Casteddu at sighidu a giogare po meda tempus in Serie A, ma at tentu fintzas mamentos diffitziles. S’isquadra at tentu simanas positivas e atteras prus cumplicadas, cun carchi masqada in sas categorias prus bassas. In sos annos Noranta su Casteddu est torradu a tennere resurtados bonos e at partetzipadu fintzas a cumpetissiones europeas, accomettande isquadras de atteros Paisos. Ets bistadu unu periodu importante po sa sotziedade e sos tiffosos.

In sos urtimos annos s’isquadra est bistada in serie A e in serie B.Mancari custu, su Casteddu sighit a essere un’isquadra sighida meda e d’est fintzas oe unu simbulu po totta sa Sardigna.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22