Est connota e coltivada fintzas in àteros paisos, comente su Marocu, su Mèdiu Oriente, sa Corea e s’Ìndia, in ue benit impreada pro creare decotos, cunfeturas, bumbones,  e finas aghedu, totus produtos pro su tratamentu de medas istorbos e in generale pro giuare a salude fìsica.

Su frutu cuntenet belle s’8,7% de tzùcaru, su 2,6% de proteinas, s’1,4% de chisina, 1,7% de pectina e 1,3% de tanninos.

Su sìngalu in meighina

Su sìngalu est istadu impreadu meda durante sèculos in sa meighina traditzionale tzinesa e coreana pro una curare diversos istorbos, comente s’istrachitùdine e comente a lassativu lenitivu pro s’istipsi crònica. Su sìngalu tenent propiedades anti-infiammatòrias e anti-spàsticas. Unos cantos istùdios ant dimustradu chi frunit un’agiudu a livellu cardiovasculare, megiorant su metabolismu e agiuat a purificare sos vasos sanguìneos. A s’ispissu benit impreadu pro prodùere unu tè chi favorit su sanamentu de su dolore de gangas e su tùssiu; in unas cantas culturas is bubullicas suas sunt impreadas fintzas comente ingrediente pro otènnere una pasta pro curare sas feridas. In prus, su sìngalu cuntenet 18 de sos 24 aminoàtzidos chi sunt netzessàrios pro su funtzionamentu curretu de su corpus umanu. Sos aminoàtzidos agiuant a mantènnere sa salude e favorint sa formatzione de sos ossos, de sos mùsculos, de su sàmbene, de sos ormones, de sa pedde e de sos enzimas.

De sa raighina de su sìngalu s’otenet unu prùere chi si ponet in sos istròpios e in sas  ùltzeras. In Tzina benit impreadu comente tratamentu pro sas abrugiaduras e ustiones.

Su frutu est saboridu meda, in prus agiuat su metabolismu, creschet sa resistèntzia e sa fortza musculare. In Oriente custa mata benit impreada (sa folla, sas raighinas, su còrgiu e sos cambos) comente tònicu, pro tratare sas abrugiaduras, comente depurativu de su fìgadu, in sas anemias, in sas nefritas, in sos istorbos nerviosos, pro eliminare s’insònnia e sas palpitatziones.

Sos tzinesos, chi sunt meda atentos a sa salude, consumant a s’ispissu su sìngalu comente durche pro more chi non faghet ingrassare.

Su sìngalu podet èssere consumadu a  cruu, ma giuat de prus si benit cotu o postu a sicare.

Pro su chi pertocat sos valores nutrizionales, su frutu de su sìngalu est ricu de vitaminas e minerales. Su sìngalu cuntenent 20 bias in prus de vitamina C de s’aràngiu. Est ricu de vitaminas de su cumplessu B, comente sa vitamina B1, B2 e B6.

Pro cantu pertocat sos minerales, su sìngalu cuntenet manganese, potàssiu, ferru, càlciu e fòsforu.

Cun su sìngalu est possìbile fàghere tisanas, otenende una bèvida meda calmante e rilassante. Custu est su motivu pro su cale sas erboristerias tzinesas prescrivent su tè de sìngalu a sos malàidos chi sufrint de istorbos de ànsia e de su sonnu.

Un’àteru vantàgiu de su tè de sìngalu est chi cuntenet medas antiossidantes chi podent megiorare sa cunditzione de sa pedde e sa digestione.

Sa funtzione anti-infiammatòria de su sìngalu est nòdida pro amparare su fìgadu e sos errigos. In fines, istùdios reghentes ant dimustradu chi su sìngalu podet megiorare sa funtzione immunitària e firmare sa crèschida de tzèlulas cancerosas in su corpus. In su 2010, sa chirca sientìfica publicada subra sa rivista mèdica “Transplantation Proceedings” at dimustradu su significativu potentziale suo.

“Progetto finanziato con l’Avviso Pubblico IMPRENTAS annualità 2021-2022”

Sas vias de sa tramuda, a daenantis cun iscavos e balorizzatzione: risurtados novos in sos nuraghes de Tortulè e Triei.

Andant a daenantis cun resurtados importantes sos interventos de iscavu,accontzu e balorizzatzione de sas alas nuragicas intzididas in su disignu “Sas vias de sa tramuda” in Ozzastra. Duos in particulare sos logos interessados dae sos tribaglios: su nuraghe s’Ortali ’e su Monti in s’iscrocca de Tortulè, e su nuraghe Bau Nuraxi de Triei, ambos duos a su tzentru de avantzamentos importantes supra su pianu iscientificu e de su recreu pubbricu de su tempus benidore.

A s’Ortali ‘ e Su Monti, unu de sos sitos  appillados prus nodidos e bisitados de s’Ozzastra, est finida sa fase de iscavu archeologicu. Su cumplessu, chi accansat nuraghe,pobuladu, tzirculu megaliticu, domus de janas e tumbas de tzigantes, sighit a torrare notissias novas mancari sos istudios los fettant dae tempus meda. Sas scruccullas fattas dae pagu ant fattu iscoperrere atteras zuras de interessiu, amprariande sas connoschentzias supra su situ e arricchinde s’esperientzia culturale apparada a sos bisitadores.

S’interventu, fattu sutta s’affilamentu de sas Sovrintendentzias archeologicas, est bistada fatta mescamente po una turre accosta e s’antemurale de su nuraghe. In su mentres de sos tribaglios sunt bistados iscopertos po su prus, picculos de isterzos de attividades in domo, comente su tessinzu e s’ammaniada de sa cosa de pappare. Finida sa fase de iscavu, su disignu bintrat como in d’una fase nova chi prenettat interventos de accontzu, su faghere un’impiantu novu de sa lughe- pensadu fintzas po su sero, e sa creassione de unu caminu novu po bintrare a su monumentu. Si at a faghere puru s’azzorronamentu de su sistema de sas notissias e de sos poster, po rendere prus fatzile sa bisita e mezzorare sa cumpresa de unu situ de cumplessidade manna. Sa summa totale de sos tribaglios, partidos in su mese de aprile 2025 est de casi 200.000 euros.

Novidades importantes arribant puru dae su nuraghe Bau Nuraxi de Triei, inube in su mese de martu passadu sunt bistados cussinnados sos tribaglios de iscavu. Su situ, chi est mannu meda e de importantzia iscientifica, fuit bistadu scudrignadu solu in partzialidade in sos annos Ottanta. S’interventu de oe interessat in manera particulare sa zura chi andat a sa parte de su riu, una zura sinzada dae sa prena de su 2008 chi aiat fattu dannos a una parte de su cumplessu.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22