A pustis de unu biàgiu longu meda a beru, a pustis de is dificultades acapiadas a s’imparu de sa limba, Elizabet est resèssida a portare a crompimentu is punnas suas. Immoe, gràtzias a su determinu suo, est regollende is frutos de custu impinnu. Elizabeth Rijo, tenet 48 annos e est in Itàlia dae 20 annos e prus. Benit dae sa  Repùblica Dominicana. At lassadu s’ìsula sua suo pro amore, e pròpiu custu amore dd’at fata lòmpere in su paisu nostru acanta at cumentzadu una vida noa.

Dae su babbu maistru de muru at pigadu sa fortza e su determinu de portare a crompimentu is progetos suos, totu calidades chi chircat de imparare a is duos fìgios. In su 2007 s’est laureada in Ingegneria in s’Universidade de Casteddu, cosa non fàtzile pro una fèmina istràngia chi at dèvidu giumpare s’otzèanu e in prus imparare una limba e una cultura diferente. “M’ammento chi is primas bias aiat medas problemas a sighire is letziones, sende chi non connoschia s’italianu. Est una limba chi s’assimbìgiat a s’ispagnolu, ma no est sa matessi cosa. Duncas, mi so dèvida isconchiare meda pro dda imparare, e a sa coa nche dd’apo fata”.

Gràtzias a sa fortza sua, duncas Elizabeth est resèssida a si laureare in ingegneria e a agatare deretu traballu in Sardigna etotu, acanta est portende a in antis medas progetos. Mancari gasi issa, cando calicunu ddi narat chi est una casteddaja, rispondet:  “M’intendo prus tzitadina de su mundu. Creo chi sa Sardigna siat una de is medas tapas de sa vida mia. Mi diat pràghere andare a bìvere in àteras terras, mancari in Àfrica”.

Ma in Sardigna Elizabeth at postu fintzas unu pagu de righinas, difatis est intrada a fàghere parte de unu progetu de grandu valore e impinnu sotziale pro tèndere sa manu a chie nde tente bisòngiu. Semus alleghende de s’assòtziu de su cale Elizabeth faghet parte, “La rosa roja”, assotziatzione acanta dae annos si furriant  medas migrantes chi sunt arribbados a s’ìsula nostra dae tesu. “In Itàlia forsis sa cultura de s’acasàgiu no est forte meda. – at naradu ischieta Elisabeth – In su paisu nostru semus prus abituados a agiudare a chie tenet netzessidade, fintzas a chie non si connoschet. Non bastat a fàghere arribbare is istràngios e si nde ismentigare de issos. Est pretzisu a istantargiare fintzas progetos de integratzione. Pro more chi tra is pòpulos bi siat armonia, ma fintzas tra sa gente,  est importante su respetu,  su diàlogu e a s’abertura cara a àteras realidades”.

 “Progetto finanziato con l’Avviso Pubblico IMPRENTAS annualità 2021-2022”

Sos tres durches pius famados de sa Sardigna: unu viazu intre connottu e sapores antigos.

Sos tres durches pius famados de sa Sardigna: connottu, festa e identitade in d’unu mossu. Sa Sardigna no est solu terra de bistas chi che bogant s’alenu, mare cristallinu e connottu de mizza e mizza annos: est puru una regione in sa cale s’arte de sos durches tenet unu rolu tzentrale, ligada a filu doppiu cun sa religiosidade populare, sas festas de sas biddas e sa trasmissione de sos sapires familiares.

Sos durches sardos contant istorias antigas, a s’ispissu trasmittidas dae ingendra a ingendra, preparadas cun sustiantzias simples ma de calidade e cun d’una cura casi maniattiga. Intre sas chentinaias de saporidesas chi animant sas mesas sardas in occasione de isposonzos, battizos, Pasca, Nadale e festas populares, tres durches si signalant po fama e diffusione: sas seadas, sos marigosos e sos gueffus. Tres conas de s’isula, donzuna cun d’una istoria, unu sapore e un’anima totta sua.

Sas seadas (o sebadas) sunt fortzis su durche sardu pius connottu a fora de sas lacanas de s’isula. Si trattat de unu culurzone mannu durche, preparadu cun d’una piza de simula fine, chi arregat unu coro modde de casu friscu de erbeghe, unu pagu agrittu, a s’ispissu aromatadu cun corzolu de limone.

Sos marigosos sardos sunt un’attera cona netzessaria de sa pastisseria de s’isula. A differentzia de atteras maneras italianas, cussos sardos sunt moddes, profumados e dae sa fortesa casi modde, cun d’una corzoledda lizera in sa parte de fora. Si ammanitzant tottu s’annu, ma in manera particulare po sas festas religiosas, sos isposonzos e sas tzerimonias.

Po finire, sos gueffus, connottos comente “suspiros  sunt bucconettes de pasta de mendulas, imboligados in papilu coloradu comente chi esserent caramellas. S’aera insoro allegra e festuliana los rendet interpretes de doinzi tzerimonia sarda, in manera particulare de battizos e isposonzos. In custos tres durches si cuncentrat s’essentzia de sa Sardigna: sa semplicidade de sas sustantzias, s’intensidade de sos sapores, su ligonzu fungudu cun sa terra e cun sos ritos de sa comunidade.

Attività realizzata col contributo della Regione Sardegna — IMPRENTAS 2024-2025. LR 22/2018, art. 22