Est su 13 austu 1949. Sunt armados de mitra e bombas a manu, e sunt in medas. Si nche sunt apostados in su caminu Tortolì-Biddamanna Strisàili, a s’artària de Monte Maore. A su passàgiu de su mezu cun sas pagas de sos operajos si nde sunt istacados de repente e s’autista est custrintu a si firmare. In cussos annos fiat in faimentu sa diga noa de su Flumendosa, e in s’autocarru b‘aiat belle 9 milliones de liras. A pustis de pagos segundos lompet sa camioneta de sos carabineris chi faghiat sa guàrdia a su portavalores.

Sos bandidos calant su fogu a sos militares. Bator carabineris abarrant mortos, àteros 5 fertos. Sos bandidos si nde leant chimbe milliones e mesu de liras.

Sos carabineris poderant cun coràgiu. Pro los agiuare, su brigaderi aristanesu Antonio Sanna, tando 36 annos, chi si fiat distintu pro sa reatzione bronta e pro su coràgiu suo in s’afrontare sa truma de bandidos.

«Fiat rèdutze de sa Segunda Gherra Mundiale – ammentat oe su fìgiu Franco – Fiat de bonu coro e rispetosu cun totu sos collegas. Chie li fiat amigu aiat una fortuna manna e pro mene est un‘onore èssere fìgiu suo. Fintzas in mesu a cussu isparatòriu, at reagidu cun firmesa, coràgiu e cun generosidade. In su 1959, difatis, at retzidu sa medàllia de prata a su mèritu de servìtziu de su Ministeru de s’Internu ( foto). Prima de s’arruolare, fiat istadu unu de sos mègius autistas de s’esèrtzitu italianu e a tzivile fiat istadu fintzas unu mecànicu capatzu. Mandadu a Àfrica pro sa campagna orientale de sa segunda cuntierra mundiale, fiat istadu seberadu comente autista de su Generale Mambrini e de su Coronellu Fabbri. Si fiat amoradu de s’Àfrica e aiat imparadu sa limba prus impreada, su swahili. Aiat sarbadu, a pustis de unoatacu de sos inglesos, una barantina de commilitones e fiat istadu premiadu fintzas pro custu. Cando fia piticu, mi contaiat chi in Somàlia costruaiant sas domos impreende su matone fatu cun sa matessi tècnica chi s’impreaiat in Aristanis. Su làdari, un’impastu de arghidda, pàgia e ludu. Aiat coràgiu a fìgiu bonu, fintzas in sas operatziones militares prus perigulosas. Sos collegas l’istimaiant pro sa garbu suo e pro s’operatividade sua»

No est sa primu bia chi sos bandidos atracant sas veturas in mesu a su caminu. A sas 9.15 de su 7 de abrile su postale sa trata Nùgoro-Lanusè, fiat istadu assaltada dae sete òmines armados e infatzolados. Sos 30 passigeris fiant istados fatos calare a terra e ispogiados de ogna cosa de valore, ma nemos fiat abarradu feridu.

Àteros episòdios sighint in sos meses sighentes e s’aberit un‘istajone mala de sos assaltos, tantu chi cumintzant a nd’essire a pìgiu sas “personalidades”, de sos bandidos chi prus de àteros s’ammustrant iscudados e risolutos, devenende figuras legendàrias, fintzas a cando non benint arrestados. Intre issos tocat a remonare Pasquale Tandeddu e Giovanni Battista Liandru chi at a èssere annomingiadu “Su Salvatore Giulianu sardu”.

 “Progetto finanziato con l’Avviso Pubblico IMPRENTAS annualità 2021-2022”

Casteddu: 400 in Pratza pro s’Europa Unida, Protesta de sos ‘No a su Riarmu’ cun Manos Tintas de Sambene.

Eris sero, in su coro de Casteddu, casi 400 pessones si sunt affacchiatas in pratza pro bogare a campu a favore de un’Europa unida, unida e cooperativa. S’abbenimentu, promòvidu dae assòtzios europeistas, movimentos tzivicos e realidades polìticas locales, teniat s’obietivu de torrare a a firmare s’importu de s’Unione Europea comente  istrumentu de paghe, collaboratzione accolomica  e defensa de sos dirittos.

In d’unu momentu istòricu marcadu dae tensiones internatzionales e dae una crèschida instabilidade geopolìtica, sos partetzipantes ant evidentziadu su rolu crae de s’Europa po garantire seguresa e prosperidade a sos tzitadinos.

Sa manifestatzione s’est isvilupada in un’atmosfera de partetzipatzione e dibattidu, cun interventos de rapresentantes istitutzionales, mastros universitarios e ativistas chi ant acomettadu temas diferentes ligados a s’Unione Europea, dae sa polìtica accolomica fintzas a sa netzessidade de una menzus integratzione intre sos Istados membros. Cartellones, istrisciones e banderas de s’UE ant coloradu sa pratza, mentres sos manifestantes torraiant a  firmare cun paraulas e cantos sa voluntade de un’Europa forte e unida.

Non sunt mancadas, peroe, sas contestatziones. Una truppa de ativistas de su movimentu ‘No a su Riarmu’ at fatu una protesta simbòlica pro
denuntziare sas polìticas de defensa chi como sunt presentes in s’Unione Europea, cunsideradas orientadas meda a su riarmu e a sa militarizatzione. Sos ativistas ant martzadu cun sas manos tintas de ruju, unu gestu simbòlicu pro rapresentare su sambene isparghinadu in sos cunflitos.

Sa dibatta subra sa defensa comune europea est diventada semper prus tzentrale in su cuntestu de su tempus nostru, cun sos guvernos chi discutiant s’accreschimentu de sas ispesas militares pro rispòndere a sas noas minettas in tottu su mundu. Bi est chie accottat sa netzessidade de rinfortzare sa defensa europea pro garantire pius seguresa, e bi est chie pedit chi sas resursas siant destinadas a programas de cooperatzione, azudos umanitarios e diplomazia.

Attività realizzata con il contributo della Regione Sardegna – IMPRENTAS 2024-2025. L.R. 22/2018, art.22