Desafiu fundamentale pro su Casteddu in sa partida imbeniente contra su Torino.

Tra is muros amigos de s’Unipol Arena, is casteddajos ant a chircare is tre puntos pro mòvere sa classìfica e comintzare a artziare in is positziones prus seguras, lassende in fatu àteras iscuadras in sa zona retrotzessione.

Is òmines de Mazzari ant a mustrare sa gana de gherrare pro essire a lestru dae sa crisi de is resuetados, cun sa vitòria chi mancat dae tempus meda. Amus a bìdere chi ant a arrenèschere a bìnchere.

Dae cussu chi s’ischit su Casteddu at a falare in campu cun Cragno tra is palos, lìnea a tres in defensa cun Caceres, Ceppitelli e Carboni, a tzentrucampu ant a giogare in chimbe cun Nandez, Grassi e Marin a su tzentru e Bellanova e Dalbert in is fàscias, a in antis in atacu sa còpia Joao Pedro e Keita Balde.

Su Torino galu non s’ischit chi at giocare cun Sanabria o cun Zaza in atacu, imbetzes comente tzentrucampista ofensivu at a pòdere torrare Brekalo – a pustis chi s’est pasadu in sa gara colada – imbetzes est seguru de su postu in is undighi titolares Pjaca. In is fàscias ant a giogare Aina e Vojvoda, e in su tzentrucampu ant a èssere presentes Lukic e Pobega.

In sa defensa s’allenadore Juric est pensendu de fàghere giogare a Zima o a Izzo, a su costadu de Bremer e de Buongiorno a in antis de su portieri Milinkovic-Savic.

Seguru a èssere una partida istragosa pro is duas iscuadras, ma cussos chi ant a tènnere prus de pèrdere sunt is òmines de Mazzarri. Pro primu cosa pro ite is sardos ant a giogare in domo issoro e pro ite sunt pagos a beru is 9 puntos in classìfica cando oramai is giorronadas giogaia sunt lòmpidas giae 16.

Semus seguros chi at a bastare a bìnchere custa isfida contra is granatas pro nche bogare sa timoria chi s’est bida in is ùrtimas partidas, mancari siant lòmpidos tres parègios. Tzertu, at a tocare a fàghere innamorare is tifosos cun su giogu bellu, e in domo diat èssere su logu mègius pro chi torret a capitare. Isperamus bene.

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Blackout in su Prontu Succursu de su Santissima Trinidade: un’interrogu a su Ministru de sa Salude.

Su blackout chi at interessadu su prontu succursu de s’ispidale Santissima Trinidade de Casteddu sighit a faghere discutire e sustentare unu cunfrontu politicu istitutzionale allummadu meda. S’accadimentu, chi at postu in difficultade manna unu de sos printzipales ispidales de sa tzittade, at fattu narrere su parrere suo a Ugo Cappellacci, presidente de sa cummissione Affares Sotziales e Salude de sa Camera de sos Deputados, chi at comunicadu sa presentatzione de un’interrogu in su Parlamentu a su Ministru de sa Salude, Orazio Schillaci.

Secundu cantu pensat issu, cantu est sutzessu est grae meda, non solu po sas conseguentzias supra s’attividade de su Prontu Succursu, ma puru pro itte si inficchit in d’unu cuntestu prus mannu de crititzidades ligadas a su controllu de sa sanidade regionale. S’ex presidente de sa Regione Sardigna at gameddadu su chi est sutzessu a cussa chi at deffinidu una fase forte de istabbilidade politiga e amministrativa, annodditada dae seperos de guvernu cuntestados e dae una situassione de dudesa chi, po comente la pensat issu, si reflettit derettu supra sos servitzios essentziales.

Su blackout at provocadu sa frimmada de s’energia elettrica e sa frimmada de medas servitzios de fundamentu. Intre sos problemas printzipales signalados bi est bistada sa mancantzia de funtzionamentu de ordinzos netzessarios comente sa Tac, elementu tzentrale po sas
emergentzias. Sa frimmada de custos istrumentos at tentu unu corpu derettu supra s’operatividade de sa sezione.

S’assistentzia sanidaria est bistada garantida solu gratzias a sos sistemas de emergenztia, ma cun d’una difficultade manna. Sa situassione at tentu problemas supra sas curas, sos tempos de interventu e supra sa calidade cumplessiva de s’assistentzia. Propriu po accomettare a s’impossibilidade de operare in prenu, medas malaidos che sunt bistados leados a sos atteros prontu succursos tzittadinos, in manera particulare a su policlinicu de s’Universidade e s’ispidale Brotzu, ispidales chi giai dae tempus operant in cundissiones de aggravamentu po more de sa mancantzia de pessonale, lettos e benes.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22