In s’àmbitu de sa Cunferèntzia Programmàtica regionale de su Partidu Democràticu de sa Sardigna, in Barì, a pustis de s’atopu de s’8 de mese de ladàmine, custu sàbadu est prevìdidu su segundu adòbiu in Ogliastra, chi s’ant a fàghere a is 17:30 in su tzentru culturale de Pratza Mercadu.

S’obietivu de sa cunferèntzia programmàtica regionale est cudda de costruire unu progetu de cambiamentu pro sa Sardigna, capassa de cuntrastare sa derivat populista, peri cun sa creatzione de una coalitzione larga, aberta, inclusiva chi unat partidos, movimentos e assòtzios.

Partende dae su presupostu chi oramai est indispensàbile àghere interessare a totus, dae sos iscritos e eletores, a sos amministradores, a sas organizatziones sindacales, a sos assòtzios de su volontariadu, de su tertzu setore, est netzessàriu elaborare unu programma pro sa Sardigna chi pòngiat a su tzentru sa crèschida, sa calidade de sa vida e su benèssere de sos Sardos.

S’Ogliastra non podet apogiare custu progetu, at naradu Carlo Balloi, Segretàriu provintziale de su Partidu Democràticu de s’Ogliastra. Custos is argumentos chi s’ant a tratare: 1 – Sas comunidades locales; 2 – Istrutzione; 3 – Sanidade; 4 – Welfare sardu; 5 – Turismu, ambiente e territòriu, agroalimentare.

Massimo Zedda, presidente de su partidu Progressista, est bistadu designadu commente candidadu sindigu in Casteddu po sas eletziones de s’8 e 9 de lampadas, cun s’accottu de su campu ispartu de tzentru-manca, su cale at accattadu una base forte in sa binchida de pagu tempus faghede in sas eletziones de sa Regione, chi ant juttu a sa presidentzia Alessandra Todde, figura importante meda de su movimentu 5 isteddas.

S’arribu de Zedda commente candidadu sindigu, est bistadu su risurtadu de unu protzessu politicu cumplicadu, chi at istentadu de una chida dae sa nomina de sa Guvernadora noa, ma po finire, sas dudas sunt bistadas binchitas.Su nomene sou fit giai bessidu a campu a su cuminzu de s’annu, in linia cun sos ecchilibrios de sa politica istabilidos in sas eletziones de sa Regione.

Casteddaju de 48 annos, Zedda juchet un’esperientzia politica forte meda assegus de sas palas, essende bistadu cunsizzeri regionale in sos urtimos chimbe annos e commente sindigu de Casteddu dae su 2011 a su 2019, innantis de aere perdidu sas eletziones cun Christian Solinas commente presidente de sa Regione in su 2019.

Sa detzisione sua de si candidare est bistada antitzipada dae sa disponibilidade sua a faghere sas primarzas, ma s’alliantza de tzentru- manca ghiada dae su Partidu Democratigu e su Movimentu 5 Isteddas, at prefferridu po unu seperu fattu imparis a sa mesa de su cunsizzu, faghinde un’attera borta su chi fit giai bistadu fattu po sas eletziones regionales.

A su cumintzu, su Partidu Democratigu teniat dudas po sa candidadura deZedda, cussiderande sa possbilidade de candidare su segretariu regionale Piero Comandini. Intames, cun s’eletzione de Comandini commente presidente de su Cunsizzu Regionale e sa baludassione de sa candidadura de Davide Carta, esponnente inportante de su PD de Casteddu, sa mesa de su cunsizzu at mustradu s’accottu de tottus po Zedda, cosa cunfirmada puru dae sas atteras fortzas de sa politica chi ant partetzipadu.

In su mentres, sa mesa at reffudadu s’idea de amprariare de piusu su campu, faghine partetzipare Azione e su movimentu de Renato Soru, chi si fit candidadu a sa sola a sas eletziones regionales, e chi sighit su
percursu sou de cambiu.

Gai, s’8 e su 9 de lampadas, sos elettores de Casteddu si ant agattare in daenanti a una porfia in mesu de duos: Massimo, chi rappresentat su tzentru-manca e Alessandra chi rappresentat su tzentru-destra e chi fit giai assessora a su tribagliu e vicepresidente de sa giunta Solinas. S’iscena est pronta po una cumpetissione politica ammaghiante e de determinu po su tempus benidore de sa tzittade.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22