“Insieme nella prevenzione delle Nuove Dipendenze”. Unu progetu a pitzu de sa salude pùbblica, meighina preventiva e riabilitativa. Cooperativa Geriàtrica Serena, comunu de àrthans e Fundatzione Bancu de Sardigna “Paris pro amparare sa salude de is tzitadinosi”.

Non si firmat sa batalla de su Comunu de àrthana pro parare barra a s’ispainamentu de is dipendèntzias noas, primariamente s’IAD (Internet Addiction Disorder) e de is cunseguèntzias malas chi causa, non pro is persones chi nde sufrint ebbia, ma peri pro is famìlias issoro.

Gràtzias a is atividades promòvidas dae sa Cooperativa Geriàtrica Serena in s’àmbitu de su Progetu “Paris in sa preventzione de is Dipendèntzias Noas”, nòmene originale in italianu “Insieme nella prevenzione delle Nuove Dipendenze”, s’amministratzione ghiada dae Marco Melis, at pigadu parte a is initziativas chi dae su mese de maju finas a su 4 de austu sunt istadas aparitzadas dae psico-sòtziu educativa de sa Coop. Serena. Tra is apuntamentos ammaniados dae sa Coop. Serena, medas giughent caràtere culturale, musicale, de recreu o ambientales, comente is gitas a su parcu acuàticu de Diverland, a sa Butterfly House, a su partu aventura Le ragnatele, a Niala cu su treninu birde, a su  Tattoo Show, a su cuntzertu de Fabri Fibra, Nitro e Salmo in Terranoa, a su padente Selene e a su cuntzertu de Sfera Ebbasta in Casteddu.

Is ùrtimos apuntamentos sunt cussos de austu a Orane in su Museo Nivola pro leare parte a sa manifestatzione “Una notte al Museo” e su de Pula in su Forte cun su balleto de  Santu Pedruburgu,  pro bìere s’òpera “Il Lago dei Cigni”.

Est prevìdudu pro sàbadu su 4 de ghennàrgiu 2020 su cumintzu de sos iscontos ierriles chi ant a pòdere durare non prus sessanta dies.

Sa data est istada atatzada in sa base a su Decretu Assessoriale de sa Regione Autònoma de sa Sardigna n.8 de su 15/06/2011 chi istabilit s’inìtziu de sas bèndidas de acabbu istajone in sa prima die feriale a in antis de sa Pasca de is Tres Res, (iscontos de ierru) e in su primu sàbadu de su mese de argiolas (iscontos istadiales).

In sas baranta dies a in antis de sa die de inghitzu de is iscontos, duncas a printzipiare dae su 25 de onniasantu 2019, sunt proibidas is bèndidas promotzionales e is bèndidas de licuidatzione pro sa mertze non alimentare.

Pro su cumintzu de is iscontos, comente acraridu dae su Servìtziu Atividades Produtivas, non est obbligatària perunu avisu.

IS CUSSÌGIOS DE CONFCOMMERCIO

Pro comporare bene sa mertze iscontada, sa Confcommercio finas ocannu donat calicunu inditu:

Càmbias: sa possibilidade de cambiare su produtu a pustis chi est istadu comporadu dipendet dae sa voluntade de su butegheri, francu chi s’ogetu non siat segadu o non cunforme (art. 1519 ter cod. tzivile introduidu dae su D.L.vu n. 24/2002). Capitende custu su butegheri est obligadu a dd’acontzare o a ddu cambiare cun un’àteru e, si no est impossìbile, su produtu depet èssere bèndidu a unu prètziu prus bàsciu o si depet torrare su dinari a su cliente. Su compratore però depet denuntziare su difetu intro duos meses dae sa data de s’iscoberta de sa magàngia.

Prova de su produtu: non ddoe tenet nisciunu òbrigu. Dipendet dae sa volontade de su negotziante.

Pagamentos: su butegheri est obligadu a atzetare is pagamentos cun carta de crèditu.

Produtos in bèndida: sa cosa posta in bèndida cun s’iscontu depet tènnere caràtere istajonale o de moda e si non si bendet intro unu tzertu perìodu de tempus depet èssere posta in bèndida a istracu baratu. Mancari gasi, però no est proibidu a pònnere in bèndida fintzas mertze de àteras s’istajones.

Indicu de su prètziu: su butegheri est obligadu a pònnere su prètziu normale de bèndida, s’iscontu e su prètziu finale.