S’arricat s’oferta de sa biblioteca Comunale de Àrthana, disponìbiles sos primos tìtulos de su Sistema Bibliotecàriu Integradu de su Nord Ogliastra. Migliaia de e-book, entziclopedias, bancas datos e files musicales de consultare online.

Sa Comuna de Àrthana informat chi on sa MediaLibraryOnLine sunt a disponimentu sos primos e-book e audiolibros atzessìbiles tràmite su prèstidu digitale. Difatis est ativu su portale chi permitet a sas bibliotecas italianas, de isperimentale su sistema nou de prèstidu immediatu.

Creschet tando su nùmeru de sos tìtulos chi podent èssere consultados in manera istantànea: su Sistema Integradu Nord-Ogliastra at aderidu a su portale chi permitet a sos impitadores, de pigare in prèstidu e-book, tènnere atzessu a bancas datos e entziclopedias, iscurtare e iscarrigare audio musicales e audiolibros.

Sos iscritos a sa Biblioteca comunale de Àrthana chi disponent de unu PC, unu telèfono intelligente o tablet, tenent sa possibilidade de impreare su servìtziu 24 a sa die.

Tra sas risursas disponìbiles in download, est presente una colletzione de libros eletrònicos cun sas ùrtimas novidades editoriales, pro unu màssimu de 14 dies in formadu e-Pub, a s’acabbu de sos cales non s’ant a pòderent lager prus e ant a torrare a disponimentu de sos àteros impitadores. Ogna letore podet iscarrigare màssimu duos e-book a su mese e prenotare sos testos chi pro s’ora non sunt disponìbiles.

Pro sos impitadores su prèstidu digitale est possìbile gràtzias a su Sistema Bibliotecàriu a su cale sunt assotzadas is totus sas 22 bibliotecas de sa provìntzia Ogliastra. Pro atzèdere tocat a fàghere recherta de account e sighire sa protzedura.

In sa Biblioteca comunale de Àrthana sos addetos donant servìtziu de consulèntzia e informatzione cun totus sos inditos pro pigare cunfidàntzia cun sos servìtzios noos.
Ligàmines ùtiles

MediaLibraryOnLine

https://sbino.medialibrary.it

Est istada chida de apuntamentos e ispantos in Fonne, in su coro de sa Sardigna, acanta mìgias de visitadores e apassionados ant patetzipadu a un’ispetàculu fatu de màscaras de su mundu, folklore internatzionale e ìpica.

Sa manifestatzione de “Identidades – Grande sfilata di machere tradizionali”, est cumentzada sàbadu 5 de austu, dae sas 17. Protagonistas printziapele sunt istados sos meres de domo, Urthos e Buttudos e sas Mascheras Limpias, ma fintzas sos carotes istàngios, comente  MasquAoste (Venètzia), CivitaMask (Venètzia), Colombina, Pantalone e Arlechino (Bèrgamu), Krampus (Südtirol), Su Bundu (Orane), Merdules Bezzos (Otzana), Mamutzones Antigos (Samugheu), Mamuthones e Issohadores (Mamujada), Urtzu e Sos Bardianos (Ula Tirso), Sos Tumbarinos (Gavoi), Su Sennoreddu (Teti), Mascara Gattu (Sarule), Is Arestes e s’Urtzu Pretistu (Sòrgunu), Cambas de Linna (Gùspini), Tamburinps e Trumbetieris (Aristanis), S’Attitidu ‘Osincu (Bosa).

A sas 22 si sunt esibidos sos grupos folclorìsticos locales de sos Brathallos Folk Fonne, in intro de su fèstival internatzionale de su folklore, chi at bidu in iscena fintzas sos grupos istràngios comente Karpaty (Islovàchia), Samba (Brasile), Pro logo de Samugheu e Biddobrana de Biddaubrana. A sighire ballos in pratza cun Mariantonietta Bosu (sonetu) e Francesco Fais (boghe), cun sa presentatzione de Roberto Tangianu.

“A pustis de duos annos de firmu dèvidu a s’apretu sanitàriu amus torradu a fàghere custa grandu manifestatzione, chi est lòmpida a sa de 5 editziones”, at naradu Antonio Marratzu, unu de sos organizadores . Màscheras e cultura, duncas, peri cun ‘abertura de su museu acanta sos bisitadores ant pòdidu bisitare sa mustra fotografica. Partetzipatzione manna peri a sas bisitas ghiadas in su territòriu a s’iscoberta de sa tziviltade nuràgica fonnesa a Madau e Gremanu.

Partetzipatzione manna fintzas a sa de  36 editziones de su Pàliu de Fonne.  Sa cursa a pilu prus sighida de s’Ìsula, organizada dae sa Sotziedade Ìpica Fonnesa, cun unu monteprèmios de 31.000 èuros. A bìnchere est istadu Francesco Caria con Costerino per il comune di Esporlatu, segundu Gavino Sanna e tertzu Pasquale Salis.

“Progetto finanziato con l’Avviso Pubblico IMPRENTAS annualità 2021-2022”