Sos casos averiguados immoe sunt petzi 5 casos in chimbe dies, duncas sa bidda torrat a abèrrere: sos istudiantes torrant  totus in classe.

Aumentat su nùmeros de sas persones sanadas a Brucei e sos contàgios sighint a s’abbasciare. Petzi chimbe sos casos  averiguados in chimbe dies. Sa bidda torrat a abèrrere e su sìndigu suspendet sas limitatziones impostas de sas ùrtimas deghe dies pro parare fronte a su cundimentu.

Acabbadu s’acorru in Brucei. Das su 14 de ghennàrgiu coladu, bida sa crèschida de contàgios Covid-19, s’amministratzione comunale aiat dèvidu impònnere a sa populatzione limitatziones severas pro parare fronte a  s’undada de contàgios. A noa bona in unu  messàgiu publicadu in Facebook dae su sìndigu Simone Monni.

De oe duncas acabbant sas restritziones chi ant serradu sa bidda pro deghe dies. Sos istudiantes torrant a fàghere letzione in presèntzia. “Dae immoe sas iscolas ant a sighire s’iter ministeriale e a fàghere su tratzamentu ant a èssere diretamente sos dirigentes iscolàsticos in coordinatzione cun sas autoridades sanitàrias cumpetentes”.

“A printzìpiu sa situatzione fiat mala a beru, pro more de su nùmeru artu de positividades registradas (8) ma, a pustis chi sos paesanos nostros nos ant fatu a ischire chi fiant positivos, mustrende unu sentidu mannu de responsabilidade, semus lòmpidos a 60 contàgios chi nos ant obligadu a publicare s’ordinàntzia de su 14 de Ghennàrgiu coladu”.

Tra sas initziativas leadas: serrada de sas atividades “no essentziales”, parcos e ufìtzios pùblicos, ritiru noturnu e òbligu de autotzertificatzione. “Amus sighidu su tratzamentu diretu pro more de garantire fintzas unu servìtziu sanu e efitziente de sa regorta de sos refudos ispetziales. A oe semus arribbados a unu tratzamentu chi marcat 105 casos de positividade presentes in su territòriu nostru dae su 12 de ghennàrgiu (data chi est comintzada sa comunicatzione direta tra sos tzitadinos resurtados positivos a su virus e s’amministratzione) finas a oe.

De custos 105, sunt 50 sas persones chi sunt giai curadas, e petzi 5 sunt istados sos casos de positividade chi nos ant singialadu in sas ùrtimas 5 dies. Custu signìficat chi a su presente tenimus 55 casos de positividade a su virus, pro su prus persones chi sunt acanta de curare”.