Non totu ddu connoschent, ma Francesco Salis at iscritu una pàgina importante in s’istòria de sa Resistèntzia. Sa figura de su giòvanu partigianu ogiastrinu at a èssere ammentada in su cursu de unu cunvegnu, in programma sàbadu chi benit, in s’àula consiliare de sa bidda nadale sua, Iersu.

Sos reladores, chi s’ant a intreverare a cumentzare dae sas 10, ant a contare s’istària de Salis chi est istadu ochidu dae sos fascistas pagas dies prima de sa Liberatzione in sas baddes de su Cuneesas durante un’atopu de sos cumandos partigianos garibaldinos, fertu a morte, paris cun àteros oto partigianos, dae una ràfica de mitralliadora.

A s’acabbu de sos interventos at a èssere projetadu su film “Neve rosso sangue”. Coordinat sos traballos Gianfranco Loi.

Est istada chida de apuntamentos e ispantos in Fonne, in su coro de sa Sardigna, acanta mìgias de visitadores e apassionados ant patetzipadu a un’ispetàculu fatu de màscaras de su mundu, folklore internatzionale e ìpica.

Sa manifestatzione de “Identidades – Grande sfilata di machere tradizionali”, est cumentzada sàbadu 5 de austu, dae sas 17. Protagonistas printziapele sunt istados sos meres de domo, Urthos e Buttudos e sas Mascheras Limpias, ma fintzas sos carotes istàngios, comente  MasquAoste (Venètzia), CivitaMask (Venètzia), Colombina, Pantalone e Arlechino (Bèrgamu), Krampus (Südtirol), Su Bundu (Orane), Merdules Bezzos (Otzana), Mamutzones Antigos (Samugheu), Mamuthones e Issohadores (Mamujada), Urtzu e Sos Bardianos (Ula Tirso), Sos Tumbarinos (Gavoi), Su Sennoreddu (Teti), Mascara Gattu (Sarule), Is Arestes e s’Urtzu Pretistu (Sòrgunu), Cambas de Linna (Gùspini), Tamburinps e Trumbetieris (Aristanis), S’Attitidu ‘Osincu (Bosa).

A sas 22 si sunt esibidos sos grupos folclorìsticos locales de sos Brathallos Folk Fonne, in intro de su fèstival internatzionale de su folklore, chi at bidu in iscena fintzas sos grupos istràngios comente Karpaty (Islovàchia), Samba (Brasile), Pro logo de Samugheu e Biddobrana de Biddaubrana. A sighire ballos in pratza cun Mariantonietta Bosu (sonetu) e Francesco Fais (boghe), cun sa presentatzione de Roberto Tangianu.

“A pustis de duos annos de firmu dèvidu a s’apretu sanitàriu amus torradu a fàghere custa grandu manifestatzione, chi est lòmpida a sa de 5 editziones”, at naradu Antonio Marratzu, unu de sos organizadores . Màscheras e cultura, duncas, peri cun ‘abertura de su museu acanta sos bisitadores ant pòdidu bisitare sa mustra fotografica. Partetzipatzione manna peri a sas bisitas ghiadas in su territòriu a s’iscoberta de sa tziviltade nuràgica fonnesa a Madau e Gremanu.

Partetzipatzione manna fintzas a sa de  36 editziones de su Pàliu de Fonne.  Sa cursa a pilu prus sighida de s’Ìsula, organizada dae sa Sotziedade Ìpica Fonnesa, cun unu monteprèmios de 31.000 èuros. A bìnchere est istadu Francesco Caria con Costerino per il comune di Esporlatu, segundu Gavino Sanna e tertzu Pasquale Salis.

“Progetto finanziato con l’Avviso Pubblico IMPRENTAS annualità 2021-2022”