Su 23 trìulas sa banda in iscena in su Parcu de sos Sonos de Arriora

La Rivoluzione sta Arrivando tour isbarcat in Sardigna sàbadu su 23 de trìulas. Sa banda de sos Negromaro, chi at giai registradu su totu esauridu in diversas tzitades italianas, at a èssere protagonista de su cuntzertu organizadu dae Sardegna Concerti in s’àmbitu de su fèstival “Grandi Eventi” chi at a bènnere acasagiadu custu istiu in su Parcu de sos Sonos de Arriora.

Sos billetes, postu ùnicu in sa platea, ant a èssere in bèndida in sos majores tzicuitos natzionales a cumentzare dae mèrcuris u 24 e martzu a su prètziu de 35 èuros cumprensivos de sos deretos de prebèndida.
Sardegna Concerti agiunghet gasi una àtera tapa importante in su caente istiu musicale de su Sinis, cuncordada gràtzias a sa collaboratzione cun Dromos Fèstival, Rocce Rosse & Blues e Jazz in Sardigna (e chi in sas dies imbenientes si diat pòdere allargare fintzas a àteros importantes fèstivals isulanos).

A pustis sos totur giai annuntziados de Massimo Ranieri, in iscena su 9 de trìulas, e de Max Gazzè, in iscena semper a su Parcu de sos Sonos de Arriora su 12 austu, sos Negramaro promitent una àtera note de mannu ispetàculu e mùsica. Mancant difatis prus pagu de duos meses a su tour isetadu meda in partèntzia su 5 de maju dae Taranto: a pustis de sa tzitade pugliesa, àteras oto pratzas italianas, tra asa cales cussa de Arriora a Aristanis, sunt prontas a acollire sa segunda parte de su giru lòmpidu in medas tzitades italianas in su mese de santandria.

Est istada chida de apuntamentos e ispantos in Fonne, in su coro de sa Sardigna, acanta mìgias de visitadores e apassionados ant patetzipadu a un’ispetàculu fatu de màscaras de su mundu, folklore internatzionale e ìpica.

Sa manifestatzione de “Identidades – Grande sfilata di machere tradizionali”, est cumentzada sàbadu 5 de austu, dae sas 17. Protagonistas printziapele sunt istados sos meres de domo, Urthos e Buttudos e sas Mascheras Limpias, ma fintzas sos carotes istàngios, comente  MasquAoste (Venètzia), CivitaMask (Venètzia), Colombina, Pantalone e Arlechino (Bèrgamu), Krampus (Südtirol), Su Bundu (Orane), Merdules Bezzos (Otzana), Mamutzones Antigos (Samugheu), Mamuthones e Issohadores (Mamujada), Urtzu e Sos Bardianos (Ula Tirso), Sos Tumbarinos (Gavoi), Su Sennoreddu (Teti), Mascara Gattu (Sarule), Is Arestes e s’Urtzu Pretistu (Sòrgunu), Cambas de Linna (Gùspini), Tamburinps e Trumbetieris (Aristanis), S’Attitidu ‘Osincu (Bosa).

A sas 22 si sunt esibidos sos grupos folclorìsticos locales de sos Brathallos Folk Fonne, in intro de su fèstival internatzionale de su folklore, chi at bidu in iscena fintzas sos grupos istràngios comente Karpaty (Islovàchia), Samba (Brasile), Pro logo de Samugheu e Biddobrana de Biddaubrana. A sighire ballos in pratza cun Mariantonietta Bosu (sonetu) e Francesco Fais (boghe), cun sa presentatzione de Roberto Tangianu.

“A pustis de duos annos de firmu dèvidu a s’apretu sanitàriu amus torradu a fàghere custa grandu manifestatzione, chi est lòmpida a sa de 5 editziones”, at naradu Antonio Marratzu, unu de sos organizadores . Màscheras e cultura, duncas, peri cun ‘abertura de su museu acanta sos bisitadores ant pòdidu bisitare sa mustra fotografica. Partetzipatzione manna peri a sas bisitas ghiadas in su territòriu a s’iscoberta de sa tziviltade nuràgica fonnesa a Madau e Gremanu.

Partetzipatzione manna fintzas a sa de  36 editziones de su Pàliu de Fonne.  Sa cursa a pilu prus sighida de s’Ìsula, organizada dae sa Sotziedade Ìpica Fonnesa, cun unu monteprèmios de 31.000 èuros. A bìnchere est istadu Francesco Caria con Costerino per il comune di Esporlatu, segundu Gavino Sanna e tertzu Pasquale Salis.

“Progetto finanziato con l’Avviso Pubblico IMPRENTAS annualità 2021-2022”