Su casteddaju Gianluca Asunis,contrappuntat po sa Sardigna a sa World Cup de Roller Free Style in Shanghai. Su viazu de sa Natzionale Italiana de Roller Freestyle Park est incumintzadu duas dies faghet, e fintzas a su 19 de santuaini sos isportivos ant essere impigandos in d’una de sas porfias pius de grandesa de su campu: sa World Cup, accasazada in s’impiantu modernu de su West Bund Art Centre in Shanghai, in Tzina.

Si trattat de un’abbenimentu de importantzia in tottu su mundu, chi faghet arrivare sos menzus talentos dae donzi angulu de su mundu.

In mesu de custos, bi est fintzas un’arroddu tottu sardu: Gianluca Asunis, fottografu casteddaju e appassionadu de isports urtimos, chi at essere in proa po tennere arta sa bandela de sa terra sua. Custa materia isportiva tenet sas raighinas suas in sos primos annos 90 comente mezoru de s’iskating de recreu.

Cust’urtimu aiat giai fattu divennere sos pattinos una cona de libertade e arrecreu, amadu meda in manera particulare in America. Bell’e gai, mentres su pattinaggiu si est affirmadu comente un’attividade po su tempus iscappu, su roller freestyle at trasformadu sa pratica in carchi cosa de pius attrividu e meda tecnicu.

Sos logos de sa tzittade, cun sas iscalas insoro, sos muros pitticcos e sos passamanos, sunt divennidos su parcu de giocos perfettos po custos isportivos chi, cun abilesa, ant incumintzadu a curreggere sa contestura de sa tzittade.

Cun su tempus, sos skatepark ant incumintzadu a bessire a pizzu in tottu sas pius mannas tzittades de su mundu, no solu comente logos destinados a s’isport, ma fintzas comente beros e propios tzentros de aggregatzione e de cultura de sos zovanos. In sos skatepark, pius sas contestura sunt artas e rapitas, pius sa porfia po sos pattinadores divenit emossionante e prena de adrenalina.

In custu ambiente chi drinnit, sunt naschidos sos contest, chi ponent impare s’ispiritu de sas garas e su sensu de comunidade. Oe, sos contest de roller freestyle sighint unu format deffinidu: sos giogadores tenent a disposissione dae 45 a 90 secundos po faghere sa mustrada insoro.

A faghere sa differentzia no est solu sa difficultade tennica De sos trick fattos, ma fintzas sa creatividade, s’iscurrere de s’esecutzione e s’istile personale de donzunu chi faghet s’esibissione, elementos de fundamentu chi sos zuighes balutant cun attentzione meda po decretare sos binchidores. Gianluca Asunis, cun sa presentzia sua a sa World Cup de Shanghai, non partetzipat solu po s’Italia, ma puru po Casteddu e tottu sa Sardigna.

Attività realizzata col contributo della Regione Sardegna — IMPRENTAS 2023-2024. LR 22/2018, art. 22

Regorta differentziada,Sardigna intre sas primas ma serbit unu passu in prus.

Sa Sardigna si cuffirmat intre sas regiones prus attentas a sa conduida de s’arga. In su 2024 sa regorta differentziada est arrivada a su 76,5% e balet su terzu postu in Italia, in daesegus de Emilia Romagna e Veneto.

S’elementu,presentadu dae Legambiente in su mentres de s’Ecoforum de Casteddu, mustrat una situassione positiva.Intames si registrat una minimada pitticca de sos comunes prus virtudosos e de cussos chi resessint a arrivare a prezenias artas meda de regorta. In d’una parte manna de s’isula sunt oramai diffundidas abitudines bonas in s’isseperu de s’arga, signu chi in sos annos est bistadu fattu unu tribagliu importante dae sas amministratziones e sos tzittadinos. Sa regorta gianna pro gianna e un’attentzione prus manna a sos cumportamentos de donzi die ant dadu unu contribbudu pro mezorare sos risurtados.

A su mattessi tempus addurant ancora trempas de mezoramentu. Carchi tzentru no arribat a sos livellos prevedidos e sighint a faghere prus fatiga,comente Tattari, mancari siant arribande cambiamentos chi diant podere battire menzus resurtados giai in sos annos imbenientes. Intre sas tzittades printzipales si annoditant Aristanis e Nugoro, chi cuffirmant prezenias artas e organizassione bona de su servitziu, divenninde puntu de relata fintzas po sas atteras iscroccas.

Su cuadru chi bessit a pizu est cussu de una regione chi at fattu passos in daenantis importantes, ma chi non si podet permittere de si frimmare. Una parte de s’arga sighit difattis a no essere differentziada e custu pesat siat supra de s’ambiente chi supra sos costos pro sas comunidades. Sa bera porfia como no est solu mantennere sos risurtados segudados, ma los rendere prus pariviles in totta sa Sardigna. Bi sunt iscroccas chi andant bene meda e atteras chi addurant in daesegus: minimare custa differentzias at essere de fundamentu pro mezorare deabberu su sistema.

In giogu non bi est solu una prezenia, ma sa manera cun sa cale si abbidat a su tempus benidore. Mezorare sa derettura de s’arga cheret narrere de minimare su corpu supra de s’ambiente, ma fintzas fraigare comunidades prus scientes e responsabbiles. Est unu caminu chi dimandat continuidade e impignu e seperos craros, pro itte sos resurtados alcansados fintzas a como mustrant chi furriare est possibile, ma solu si si andat a daenantis chena si frimmare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22