Eliconie eventi: frischesa, simplidade e atmosfera familiare a su servìtziu de sa comunidade tortoliesa. In su panorama culturale e artìsticu de Tortolì est pro fàghere sa cumparta unu capìtulu interessante nou firmadu “Eliconie Eventi”.

 S’assòtziu culturale, una criadura nàschida dae s’idea dae is tres giòvanas tortoliesas Elisabetta Usala, Michela Girardi e Monica Cabiddu,  sàbadu 17 de martzu  a is 19.30, at a abèrrere pro sa prima bia is ghennas a is bisitadores in sa turre de Santu Micheli in Àrbatax, cuntzèdida pro s’ocasione dae s’amministratzione comunale de Tortolì. “Eliconie Eventi- ispiegat su presidente de s’assòtziu culturale Elisabetta Usala- at boddidu su nùmene dae is noe musas grecas amparadoras de is artes. Sa prioridade nostra est cussu de aparitzare eventos culturales de diferente natura in intro de su territòriu tortoliesu, pro fàghere a manera chi sa tzitade de Tortolì leet dae s’arte e dae sa cultura motivatziones  e prospetivas noas”.

Is faeddos crae de s’assòtziu sunt bator: cumpartzimentu, ispàssiu, cultura e ambiente. “Is sòtzios de Eliconie- at naradu Michela Girardi- ant a tènnere s’ocasione de s’ispassiare in manera sana e in un’ambiente friscu, arbistu, e semper abertu a is ideas de is àteras realidades assotziativas ogiastrinas e de totus is tzitadinos chi bolent donare s’agiudu issoro. Est pròpiu s’interatzione tra is assòtzios chi tenimus prus a coro. Creo chi gràtzias a sa cooperatzione cun realidades diferente dae sa nostra podimus tènnere unu bonu profetu in totu is progetos nostros”. Custas pitzocas tenent su grandu mèritu de tènnere un’incuru mannu pro s’ambiente. “Cale si siat progetu chi tenimus in conca- at naradu Monica Cabiddu- s’at a acumprire donende cura a s’ambiente e respetende sa natura pro mèdiu de s’impreu de materiales retziclados, ecològicos e biològicos. Finas s’istemma nostru chi est de colore viola e nieddu, s’at a colorare de birde cada bia chi sa manifestatzione at a tratare unu tema ambientalista”.

 S’assòtziu est galu printzipiende s’atividade sua, ma a cantu paret is ideas non mancant e is tres fundadoras non tenent gana de abarrare cun is manos iscude iscude. In ocasione de s’inauguratzione, difatis, Eliconie Eventi at a aparitzare sa mustra “39°56’12.17’’N – 9°42’23.29’’E, nùmene curiosu chi si riferit a is coordinadas pretzisas de su puntu in ue s’agatat sa turre de Santu Micheli. Sa fortilesa, difatis, s’at a prènnere de lughes e de colores gràtzias a is fotografias de su tataresu Luca Cantarelli e a is installatziones de Donatella Ceria. Eliconie Eventi cheret fàghere a manera chi sa Turre, torrada a nou dae pagu tempus, bèngiat bìvida e istimada dae sa tzitadinàntzia. Pro permìtere a totus de dda bisitare, sa mustra “39°56’12.17’’N – 9°42’23.29’’at a èssere aberta ogna die dae su 17 a su 25 de martzu, dae is 10:00 a is 13:00 e dae is 16:00 a is 21.00.” Subenende sa data de s’adòbiu, sàbadu 17 martzu a is 19.30, auguramus a Eliconie Eventi unu bonu cumèntzu!

Nel cuore del Supramonte, a pochi chilometri da Oliena, si trova Su Gologone, la sorgente d’acqua più affascinante e famosa della Sardegna. Situata ai piedi del monte Uddè, questa risorgiva scolpita nella roccia dolomitica è un capolavoro della natura, con acque cristalline che vanno dal verde smeraldo al blu profondo.

Ogni secondo, circa 500 litri di acqua oligominerale sgorgano da questa fonte che alimenta il fiume Cedrino e che, dal 1998, è riconosciuta come monumento naturale. Meta ambita da speleosub di tutto il mondo, Su Gologone è stata esplorata fino a 135 metri di profondità dal sub Alberto Cavedon nel 2010.

Il paesaggio che la circonda è altrettanto straordinario: boschi di eucalipti, sentieri per escursioni, percorsi in kayak tra canyon e laghi, e un territorio ricco di storia e archeologia, con siti nuragici come Tiscali, la valle di Lanaittu e le grotte di Corbeddu. Su Gologone è un luogo che unisce natura, mistero e bellezza in un’unica, indimenticabile esperienza.