Eliconie eventi: frischesa, simplidade e atmosfera familiare a su servìtziu de sa comunidade tortoliesa. In su panorama culturale e artìsticu de Tortolì est pro fàghere sa cumparta unu capìtulu interessante nou firmadu “Eliconie Eventi”.

 S’assòtziu culturale, una criadura nàschida dae s’idea dae is tres giòvanas tortoliesas Elisabetta Usala, Michela Girardi e Monica Cabiddu,  sàbadu 17 de martzu  a is 19.30, at a abèrrere pro sa prima bia is ghennas a is bisitadores in sa turre de Santu Micheli in Àrbatax, cuntzèdida pro s’ocasione dae s’amministratzione comunale de Tortolì. “Eliconie Eventi- ispiegat su presidente de s’assòtziu culturale Elisabetta Usala- at boddidu su nùmene dae is noe musas grecas amparadoras de is artes. Sa prioridade nostra est cussu de aparitzare eventos culturales de diferente natura in intro de su territòriu tortoliesu, pro fàghere a manera chi sa tzitade de Tortolì leet dae s’arte e dae sa cultura motivatziones  e prospetivas noas”.

Is faeddos crae de s’assòtziu sunt bator: cumpartzimentu, ispàssiu, cultura e ambiente. “Is sòtzios de Eliconie- at naradu Michela Girardi- ant a tènnere s’ocasione de s’ispassiare in manera sana e in un’ambiente friscu, arbistu, e semper abertu a is ideas de is àteras realidades assotziativas ogiastrinas e de totus is tzitadinos chi bolent donare s’agiudu issoro. Est pròpiu s’interatzione tra is assòtzios chi tenimus prus a coro. Creo chi gràtzias a sa cooperatzione cun realidades diferente dae sa nostra podimus tènnere unu bonu profetu in totu is progetos nostros”. Custas pitzocas tenent su grandu mèritu de tènnere un’incuru mannu pro s’ambiente. “Cale si siat progetu chi tenimus in conca- at naradu Monica Cabiddu- s’at a acumprire donende cura a s’ambiente e respetende sa natura pro mèdiu de s’impreu de materiales retziclados, ecològicos e biològicos. Finas s’istemma nostru chi est de colore viola e nieddu, s’at a colorare de birde cada bia chi sa manifestatzione at a tratare unu tema ambientalista”.

 S’assòtziu est galu printzipiende s’atividade sua, ma a cantu paret is ideas non mancant e is tres fundadoras non tenent gana de abarrare cun is manos iscude iscude. In ocasione de s’inauguratzione, difatis, Eliconie Eventi at a aparitzare sa mustra “39°56’12.17’’N – 9°42’23.29’’E, nùmene curiosu chi si riferit a is coordinadas pretzisas de su puntu in ue s’agatat sa turre de Santu Micheli. Sa fortilesa, difatis, s’at a prènnere de lughes e de colores gràtzias a is fotografias de su tataresu Luca Cantarelli e a is installatziones de Donatella Ceria. Eliconie Eventi cheret fàghere a manera chi sa Turre, torrada a nou dae pagu tempus, bèngiat bìvida e istimada dae sa tzitadinàntzia. Pro permìtere a totus de dda bisitare, sa mustra “39°56’12.17’’N – 9°42’23.29’’at a èssere aberta ogna die dae su 17 a su 25 de martzu, dae is 10:00 a is 13:00 e dae is 16:00 a is 21.00.” Subenende sa data de s’adòbiu, sàbadu 17 martzu a is 19.30, auguramus a Eliconie Eventi unu bonu cumèntzu!

Intervento dei Vigili del Fuoco nella tarda mattinata di oggi lungo la SS 131 DCN, all’altezza del km 28.800, in seguito a un incidente stradale che ha visto coinvolte due automobili: una Ford Focus e una Peugeot 308.

La squadra 1A della sede centrale è prontamente giunta sul posto per mettere in sicurezza i veicoli e assistere le persone coinvolte, successivamente affidate alle cure del personale sanitario intervenuto con mezzi di soccorso.

Presenti anche i Carabinieri della Stazione di Ottana, che hanno effettuato i rilievi di legge e gestito la viabilità lungo il tratto interessato. Le cause dell’incidente sono in fase di accertamento.