Bona resessida in Tortolì pro sa prima editzione de “Su Sbarracu”. Domìniga 25 de onniasantu, difatis, is àndalas de su tzentru sunt istradas serradas a su tràficu pro more de ospitare unu mercadu mannu a s’abertu aparitzadu dae is cummertzantes e dae is butegheris de Tortolì.

Unu muntone de gente, siat tortoliesos siat istràngios, ant aprofetadu de su tempus bonu pro andare a si fàghere s’ispesa in is bancos de is alimentares o in chirca de carchi afare in mesu a is bancos de is bendidores de roba de anticuariadu. Calicunu s’est finas postu a còghere e a bèndere castàngia a arrustu o a frìghere pische acumpangiadu dae su binu de su logu.

Sa prima editzione de “Su Sbarracu”, duncas, est andada pròpiu bene, e at fatu a bìdere chi sa gente, mancari ddoe siat sa crisi econòmica, tenet gana de s’adobiare e de abarrare in cumpangia.

“Una domìniga ispantosa – nos at contadu unu de is organizadores de s’eventu, Sandro Puggioni, su mere de sa butega 99 Cent – sa gente at leadu parte a s’initziativa cun brègiu meda. Custu bolet nàrrere chi si aparitzant cosas bellas, peri cun pagu dinari, a sa fine totu andat bene. Semus cuntentos meda e pro custu semus pensende de torrare a fàghere “Su Sbarracu” su 30 de su mese de idas”.
Una die gosi, in sa tzitade nostra, in unu mese gosi mortu comente cussu de onniasantu, non si fiat mai bida!

Pareggio amaro all’Unipol Domus: Cagliari e Pisa chiudono 2-2 una gara ricca di episodi. I toscani partono meglio e trovano il vantaggio allo scadere del primo tempo con Tramoni su rigore, molto discusso, per un presunto fallo di mano di Adopo.

Nella ripresa i rossoblù cambiano passo e ribaltano il risultato: prima Folorunsho di testa su cross di Zappa, poi Kilicsoy con un potente destro dal limite per il 2-1.

Nel finale, però, il Cagliari si fa sorprendere ancora: all’89’ Moreo firma il pareggio su cross di Leris, fissando il risultato sul 2-2.