Su logu prus famadu de sa Sardigna est peri cussa chi in is ùrtimos chimbant’annos at tentu su prus mannu isvilupu econòmicu. Si provamus a preguntare a unu turista basti chi siat in cale parte de sa Sardigna s’agantant is Montes de Mola, seguru ca no ischit chi s’agatant pròpiu in Costa Ismeralda. De ogni manera, tempus a in antis chi su prìntzipe Ismaelita Karim Aga Khan incumentzaret a imbestire su dinare suo in cussu logu, unu nùmene gosi àspidu inditaiat una costa crispa e àspida etotu, però ispantosa!

A printzipiare dae is primos annos Sessanta, s’Aga Khan aiat cumentzadu a fraigare su paradisu suo, chi in pagos’annos si fiat trasformadu in su polu de su turismu internatzionale de èlite. Su paradisu de Allah in terra, si fiat ismanniadu e potentziadu gràtzias a unu Tzìrculu Nàuticu e a is primos albergos e resort. Totu suta su controllu de unos de is prus mannos architetos de su sèculu pagados dae su Prìntzipe e dae is sòtzios suos. Is Montes de Mola sunt istados trasformados in unu produtu, adatados a sa bèndida, sighende règulas urbanìsticas e ambientales severas: respetu de s’ambiente naturale e recùberu de s’istile de fràigu gadduresu, torradu a bisitare in crae moderna. Una prenda pro pagos, unu paradisu areste a sa portada de is turistas prus dinarados e prus famados.

Oe, dae ogiastrinos nos preguntamus comente custu mèraculu est pòdidu resèssere. Nos preguntamus si finas s’Ogiastra tèngiat custa possibilidade. Oe in die pensamus ca nono, pro more de sa paga abistesa nostra. Custas sunt is càusas de su mancadu isvilupu de sa terra nostra. Su produtu nostu est istadu cuncordadu sena garbu perunu e prenadu de chimentu in ogna logu. S’oferta chi podimus dare a su turista est una cosa omologada. Cussu chi faghet custa terra unu logu ùnicu, est a nàrrere is abitantes suos e is traditziones, non faghent parte de s’oferta. In pagos faeddos a su turista benit donadu su chi podet èssere donadu in cale si siat logu de su mundu. A parte custu, peri un’àtera pregunta si ponet pro is generatziones chi ant a bènnere: tenimus a beru bisòngiu de diventare una segunda Costa Ismeralda? Depimus nois puru pèrdere is meravizas de sa terra nostra in nùmene de s’isvilupu e de su dinare? In beridade semus giai de diora in cust’àndala, ma però cun resurtados calitativos chi non si podent nemmancu paragonare a cussos de sa costa gadduresa.

Hanno 2 mesi e poco più e si stringono tutti insieme per farsi coraggio e affrontare qualcosa più grande di loro: l’essere stati strappati dalla loro mamma e la solitudine.

I piccoli ora si trovano al sicuro al canile Campanedda di Sassari ma cercano con urgenza una casa. Sono 12, un’intera cucciolata abbandonata, 12 cuccioli strappati alla loro mamma, anche lei rimasta senza i suoi figli e di certo senza nessuna intenzione da parte di chi ce l’ha in carico, di essere sterilizzata.

I cuccioli sono adottabili in tutta la Sardegna ma anche in centro e Nord Italia. Per info  340 8565809.