Sas Salinas de Casteddu intre istoria, connottu in s’iscrocca de Santa Gilla.

Sas Salinas de Casteddu sunt unu de sos logos prus tipicos de su sud de sa Sardigna e si agattant in sa zura de s’istagnu de Santa Gilla, a pagos passos dae sa tzittade. Cust’iscrocca aunit in manera unica su tribagliu de s’omine e sa ricchesa de sa natura, creande una bista particulare, fatta de bartzas de abba, colores e mudores. S’istoria insoro est antiga meda e arribat dae su tempus de sos romanos, cando su sale fuit produidu irfruttande su sole e su bentu. Cun su colare de su tempus s’attividade est creschida e si est ordiminzada semper menzus, divenninde una fortza de fundamentu po s’accolomia locale.

Pro annos meda su sale produitu in Casteddu est bistadu bendidu fintzas in atteras iscroccas, dande unu contribbudu a s’isviluppu de sa zura. S’assentu de sa produssione est simple ma balidu. S’abba de su mare benit fatta bintrare in sas bartzas e dassada ispaporare gratzias a su cardu e su bentu. Cando s’abba si ritirat, su sale addurat in su fundu e benit regortu. Est unu protzessu naturale chi ancora oe sighit ritimos ligados a sas istajones e sas cundissiones de su clima.

Addia de s’aera produttiva, sas salinas sunt fintzas unu logu naturale de balore mannu. S’istagnu de Santa Gilla est difattis una zura importante meda pro sos animales, mescamente sos puzzones. Intre sos prus connoschidos bi sunt sa zente rubia, chi in sos annos sunt divennidos una cona de s’iscrocca. Imparis cun issos bivent medas atteras zenias chi acciappant in custas abbas unu logu ideale pro pappare e si pasare.

In sos urtimos annos sunt divennidas unu puntu de arribu semper prus apprezziada dae chie bisitat Casteddu. Semper prus pessonas si accostant a custu logu pro iscoperrere comente si produet su sale e pro iscrudignare sa natura dae accurtzu. Sos colores de sas bartzas e sa bista abberta faghent divennere sa zura ammaghiante meda, mescamente in sas oras de s’intrichinu.

Sas salinas sunt oe un’ecchilibriu intre passadu e presente. Dae una parte sighint a contare unu connottu antigu ligadu a su tribagliu e sa produssione de su sale, dae s’attera sunt un’ambiente naturale de diffendere e balorizzare. Sas salinas de Casteddu sunt meda prus de unu logu produttivu. Sunt una parte importante de s’istoria e identidade de s’iscrocca, unu esempru de comente s’omine e sa natura potant bivere impare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Dae sas bessidas in s’Ottighentos a sa serrada in su 2014:s’istoria longa de sa presone de Buoncammino in Casteddu.

Sa presone de Buoncammino est bistada pro prus de unu seculu unu de sos logos prus importantes e a su mattessi tempus prus diffitziles de sa tzittade de Casteddu, postu supra de su montricu de Santu Larentu in d’una posissione chi l’at fatta divennere pro annos unu logu visibile e potente.

S’istoria sua incumintzat a metade de s’Ottighentos cando si fuit dezididu de fraigare un’ istruttura nova po remplasare sas presones bezzas de sa tzittade chi non andaiant prus bene, e giai in su 1855 sa prima presone bintradiat in funtzione, fintzas si ancora in manera affrontada. Cun su colare de sos annos si est cumpresu chi serbiat una presone prus manna e moderna, e gai a s’accabbu de su seculu est bistada disignada un’istruttura nova chi accolliat chentinaias de presoneris chi
arribaiant dae atteras presones de sa tzittade fintzas prima de sa congruida deffinitiva de sos tribaglios.

Dae cussu mamentu Buoncammino est divennida sa presone printzipale de Casteddu e at accumpanzadu sa tzittade po tottu su Noighentos, rugande tempos istoricos divressos meda e divenninde unu puntu de relata pro sas presones de s’isula. S’istruttura fuit cussiderada segura meda e in s’attividade longa sua non bi sunt bistadas fughidas, una cosa chi at dadu unu contribbudu a fraigare sa fama de presone tettera e sebera, mentres intro sa vida fuit a s’ispissu sinzada dae difficultades ligadas a sos logos istrintos e a sos presoneris meda.

Solu a partire dae sos annos Settanta si est incumintzadu a faeddare cun prus attentzione de recuberu e recuida in sa sotziedade, revertinde abbellu sa manera de bivere e de conduire sa presonia, mancari sos problemas de s’istruttura si poderent biere craramente. Cun su tempus, difattis, sa presone est divennida semper prus bezza e pagu adatta a sas esigentzias novas, fintzas a sa detzisione de fraigare una presone nova in s’iscrocca de Uta pro bi ponnere tottu sos presoneris. In su 2014 est bistada serrada in manera deffinitiva pustis de prus de chentu annos de attividade, sinzande sa fine de unu tempus pro sa tzittade de Casteddu.

Oe, s’ex presone addurat unu de sos fraigos prus importantes e riconnoschibiles , unu logu carrigu de istoria e memoria chi sighit a contare su passadu pro mesu de sos muros suos. Una parte importante de s’istoria e identidade de s’iscrocca, unu esempru de comente s’omine e sas nadura potant bivere impare.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22