Su cuarteri de Casteddu in Casteddu: unu viazu intre istoria, arte e bista.

In su coro de Casteddu, arroccadu supra su corongiu prus artu de sa tzittade, su cuarteri de Casteddu est unu cascione beru de istoria,arte e bista chi che bogat s’alenu. Sas carrelas sticcadas e sos carruzos istrintos che leant in daesegus in su tempus, intre turres medievales, palattos de sa nobbilesa e giannas antigas comente sa tzelebre Gianna Cristina, testimonzos de seculos de accadessimentos chi ant formadu s’identidade de sa tzittade.

Donzi angulu de su cuartieri contat istorias de nobbilesa, mercaderis e artesanos chi ant dassadu su sinzu , faghinde divennere Casteddu unu logu inube s’istoria paret chi si potat toccare a donzi passu. Ma su cuartieri no est solu passadu: est fintzas su coro culturale de Casteddu, cun museos e regortas de arte chi allogant operas importantes unicas, dae sas operas antigas a sas prendas archeologicas chi contant sas issidas de sa Sardigna, fintzas a sas mustras de oe chi contant su presente creativu de s’isula.

Passizzande intre pratzas e sutteas de su cuartieri, comente Pratza Palattu, sa mirada si abberit supra bistas chi non si podent creere: su portu, su mare, sas caperturas rujas de sa tzittade e su birde de sos corongios accanta donant miradas perfettas poi scattare fottograffias o solu po si frimmare a alenare sa maghia de s’aera chi solu Casteddu ischit offerrere. S’architettura de su cuartieri, cun cortes cuadas, iscalas rattas, cresias de seculos e turres medievales, creant unu ammaju
chentza tempus,capatze de meravizzare chie si siat, dae sos turistas curiosos a sos appassionados de istoria.

Non mancant esperientzias po su paladu e po comporare: ristorantes pitticcos, caffe’ particulares e buttegas artesanas permittint de assaborare prattos tipicos de sa coghina sarda, iscoperrere sos produttos locales e si che leare a domo unu picculu de connottu. Passizzande po Casteddu si tenet su segheru de bivere un’avventura chi aunit passadu e presente, cultura e alliccu, arte e vida de donzi die, faghinde de donzi bisita un’esperientzia prena e chi  non si podet ismentigare. Po chie arribat a Casteddu po sa prima borta, e fintzas po chie bi torrat prus bortas, Casteddu est su coro chi toccheddat de sa tzittade, unu logu inube donzi pedra, donzi carruzzu e donzi suttea contant istorias divressas ma tottus ammaghiantes a sa mattessi manera.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

A 111 annos, Luisetta Mercalli est sa femina prus betza de sa Sardigna e sa quinta in Italia. Naschida su 17 de frearzu 1915 in Carloforte, in s’isula de Santu Pedru, in su sud-ovest de sa Sardigna, at arrugadu duas gherras mondiales. Oe tenet unu istile de vida attivu e impittat donzi die su telefoneddu po addurare in cuntattu cun familiares e amigos.

In su mentres de sa secunda gherra mondiale si est annodditada po ispiritu de azzudu, currinde pro azzuare pustis de sos bumbardamentos supra su portu de Carloforte de su 4 Aprile 1943 chi aiant fattu medas mortos e fertos. Sa carriera sua comente mastra est bistada de casi 50 annos, in d’unu tempus in su cale sos chi podiant istudiare fuint pagos, mescamente sas feminas. Si fuit diplomada in privadu in d’una iscola de Padova, istudiande a sa sola de notte e tribagliande intro de die, mustrande determina e impignu.

Dae cando fuit zovana teniat sa passione pro sa musica e su cantu. Accumpanzada a su pianu, si mustraiat siat in domo chi in sos teatros cun sa boghe sua de tipli. Custa passione l’at accumpanzada po totta sa vida sua e che l’at giutta a sighire sas operas de su Teatru Liricu de Casteddu fintzas a sos chentu annos. Oe, gratzias a sos ballumenes ordiminzados dae s’istruttura inube bivet, sa RSA de Su Planu in Selargius, sighit a assistire a sos ispettaculos.

Luisetta mantennet una vida in salude pappande cosa sana e faghinde unu pagu de movimentu. Su 17 de ffearzu, sa chida passada, at festadu sos 111 annos in su logu in su cale bivet, bestida in manera elegante meda. S ‘annu de Luisetta est diventadu una cona de vitalidade, memoria e amore pro sa vida, tzelebrande una femina chi sighit a ispirare cun s’esempru suo de fortza, passione e vida longa. Su nuntzu ha fattu su giru de su Web.

S’istoria sua si inferchit in d’unu cuntestu prus mannu: sa Sardigna est difattis famada po su numeru mannu de pessones betzas, cun zente de chent’annos chi bivet cun bona salude. Luisetta est s’esempru prus rechente e bivente de custu connottu, mustrande chi un’istile de vida attivu, sa passione pro sa cultura e sa cura de sé podent accumpanzare sa betzesa, revertindela in d’unu percursu riccu de esperientzias e de gioa de bivere.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22