S’Alighera, affaccada in sa costa nord-otzidentale de sa Sardigna, est una de sas tzittades prus ammaghiantes de s’ìsula, in ue s’istòria agatat su mare e sa cultura catalana e s’ammisturat cun su connottu sardu.

Ammus pensadu de signalare chimbe esperièntzias de bìvere in custa tzittade ispetziale meda. Sa prima cosa de fàghere est de si pèrdere in su tzentru istòricu: un’intrezu de carruzos in pedra, bastiones e pratzas luminosas, in ue donzi àngulu contat unu frammentiude su passadu ispagnolu.

Inoghe s’agatant sa Catedrale de Santa Maria, sa Crèsia de San Frantziscu e medas locales piticos in ue assazzare unu cafè o un’aperitivu cando calat su sole. Pagu a fora de su tzentru, sa punta de Capu Càssia cunservat una de sas meravìzzas naturales prus bellas de biere de su Mediterràneu: sa Gruta de Netunu, agatàbile pro mare o po mesu de s’ispantosa iscala “Escala del Cabirol”, cun prus de seschentos iscalinos a picu subra su blue.

Sas playas sunt un’àteru motivu pro innamorare de S’Alighera: Maria Pia, Le Bombarde e Mugoni oferint arena crara, abba cristallina e s’aera tipica rendida de sa Riviera de su Coraddu. Chie amat s’istòria non podet pèrdere sa visita a su Nuraghe Palmavera e de sa Necròpoli de Anghelu Ruju, testimoniàntzias istravanadas de sas tziviltades nuràgicas e preistòricas chi biviant in s’ìsula dae sos tempos antigos a oe.

Po finire, S’Alighera cunchistat fintzas in sas mesas: sa fregula cun frutos de mare, sa butàriga, s’aligusta a sa catalana e sos binos locales comente su Torbato e su Cannonau contant sos sabores autènticos de s’iscrocca. Una passizada a sero in cursu de sos bastiones, cun su sole chi si inbolat in su mare, serrat sa die in sa manera prus amaghiante possìbile. S’Alighera est unu logu chi unit natura, arte e sabores: una tzitade pitticca chi ischit oferire una esperièntzia cumpleta, manna e chi non si at podere ismentigare.

“Attività realizzata con il contributo della Regione Sardegna – IMPRENTAS 2024- 2025.LR22/2018, art.22”

In Barbagia, su Carrasegare de Gavoi si annoddittat dae semper po una particularidade chi lu rendet unicu in sa bista de s’isula: inoke sa caratza non est uni bisu cuzigadu, ma su sonu. A faghere divennere unica sa festa non sunt costumenes iscenograficos o friguras de linna, ma su ritmu potente de sos tumbarinos e sos cantos de sos istrumentos de su connottu chi rugant sas carrelas de sa bidda. Custa tzelebrassione est sighida meda e attrait in sa biddichedda bisitadores meda.

Sas tzelebrassiones incuminzant in su Giovedì Grasso, connoschidu comente Giovja Lardajola, die chi marcat s’incumintzu uffitziale de sa festa e muttit sa comunidade a inghiriu de sos sapores tipicos de su connottu. Dae cussu mamentu, Gavoi si animat cun sos sonadores, muttidos tumbarinos, chi rugant su tzentru istoricu cun su bistire barbaricinu de su connottu. Sa colada insoro est abbisada dae su battidu detzisu de su tumbarinu, tamburu fattu cun pedde animale, accumpanzadu dae su sonu acuthu de su pipiolu,launedda de canna, e dae su ritmu metallicu de su triangulu.

No esistit una isfilada ordiminzada in su sensu classicu de sa paraula: tottu sa bidda divenit unu cataffale spontaneu. Sa musica s’isparghet intre sas carrelas e sas pratas, bintrat in sas domos e chentinas, inube sos sonadores benint accollidos po sighire sa festa intre ballos e mamentos de sotzialidade. Est una tzelebrassione chi transat tottas sas ingendras e chi rennovat donz’annu su sensu de appartennentzia a sa comunidade.

In su tempus passadu, intre sas friguras chi mustraiant su carrasegare bi fuit fintzas Zizzarrone, unu maimone chi mustraiat s’ispiritu isberrittadu de su tempus de su carrasegare. Oe sa presentzia sua est prus pagu tzentrale, ma addurat parte de s’immaginariu de tottus ligadu a sa festa.

Fintzas in custa dies, su Carrasegare de Gavoi est bistadu tzelebradu cun partecipassione manna, ghirande in sas carrelas de sa bidda s’energia de sos tumbarinos e cunfirmande su ligamene forte intre connottu e identidade locale, in d’unu cuntestu regionale inube atteros logos sunt nodidos  po sas caratzas rituales, Gavoi sighit a si annoddittare revertinde su sonu in s’eroe beru de su Carrasegare, un’elementu capatze de contare s’istoria e s’anima de sa Barbagia.

Attività realizzata col contributo della Regione Sardegna — IMPRENTAS 2025-2026. LR 22/2018, art. 22

Il video di Maria Grazia Marras

.